हिब्रू 10:24 - परमेश्‍वरए ताँ तमु क्युइर

²⁴ घ्रिइ घ्रिलाइ म्हाँया लदै छ्याँबै के लरिबै ल्हागिर ङ्योइ खैले चमैंए सैं भोंन् लमिंब च ताँ सैंर मैंले।

हिब्रू 10:24 ပူးပေါင်းရင်းမြစ်များ

भजनमैं 41:1

आयों आख्युब्मैंए खाँचो टार्दिमिंबै म्हिइ आशिक योंम्! छाबै म्हिए फिर दुःख तमा याहवेहजी चलाइ दुःखउँइँले फ्रेमिंम्।

हितोपदेश 29:7

ङ्हाँदुमैंइ योंल् त्हुबै हगए ल्हागिर ठिक के लब्मैंइ छेनाले निसाफ लम्; दिलेया दुष्‍ट म्हिइ चमैंए वास्तै आल।

चेला चिब्मैंए केमैं 11:29

छाबै ताँ थेसि चेलामैं ताँनइ ह्रों-ह्रोंसइ पिंल् खाँबै सैमैं रेसि यहूदीयार्बै बिश्‍वासीमैं ल्होबर पिमिंबै सैं लइ।

रोमी 11:4

दिलेया परमेश्‍वरजी एलियाने छाबै ज्वाफ पिंइ, “बाल बिबै देवताए पूजा आलबै हजार ङि म्हिमैं ङइ ह्रोंसए ल्हागिर थेंइमुँ।”

रोमी 12:15

सैं तोंब्‍मैंने बालु सैं तोंन्, क्रोब्‍मैंने बालु क्रोद्।

१ कोरिन्थी 10:33

ङज्यै या ङइ लबै तोन्दोंरि केर म्हिमैंए सैं खैले तोंन् लब् ङ्‍हे ङ्हाँम्। ङइ ह्रोंसल् मत्‍त्रे छ्याँब् तरिगे धै सैं तोंल् योंरिगे आङ्हाँ, बरु ताँन् म्हिमैंइ मुक्‍ति योंसि छ्याँब् तरिगे बिब ङए सैं मुँ।

१ कोरिन्थी 9:22

छलेन बिश्‍वासर आभोंब्मैंए बिश्‍वास भोंब् तरिगे बिसि ङै या बिश्‍वासर आभोंब्मैं धोंन् तइ। खैले तमुँ छले खाब् आङिं खाबइ प्रभुए फिर बिश्‍वास लरिगे बिसि म्हिमैं खै तल ङै या छान् तल।

२ कोरिन्थी 8:8

ङइ क्‍हेमैंलाइ हुकुम पिंसि बिब आङिं, दिलेया अरूमैंइ भों खल्‍ले छ्याँबै के लब् म्रोंसि क्‍हेमैंए म्हाँया क्‍ह्रोंसेंन ङिंब् उ आङिं बिसि जाँच लबर ग।

२ कोरिन्थी 9:2

तलेबिस्याँ क्‍हेमैंइ पिंबै सैं मुँ बिब ङइ सेइमुँ। छतसि ङइ माकेडोनिया ह्‍युलर्बै म्‍हिमैंने क्‍हेमैंए बारेर छ्याँबै बयन लसि छ बिइ, “अखैया ह्‍युलर्बै अलिमैं तुग्‍युम् ओंनोंन् भेटि रेसि ल्होबर तयार तइमुँ।” आगुलाइ ल्होबै ल्हागिर क्‍हेमैंइ सैं थेब् लब् म्रोंसि म्‍हिमैं या छाबन् के लबर भों खइमुँ।

गलाती 5:13

ओ अलि-अङाँमैं, क्‍हेमैं ठिमए न्होंर टिल् आत्हुरिगे बिसि परमेश्‍वरजी क्‍हेमैंलाइ त्‍हाँब् ग। छले क्हेमैं खाँसो ङ्हाँन् तल् योंबइले तारे पिरु ह्रोंसए सैंउँइँले खबै आछ्याँबै ताँमैंए लिलि आप्रद्, बरु घ्रिइ घ्रिने म्हाँया लसि घ्रिइ घ्रिए सेवा लद्।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

गलाती 5:6

तलेबिस्याँ ङ्यो ख्रीष्‍ट येशूने घ्रिन् तमा ज्युर चिनु ललेया आललेया तोइ फायदा आरे। बरु थेबै ताँ तो मुँ बिस्‍याँ, ङ्यो ख्रीष्‍टए फिर बिश्‍वास लब्मैंइ अरूमैंए फिर म्हाँया लसि चमैंए ल्हागिर छ्याँबै के लल् त्‍हुम्।

