हिब्रू 1:9 - परमेश्‍वरए ताँ तमु क्युइर

⁹ क्‍हिजी छ्याँबै के खोमुँ, धै आछ्याँबै के आखो। छतसि ओ परमेश्‍वर, क्‍हिए परमेश्‍वरजी क्‍हिलाइ त्हाँसि क्हिए थुमैं न्होंर क्हिलाइ ताँन् भन्दा थेबै मिं पिंसि छ्युगु फोसि सैं तोंन् लमिंइ।”

हिब्रू 1:9 ပူးပေါင်းရင်းမြစ်များ

भजनमैं 11:5

याहवेहजी ठिक के लब्मैंए जाँच लमुँ; आछ्याँबै के लब्मैं नेरो म्हि सैब् म्‍लुबै के लदा ङ्हाँब्मैं खीजी आखो।

भजनमैं 119:104

क्हिजी ल्हैदिबै केमैंउँइँलेन् ङइ च्हैब् मैंब् लल् खाँबै शक्ति योंइमुँ; छतसि ताँन् आछ्याँबै के लबै घ्याँमैं ङइ पिवाल् खाँइमुँ।

भजनमैं 119:128

धै क्हिजी लद् बिबै ताँन् केमैं ङइ लइमुँ; आछ्याँबै के लबै ताँन् घ्याँ ङइ आखो।

भजनमैं 2:2

याहवेह नेरो खीजी छ्युगु फोसि त्हाँबै म्रुँए बिरोधर ह्‍युलर्बै म्रुँमैं राम्, धै चर्बै चिब्मैं खागु तसि खेंमैंए न्होंर मदो लसि

भजनमैं 2:6

“सियोन बिबै ङए पबित्र कोंर ङइ ह्रोंसए म्रुँ थेंइमुँ,” बिसि खीजी बिम्।

भजनमैं 23:5

ङए शत्तुरमैंए उँइँर, क्हिजी ङए ल्हागिर चब् थुँब तयार लमिंमुँ। क्हिजी ङलाइ प्ह्रेंमैं धोंले मान लइमुँ, धै ङए प्हेल आप्लिंन् समा क्हिजी झोंरिम्।

भजनमैं 33:5

याहवेहजी खाबलाज्यै या आफेल्‍ले ठिक निसाफ लब खोम्; खीजी लबै छ्याँबै केमैं ह्‍युल तिगोंन् मुँ।

भजनमैं 37:28

तलेबिस्याँ ठिक निसाफ लबै म्हिमैंलाइ याहवेहजी खोम्; खीए म्हिमैं खीजी पिरिब् आरे। चमैंलाइ खोंयोंन् बिलै खीजी जोगेसि थेंमुँ, दिलेया दुष्‍ट म्हिमैंए सन्तान बिस्याँ नास लवाब्मुँ।

भजनमैं 40:8

ओ ङए परमेश्‍वर, क्हिजी ङने ल्हैदिबै के ङइ सैं तोंन्ले लम्, तलेबिस्याँ क्हिए ठिम ङए सैंर मुँ।”

भजनमैं 45:6

ओ परमेश्‍वर, क्हिए ग्याल्स खोंयोंन् बिलै तरिम्। ठिक केमैं लसि ह्रोंसए म्हिमैंए फिर क्हिजी ग्याल्स लम्;

भजनमैं 45:7

ठिक केमैं लब क्हिजी खोमुँ, आछ्याँबै केमैं बिस्याँ क्हिजी आखो। छतसि परमेश्‍वर, क्हिए परमेश्‍वरजी क्हिए थुमैंलाइ भन्दा क्हिलाइ ल्हें आशिक पिंसि क्हिए सैं तोंन् लमिंइमुँ;

भजनमैं 89:20

ङए के लबै म्हि दाऊदलाइ ङइ योंइमुँ; ह्रोंसए पबित्र छ्युगु फोसि ङइ चलाइ त्हाँइमुँ।

भजनमैं 89:26

चइ ङने छ बिसि बिन्ति लब्मुँ, ‘क्हि ङए आबा, ङए परमेश्‍वर ग, धै क्हिजी ङ जोगेमिंसि रक्षा लमिंम्।’

