हिब्रू 10:30 - परमेश्‍वरए ताँ तमु क्युइर

³⁰ तलेबिस्याँ “बदला किंबै के ङल् ग, म्हिमैंइ खैबै के लइमुँ छाबन् नों ङइ पिंम्।” बिब परमेश्‍वरन् ग बिसि ङ्योइ सेइमुँ। खीजी धबै बिइमुँ, “याहवेहजी खीए म्‍हिमैंए निसाफ लब्‍मुँ।”

हिब्रू 10:30 ပူးပေါင်းရင်းမြစ်များ

भजनमैं 135:14

तलेबिस्याँ याहवेहजी ह्रोंसए म्हिमैंए ठिक निसाफ लब्मुँ, धै ह्रोंसए सेवा लब्मैंए फिर ल्हयो खब्मुँ।

भजनमैं 50:4

ह्रोंसए म्हिमैंए निसाफ लबर खीजी मु नेरो पृथ्‍बीलाइ हुइब्मुँ:

भजनमैं 94:1

ओ याहवेह, क्हिजी आछ्याँबै के लब्मैंलाइ दण्ड पिंम्, ह्रोंसए ह्रिस उँइँन्!

भजनमैं 96:13

तलेबिस्याँ खी युसिन् मुँ, पृथ्बीर मुँबै म्हिमैंए निसाफ लबर खी युसिन् मुँ। ह्‍युलर्बै म्हिमैंए निसाफ खीजी ठिकले लब्मुँ; धै खीजी ह्रेंमैंए निसाफ भर लल् खाँल्‍ले लब्मुँ।

भजनमैं 98:9

चमैं ताँनइ याहवेहए उँइँर क्वे प्रिंरिगे, तलेबिस्याँ निसाफ लबर खी पृथ्बीर युम्। खीजी ह्‍युलर ठिक निसाफ लब्मुँ, धै ह्रें-ह्रेंर्बै म्हिमैं खाबै आफेलल्‍ले खीजी ठिक निसाफ लब्मुँ।

रोमी 12:19

ओ ङए खोबै अलि-अङाँमैं, ह्रोंसए न्होह्रों लब्मैंने खोंयोंइ खि आकिंन्। चमैंलाइ परमेश्‍वरए ह्रिसर्न पिवाद्, तलेबिस्याँ “खि किंबै के ङल् ग, ङजीन् खि किंब्‍मुँ,” बिसि छ्वेर प्ह्रिइमुँ।

रोमी 13:4

तलेबिस्याँ क्‍हेमैंए फायदाए ल्हागिर परमेश्‍वरजी सरकारलाइ ह्रोंसए सेवा लब्मैं खटिदिब् ग। दिलेया पाप लस्‍याँ सरकार म्रोंसि ङ्हिंल् त्‍हुम्, तलेबिस्याँ सरकारने सजैं पिंबै शक्‍ति नेरो हग मुँ। पाप लब्‍मैंलाइ सजैं पिंबै ल्हागिर परमेश्‍वरजी सरकारलाइ खटिदिब् ग।

२ कोरिन्थी 5:10

तलेबिस्याँ ख्रीष्‍टजी निसाफ लमा ङ्यो ताँन् खीए उँइँर राल् त्‍हुम्। ङ्यो सोगों मुँमा छ्याँबै के ललेया, आछ्याँबै के ललेया ह्रोंसइ लबै केए नों ङ्योइ योंब्‍मुँ।