गलाती 6:1

ओ ङए अलि-अङाँमैं, खाबज्यै आछ्याँबै केमैं लब स्यास्याँ क्हेमैं पबित्र प्ल्ह मुँबै म्हिमैं च्योंने तसि चलाइ छ्याँबै घ्याँर पखल् त्हुम्। झाइले क्‍हेमैं या छाबै आछ्याँबै केर आफसेरिगे बिसि छेनाले मैंब च्हैंब लसि न्ह क्रों मि क्रोंले टिल् त्‍हुम्।

कलस्सी 3:16

ख्रीष्‍टउँइँले खबै सैं तोंबै ताँ क्‍हेमैंए सैं न्होंर थेंन्। बेल्‍ले बुद्धि मुँल्‍ले घ्रिइ घ्रिलाइ लोमिंसि अर्थि पिंन्। खों न्होंउँइँले धन्यबाद पिंसि परमेश्‍वरए मिं क्वेबै ल्हागिर भजन, क्वेमैं नेरो पबित्र प्ल्हजी पिंबै क्वेमैं प्रिंसि सैं न्होंउँइँले खीए मिं क्वेद्।

१ थेसलोनिकी 1:3

छले प्राथना लमा चु ताँमैं सों ङिए सैंर मैंम्: क्‍हेमैंइ प्रभु येशूए फिर बिश्‍वास लसि छ्याँबै के लइमुँ। झाइले ताँनने म्हाँया लसि क्‍हेमैंइ थेबै के लइमुँ। प्रभु येशू ख्रीष्‍ट क्ह्रोंसेंन धबै युब्‍मुँ बिसि क्‍हेमैंइ थेबै बिश्‍वास लइमुँ।

१ थेसलोनिकी 5:11

छतसि क्‍हेमैंइ तोगो लरिब् धोंले घ्रिइ घ्रिलाइ सैं क्होमिंसि भोंब् लबै के अझै लरिदु।

२ थेसलोनिकी 3:9

ङिइ छलेन् चब् थुँब् योंबै हक मुँल, दिलेया ङिइ लब् धोंले क्‍हेमैंज्‍यै या लरिगे बिसि ङिइ छ लइ।

१ तिमोथी 6:18

चमैंइ छ्याँबै केमैं लरिगे, धै छ्याँबै केमैं लसि म्हिमैं ल्होब्मैं, पिंब्मैं तरिगे बिसि चमैंने बिद्।

तीतस 2:4

झाइले चमैंइ छमिंमैंने “खेंमैंए प्‍युँमैं नेरो प्‍हसेमैंलाइ म्हाँया लब,

तीतस 3:8

च ताँनइ क्वेंल् त्हुबै ताँ ग। चु ताँ क्‍हिइ छेनाले लोमिंरिगे बिब ङए सैं मुँ। परमेश्‍वरए फिर बिश्‍वास लब्मैंइ छ्याँबै केमैं खोंयोंन् बिलै लबर न्ह क्रों मि क्रों तल् त्हुम्, बिद्, तलेबिस्याँ चु ताँमैं म्‍हिमैंए ल्हागिर बेल्‍ले केर फेब् मुँ।

हिब्रू 13:1

क्हेमैं घ्रिइ-घ्रिने ह्रोंसए अलिने धोंलेन् म्हाँया लरिद्।

हिब्रू 13:3

कोइ म्हिमैं झेलर मुँस्याँ ह्रोंसै या चमैंने झेलर मुँब् धों ङ्हाँसि चमैंए वास्था लद्। छलेन दुःख योंब्मैं म्रोंमा ह्रोंसइन दुःख योंब् धों ङ्हाँन्। तलेबिस्याँ क्हेमैं फिरै या छ तल् खाँम्।

हिब्रू 3:13

बरु खाबै या पापर आच्होरिगे धै क्हेमैं खाबज्यै या सैं सारो आलरिगे बिसि परमेश्‍वरए छ्वेर बिब् धोंले “तिंयाँबै त्हिंइ” मुँब् समा घ्रिइ घ्रिलाइ अर्थि पिंब्रें लद्।

१ यूहन्‍ना 3:18

ओ ङइ खोबै कोलोमैं, ङ्योइ लबै म्हाँया ताँ नेरो सुँइ पोंब मत्‍त्रे आङिं, योज्यै या छ्याँबै के लसि सैं न्होंउँइँलेन् क्ह्रोंसेंन्‍बै म्हाँया लल् त्‍हुम्।