हिब्रू 10:27 - परमेश्‍वरए ताँ तमु क्युइर

²⁷ बरु ङ्हिंन् ङ्हाँबै दण्ड पैंसि टिल् त्हुम्, धै परमेश्‍वरए बिरोध लब्‍मैंलाइ नास लवाबै मिए राबा मत्‍त्रे तब्मुँ।

हिब्रू 10:27 ပူးပေါင်းရင်းမြစ်များ

भजनमैं 21:9

क्हि युबै त्हेर क्हिजी चमैं लुँरिबै मिर भ्योंवाब्मुँ, याहवेहजी ह्रोंसए ह्रिसर चमैं क्ल्ह्‍योंवाब्मुँ, धै मिइ चमैं ख्रोंवाब्मुँ।

मत्ती 13:42

मिए राबर भ्‍योंवाब्‍मुँ। चर म्हिमैं बेल्‍ले क्रोसि स ह्राब्‍मुँ।

मत्ती 13:50

झाइले मिए राबर भ्‍योंवाब्‍मुँ। चर चमैं बेल्‍ले क्रोसि स ह्राब्‍मुँ।”

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मत्ती 3:10

तोगोंन् सिं धुँर त फेल् खाँइँमुँ। छतसि छ्याँबै रो आरोबै ताँन् सिंधुँ परमेश्‍वरजी थोवाब्मुँ, धै मिर ख्रोंवाब्‍मुँ।

मत्ती 3:12

सोंग्या टाबै नउलि खीए योर्न मुँ। खीजी ताँन् खालर्बै सोंग्या छेन्‍ले टाब्‍मुँ, धै खीए गहुँ धन्‍सारर खागु लब्मुँ, धै ताँन् पुइ खागु लसि खोंयोंइ आसिबै मिर ख्रोंवाब्‍मुँ।”

मत्ती 8:29

चमैंइ येशूने त्‍होबै तोदोंन् “ओ परमेश्‍वरए च्‍ह, क्हिला ङिने तो के मुँ? ङिलाइ सजैं पिंबै त्हे आतबर्न सजैं पिंबर क्हि चुर खल् वा?” बिसि चिरइ।

लूका 16:24

“चइ कै तेसि बिइ, ‘ओ बाज्‍यू अब्राहाम, ङए फिर ल्हयो खसि लाजरस ङ ङाँर कुल्मिंन्। चए योरि क्‍युर प्‍ल्हुँसि ङए सुँर झोंमिंरिगे। तलेबिस्या ङ चु मिए राबर थेबै दुःख योंरिइमुँ।’

लूका 19:27

तारे ङलाइ आखोसि ‘म्रुँ आतरिगे’ बिब्‍मैं चुर पखसि ङए उँइँर सैवाद्।”

लूका 21:26

ह्‍युलर ङ्हिंन् ङ्हाँन् तब्‍मुँ बिसि म्‍हिमैं मुर्छा तयाब्मुँ। तलेबिस्याँ च त्हेर मुर्बै सैमैं या लायाब्मुँ‌।

लूका 23:30

च त्‍हेर म्हिमैंइ ‘कोंमैंने ङिए फिर उँयान् बिब्मुँ, धै नुबै डिस्कामैंने ङि हुवासि म्यारवाद्’ बिबर होंब्‍मुँ।

यूहन्‍ना 5:29

झाइले चमैं बैरु त्होंखब्‍मुँ: छ्याँबै के लब्‍मैं खोंयोंइ खाखाँबै छ्ह योंबर सोगों तब्‍मुँ, दिलेया आछ्याँबै के लब्‍मैं सजैं योंबर सोगों तब्‍मुँ।

हिब्रू 12:25

छतसि न्ह क्रों मि क्रो तद्, ङ्योने पोंबै परमेश्‍वरजी बिब ङिंन्। तलेबिस्याँ चु पृथ्‍बीर्बै म्‍हि मोशाइ बिबै ताँ इस्राएलीमैंइ थेल् आङिंमा चमैं दण्‍डउँइँले स्योल् आखाँ बिस्याँ, झन् स्‍वर्गउँइँले पोंबै परमेश्‍वरजी बिबै ताँ आङिंब्मैं खैले स्योरल् खाँमुँ?

हिब्रू 12:29

तलेबिस्याँ ङ्योए परमेश्‍वर नास लवाबै मि ग।

हिब्रू 2:3

खोंयोंइ आखाँबै छ्ह पिंबै च्हौ थेबै मुक्‍तिलाइ तो धोंइ आङ्हाँस्याँ ङ्यो खैले परमेश्‍वरउँइँले स्योरल् खाँमुँ? चु मुक्‍तिए ताँ धाँसे ओंसों प्रभु येशूजीन् बिब् ग, धै खीए ताँ थेब्‍मैंइ चु ताँ क्ह्रोंसेंन ग बिसि ङ्योने उँइँमिंइ।

हिब्रू 9:27

ताँन् म्‍हिमैं तिब्‍ले सिल् त्‍हुम्, धै सिबै लिउँइँ परमेश्‍वरजी लबै इन्‍साफर राल् त्‍हुम्।

याकूब 5:3

क्‍हेमैंए मारा चाँदि साँथेंसि खैर खइमुँ। छले साँथेंबै मारा चाँदिर मुँबै खैरइन क्‍हेमैं मुइ पैसाए म्हाँया लब्‍मैं मुँन बिसि ग्वाइ पिंब्‍मुँ। छले साँथेंबै सै न्होरइन मिइ ख्रोंवाब् धोंले क्हेमैंलाइ ख्रोंवाब्‍मुँ। तलेबिस्याँ नुयाबै त्हिंइए ल्हागिरि क्‍हेमैंइ सै न्होर साँथेंइमुँ।

दर्शन 20:15

खोंयोंइ आखाँबै छ्ह योंब्मैंए मिं प्‍ह्रिबै कितबर मिं आरेबै म्‍हिमैंलाइ परमेश्‍वरजी च मि मुँबै होंल्दोंर भ्‍योंवाइ।