हिब्रू 11:23 - परमेश्‍वरए ताँ तमु क्युइर

²³ मोशा फिमा बेल्‍ले छ्याँब मुँल। छतसि बिश्‍वासउँइँलेन् मोशाए आबा-आमाइ म्हैंन सोंल् समा चलाइ लोथेंइ। धै म्रुँइ बिबै ताँ या चमैंइ आङिं।

हिब्रू 11:23 ပူးပေါင်းရင်းမြစ်များ

भजनमैं 118:6

याहवेह ङने बालुन् मुँ, छतसि ङ तो सैने या ङ्हिंरिब् आरे, म्हिमैंइ ङलाइ तोइ लल् आखाँ।

भजनमैं 56:4

परमेश्‍वरजी पोंबै ताँमैंए बयन ङ लरिमुँ। खीए फिर्न ङइ भर लइमुँ, छतसि ङ ङ्हिंरिब् आरे। म्हिमैंइ ङलाइ तो लल् खाँमुँ?

प्रस्थान 1:16

“हिब्रूस्योमैंइ प्हसे फिसि चमैंए सुसर लमा च्ह फिस्याँ सैवाद्, च्हमिं फिस्याँ आसैद्।”

प्रस्थान 1:22

छतमा फारो म्रुँइ ह्रोंसए ताँन् म्हिमैंने “हिब्रूमैंला च्हमैं कति फिलेया चमैं ताँन् नील स्योंर भ्योंवाँन्, च्हमिंमैं बिस्याँ सोगोंन् थेंन्,” बिसि ल्हैदिइ।

मत्ती 10:28

“क्‍हिए ज्यु सैल् खाँब्‍मैंने आङ्हिंन्, तलेबिस्याँ चमैंइ क्‍हिए प्‍ल्‍ह सैल् आखाँ। बरु प्‍ल्‍ह नेरो ज्यु ङ्हिंन-ङ्हिंन् नर्गर भ्‍योंवासि नास लल् खाँबै परमेश्‍वर म्रोंसि ङ्हिंन्।

चेला चिब्मैंए केमैं 7:20

“च त्हेर्न मोशा फिइ। परमेश्‍वरए उँइँर च बेल्‍ले छ्याँब मुँल। च म्हैंन सोंल् समा चए आबाए धिंर्न न्हइ।

हिब्रू 13:6

छतसि ङ्योइ ढुक्‍कले बिले, “याहवेहजी ङलाइ ल्होमिंम्, छतसि ङ ङ्हिंरिब् आरे। म्‍हिमैंइ ङलाइ तो लल् खाँमुँ?”