हिब्रू 11:19 - परमेश्‍वरए ताँ तमु क्युइर

¹⁹ छतसि म्हिमैं सिलेया परमेश्‍वरजी धबै सोगों लमिंल् खाँम् बिबै ताँ अब्राहामइ मैंइ, धै क्ह्रोंसेंन चए च्‍ह इसहाकलाइ सिबउँइँले सोगो लमिब् धोंलेन् चइ धबै योंइ।

हिब्रू 11:19 ပူးပေါင်းရင်းမြစ်များ

उत्पत्ति 22:13

झाइले अब्राहामइ कोंउँइँ ङ्‍ह्‍योमा क्यु साँढे घ्रि झ्याडिर रु क्होरिब् म्रोंइ। धै अब्राहाम ह्‍यासि च क्यु साँढे पखसि ह्रोंसए च्हए क्ल्ह्‍योरि च क्युए ख्रो पिंइ।

मत्ती 12:36

“छतसि ङ क्हेमैंने बिमुँ, स्योलिबै ताँमैं पोंबै म्हिमैंइ निसाफ लबै त्हिंइर चमैंइ खेंमैंइ पोंबै स्योलिबै ताँमैंए लेखा पिंल् त्‍हुब्मुँ।

मत्ती 9:28

खी धिं न्‍होंर होंबै लिउँइँ च कनमैं ङ्हिं येशू ङाँर्न खइ। धै येशूजी चमैंने “ङइ क्हेमैंए मि म्रोंल् लमिंल् खाँम् बिसि क्हेमैंइ क्वेंम्मा?” चमैंइ “ओं, गुरु, ङिइ क्वेंम्,” बिइ।

रोमी 5:14

दिलेया आदमए पलो ओंनों मोशाए पलो समा ताँन् म्‍हिमैं सिल् त्‍हुइ। आदमइ लब् धोंबै के आलबै म्हिमैं या सिल् त्हुइ। आदमइ लबै केए नों ताँन् म्‍हिमैंइ योंब् धोंले येशू ख्रीष्‍टजी लबै केए नों या ताँनइ योंम्। छतसि येशू ख्रीष्‍टए नमुना आदम तइ।

एफिसी 3:20

ङ्योइ ह्रिब् भन्दा, ङ्योइ मैंब् भन्दा थेबै केमैं परमेश्‍वरजी लल् खाँम्। खीजी च के खीए शक्‍तिजी ङ्योए सैं न्‍होंर्न लम्।

हिब्रू 9:24

ओंसोंबै पबित्र क्‍ल्‍ह्‍यो क्ह्रोंसेंन्बै पबित्र क्ल्ह्‍योए नकल मुँल। दिलेया ख्रीष्‍ट म्‍हिमैंइ बनेबै पबित्र क्‍ल्‍ह्‍योर आहों, खी स्‍वर्ग न्होंर्न होंइ। छले खी ङ्योए ल्हागिर परमेश्‍वरए उँइँर टिइमुँ।

हिब्रू 9:9

चु ताँ तिंजरेबै ल्हागिर नमुना घ्रि ग। चुए मतलब भेटिमैं नेरो परमेश्‍वरए मिंर पिंबै र-क्‍युए ख्रोइ म्‍हिए सैंलाइ ख्रुसि चोखो लल् आखाँ।