हिब्रू 10:6 - परमेश्‍वरए ताँ तमु क्युइर

⁶ तलेबिस्याँ खेदोमैं ख्रो पिंबै क्ल्ह्‍योर होम लबइले क्हि सैं आतों, झाइले पाप ख्रुबै ल्हागिर ख्रो पिंलेया क्हि सैं आतों।

हिब्रू 10:6 ပူးပေါင်းရင်းမြစ်များ

भजनमैं 147:11

दिलेया याहवेहलाइ मान लब्मैं नेरो खीए खोंयोंइ आनुबै म्हाँयार भर लब्मैंने खी सैं तोंमुँ।

भजनमैं 40:6

ख्रो नेरो भेटि क्हिजी आम्है, मिर ख्रोंसि पिंबै ख्रो नेरो पाप ख्रुबै ल्हागिर्बै ख्रो क्हिजी आह्रि। बरु क्हिए ताँ थेबै ल्हागिर क्हिजी ङए न्हमैं थोमिंइमुँ।

मत्ती 3:17

झाइले “चु ङइ खोबै च्‍ह ग, चु म्रोंसि ङ बेल्‍ले सैं तोंइमुँ बिबै कै घ्रि स्वर्गउँइँले युइ।”

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।

हिब्रू 10:4

तलेबिस्याँ र क्युए कोइ म्हिमैंए पाप त्होल् आखाँ।