हितोपदेश 8:13

याहवेहलाइ म्हाँदिब आछ्याँबै के-ति पिब् ग। थेब् प्हैंब, शेखि लब, आछ्याँब् मैंब नेरो स्योलिबै ताँ पोंब्मैंलाइ ङइ आखो।

लूका 4:18

“याहवेह परमेश्‍वरए प्‍ल्ह ङए फिर मुँ, तलेबिस्याँ ङ्हाँदुमैंलाइ सैं तोंबै ताँ बिमिंबर खीजी ङलाइ त्हाँइमुँ। कैदिमैं झेलउँइँले तेमिंबर, धै कनमैं मि म्रोंल् लमिंबर। आगुइ क्र ओल् आपिंब्मैंलाइ रेमिंबर खीजी ङ कुल्मिंब् ग।

यूहन्‍ना 1:41

चइ ह्रोंसए आघें सिमोनने त्होसि बिइ, “ङिइ मसीह त्होइ।” (मसीह बिब ग्रिक क्युइर परमेश्‍वरजी कुल्मिंबै म्रुँ ख्रीष्‍ट ग।)

यूहन्‍ना 10:17

“ङ धबै सोगों तसि खरिगे बिसि ङए ज्यु पिंम्। छतसि आबाजी ङने म्‍हाँया लम्।

यूहन्‍ना 20:17

येशूजी चने बिइ, “ङ आछुइद् तलेबिस्याँ ङ तोगो समा आबा ङाँर आह्‍याइमुँ। बरु ङए अलिमैं ङाँर ह्‍यासि चमैंने ‘तारे ङ ङए आबा, क्हेमैंए आबा, धै ङए परमेश्‍वर, क्हेमैंए परमेश्‍वर ङाँर ह्‍यासिन् मुँ’ बिसि ङए ताँ बिमिंन्।”

यूहन्‍ना 3:34

परमेश्‍वरजी कुल्मिंबै म्हिइ परमेश्‍वरए ताँ पोंम्, तलेबिस्याँ परमेश्‍वरजी खीए पबित्र प्ल्हइ प्लिमिंम्।

चेला चिब्मैंए केमैं 10:38

परमेश्‍वरजी नासरतथें येशूलाइ पबित्र प्ल्ह नेरो शक्‍तिजी प्लिंमिंसि खीजी छ्याँबै केमैं लदै, दुष्‍टइ ह्रुगुदिब्मैं सल् लमिंदै प्रइ, तलेबिस्याँ परमेश्‍वर खीने बालु मुँल।

चेला चिब्मैंए केमैं 4:26

याहवेह नेरो खीजी त्हाँबै म्हिए बिरोधर ह्‍युलर्बै म्रुँमैं राइ, धै क्रथे मिंथेमैं ताँन् खागु तइ।’

चेला चिब्मैंए केमैं 4:27

क्ह्रोंसेंन हेरोद म्रुँ, पन्तियस पिलातस, अरू ह्रेंमैं नेरो इस्राएलीमैं या चु सहरर्न क्हिजी त्हाँबै सेवा लबै पबित्र येशूए बिरोधर खागु तल।

रोमी 12:9

क्हेमैंइ फिब्लो पार्दिबै म्हाँया आलद्, क्‍ह्रोंसेंन्‍लेन् सैं न्होंउँइँलेन् म्हाँया लद्। आछ्याँबै केमैं पिवासि छ्याँबै केमैं लरिद्।

रोमी 15:13

छतसि पबित्र प्ल्हए शक्‍तिजी क्‍हेमैंए आशा बडिमिंरिगे बिसि क्ह्रोंसेंन्बै आशा पिंबै परमेश्‍वरए फिर क्हेमैंइ बिश्‍वास लबइले क्‍हेमैंइ सैं तोंसि छिं ङ्हाँल् योंरिगे।

