हिब्रू 11:14 - परमेश्‍वरए ताँ तमु क्युइर

¹⁴ छाबै ताँ बिबै म्हिमैंइ खोंयोंन् बिलै ह्रोंसलन् तरिबै ह्‍युल घ्रि म्हैरिइमुँ बिसि छेनाले सेल् खाँम्।

हिब्रू 11:14 ပူးပေါင်းရင်းမြစ်များ

प्रस्थान 2:22

सिप्पोराइ च्ह घ्रि फिइ, धै मोशाइ बिइ, “चु ह्‍युलर ङ टिल् योंसेरो ङइ चु च्हए मिं गेर्शोम थेंइमुँ।”

२ कोरिन्थी 4:18

म्रोंल् खाँबै सैमैंम् नास तयाम्, आम्रोंबै सै खोंयोंन् बिलै तरिम्। छतसि ङि म्रोंबै सैमैंए लिलि आप्र, आम्रोंबै सैमैंए लिलि प्रम्।

फिलिप्पी 1:23

ङए सैं ङ्हिरि तइमुँ। चु ङ्हिरोबै छ्ह पिसि ख्रीष्‍टने बालु टिब ङए थेबै सैं मुँ, ङए ल्हागिरि च ताँ बेल्‍ले छ्याँब तमल।

हिब्रू 11:13

च ताँन् म्‍हिमैंइ परमेश्‍वरजी पिंम् बिसि बाछा फैबै सैंमैं आयोंलेया बिश्‍वास लसिन् सिइ, दिलेया च सैमैं ह्रेंगोउँइँलेन् म्रोंसि चमैं सैं तोंइ। तलेबिस्याँ चु पृथ्बीर म्हिमैं ङ्हिरोबै प्ह्रें धों तब् मुँन बिबै ताँ चमैंइ सेइ।

हिब्रू 11:15

चमैंइ खेंमैंइ वाथेंबै ह्‍युलर एयाबै सैं लस्‍याँ चमैंलाइ एल् योंबै मौका योंल, दिलेया चमैंइ च ह्‍युलए बारेर तोइ वास्‍ता आल।

हिब्रू 11:16

बरु चमैंल झन् छ्याँबै ह्‍युल, अथवा स्‍वर्गर, ह्‍याबै सैं मुँल। छतसि परमेश्‍वर “चमैंए परमेश्‍वर ग” बिबर फा आपिल, तलेबिस्याँ खीजी चमैंए ल्हागिर सहर घ्रि तयार लथेंइमुँ।

हिब्रू 13:14

तलेबिस्याँ ङ्योए ल्हागिर चुर खोंयोंइ तरिबै सहर आरे। ङ्योम् लिउँइँ तखबै खोंयोंइ बिलै तरिबै सहरए घ्याँ ङ्‍ह्‍योसि टिब्मैं ग।