हिब्रू 11:28 - परमेश्‍वरए ताँ तमु क्युइर

²⁸ काल पखबै स्‍वर्गदूतइ इस्राएलर्बै म्‍हिमैंए च्‍ह थेबालाइ आस्‍यारिगे बिसि मोशाइ बिश्‍वासउँइँलेन् दुःखने फ्रेबै चाडए रोस म्हाँदिइ। चइ इस्राएलर्बै म्‍हिमैंने क्‍युए ख्रो पिंसि चए को म्रार प्राबर ल्हैदिइ।

हिब्रू 11:28 ပူးပေါင်းရင်းမြစ်များ

१ कोरिन्थी 10:10

छतसि ङ्योइ गनगन लल् आत, च खेमैंइ गनगन लबइले नास लवाबै स्‍वर्गदूतइ चमैंलाइ सैवाइ।

हिब्रू 12:24

छलेन क्हेमैं नेरो परमेश्‍वरए म्हाँजोर छारा बाछा फैमिंबै येशू ङाँर नेरो खीए पबित्र लमिंबै कोए ङाँर खइमुँ। येशूए कोजी हाबिलए कोइ भन्दा अझै छ्याँबै ताँ पोंम्।

हिब्रू 9:19

ठिमर बिब् धोंले लल् त्हुबै ताँमैं मोशाइ इस्राएलीमैंने बिमिंबै लिउँइँ चइ क्‍ल्‍या भारा, र-बुख्या नेरो क्‍युए को, क्यु, ओल्‍ग्‍या पै नेरो हिसप बिबै धुँए प्हो ठिमए फिर नेरो ताँन् म्‍हिमैंए फिर प्राइ।

१ पत्रुस 1:2

येशू ख्रीष्‍टजी बिबै ताँ क्हेमैंइ ङिंसि खीए कोजी ख्रुमिंसि पबित्र प्ल्हउँइँले चोखो तबै ल्हागिर परमेश्‍वर आबाजी क्हेमैंलाइ स्योंमन् त्हाँल। क्हेमैं ताँनए फिर परमेश्‍वरए दयाम्हाँया नेरो शान्ति खोंयोंन् बिलै ल्हें ततै ह्‍यारिगे।