१ कोरिन्थी 1:9

तलेबिस्याँ परमेश्‍वर बेल्‍ले भर लल् खाँब मुँ, खीजी ह्रोंसए च्‍ह येशू ख्रीष्‍ट ङ्योए प्रभुने बालु टिबर क्‍हेमैंलाइ त्‍हाँइ।

२ कोरिन्थी 11:31

ङइ स्‍योर आतेइमुँ बिबै ताँ खोंयोंन् बिलै म्हाँदिल् त्हुबै प्रभु येशूए आबा परमेश्‍वरजी सेइमुँ।

गलाती 5:22

दिलेया पबित्र प्ल्हए रोमैं छाब् ग: आगुए फिर म्हाँया खब, सैं तोंब, शान्ति तब, सैदिल् खाँब आगुए फिर ल्हयो खब, अरूमैंल छ्याँब तरिगे ङ्हाँब, लम् बिबै के पूरा लब,

एफिसी 1:3

ङ्योए प्रभु येशू ख्रीष्‍टए परमेश्‍वर नेरो आबाए मिं थेब् तरिगे! खीजी ङ्योलाइ ख्रीष्‍टने घ्रिन् लमिंसि पबित्र प्ल्हउँइँले योंबै स्वर्गर्बै ताँन् आशिकमैं पिंइमुँ।

फिलिप्पी 2:9

छतसि परमेश्‍वरजी खीलाइ ताँन् भन्दा थेब लमिंइ, झाइले ताँन् भन्दा थेबै मिं पिंइ।

हिब्रू 2:11

तलेबिस्याँ म्हिमैंलाइ पबित्र लमिंबै येशू नेरो येशूजी पबित्र लमिंल् खाँबै म्हिमैं परवा घ्रिर्बैन् ग। छतसि चमैंने अलि बिबर येशू फा आपे।

हिब्रू 2:9

दिलेया ताँन् सै खीए न्होंर मुँ बिबै ताँ ङिइ सेइमुँ। दे त्हेए ल्हागिर खीलाइ स्वर्गदूतमैं भन्दा दे क्युरु लमिंइ, तलेबिस्याँ म्हिमैंए फिर्बै परमेश्‍वरए दयाम्हाँयाइ लमा म्हिमैंए पाप ख्रुमिंबै ल्हागिर खी दु:खले सिल् त्हुइ। दिलेया सिबइले खी धबै सोगों तसि खइ। छतसि परमेश्‍वरजी खीलाइ थेबै मानए मुकुट कुमिंइ।

हिब्रू 7:26

ङ्योए ल्हागिर छाबै म्हि घ्रि ख्रो पिंबै खेगि क्रथे तल् त्हुम्, तलेबिस्याँ येशू पबित्र, छ्याब् आरेब नेरो तोइ पाप आरेब मुँ। छतसि परमेश्‍वरजी पापि म्‍हिमैंउँइँले स्यो लसि खीलाइ स्‍वर्ग भन्दा ताइ थेंमिंइमुँ।

१ पत्रुस 1:3

ङ्योए प्रभु येशू ख्रीष्‍टए आबालाइ ङ्योइ धन्‍यबाद पिंल् त्हुम्! तलेबिस्याँ खीए शक्‍तिजी येशू ख्रीष्‍टलाइ सिबउँइँले धबै सोगों लमिंबइले ङ्योइ छारा छ्ह योंइ। छतसि ङ्योइ खोंयोंन् बिलै परमेश्‍वरने टिल् योंबै क्ह्रोंसेंन्बै आशा योंइमुँ।

१ यूहन्‍ना 1:3

क्हेमैं या ङिने बालु सैं घ्रिन् तसि प्रल् खाँरिगे बिसि ङिइ थेबै ताँ नेरो म्रोंबै ताँ क्‍हेमैंने बिम्। परमेश्‍वर आबा नेरो खीए च्‍ह येशू ख्रीष्‍टने ङ्यो सैं घ्रिन् तसि प्रम्।

दर्शन 2:15

च धोंलेन् निकोलाइटसइ लोमिंबै ताँए लिलि प्रब्मैं को-कोइ क्हेमैंए न्होंर मुँ।