हिब्रू 11:29 - परमेश्‍वरए ताँ तमु क्युइर

²⁹ बिश्‍वासउँइँलेन् इस्राएलीमैंइ ओबानो क्ल्ह्‍योर प्रब् धोंले ओल्ग्या मा ङ्युँइ तर्दिइ, दिलेया चमैंलाइ ल्‍हाखबै मिश्रीथेंमैं छलेन् तर्दिबर होंमा ताँन् प्ल्हुँसि सियाइ।

हिब्रू 11:29 ပူးပေါင်းရင်းမြစ်များ

भजनमैं 66:6

खीजी मा ङ्युँइर ओबनो क्‍ल्‍ह्‍यो लमिंइ; धै चमैं प्हलेइ प्रसिन् मा ङ्युँइए क्योंज ह्‍याइ। खो, खीजी लबै के ङ्ह्‍योसि ङ्यो सैं तोंले।

भजनमैं 78:13

खीजी मा ङ्युँइ ङ्हिबाँ लइ धै क्युए म्हाँजोउँइँले चमैंलाइ क्योंज डोरेबोइ, धै खीजी गारा धोंले क्यु रामिंइ।

प्रस्थान 14:13

मोशाइ इस्राएलीमैंने बिइ, “क्हेमैं आङ्हिंन्ले सैं भोंब लद्। ङ्ह्‍योद्! याहवेहजी तिंयाँ क्हेमैंलाइ मिश्रउँइँले फ्रेमिंब्मुँ। चु मिश्रीमैं क्हेमैंइ तिंयाँ म्रोंइमुँ, तारे क्हेमैंइ धबै चमैंलाइ खोंयोंन् बिलै म्रोंरिब् आरे।

प्रस्थान 14:22

धै चमैंए क्योलो नेरो त्हेब्रे हार चमैंए ल्हागिर क्यु बान्‍नो तइ, छतमा इस्राएलीमैं मा ङ्युँइए म्हाँजोउँइँले कारा क्ल्ह्‍योर प्रसि ह्‍याइ।

प्रस्थान 14:27

मोशाइ ह्रोंसए यो मा ङ्युँइए (समुन्द्रए) फिर स्योंइ, धै न्हाँगर मि म्रोंमा मा ङ्युँइ धबै एसि ह्रोंसए क्ल्ह्‍योर एखइ। मिश्रीमैं भौदिबर होंमा याहवेहजी चमैं मा ङ्युँइर्न भ्योंमिंइ।