उत्पत्ति 9:27 - परमेश्‍वरए ताँ तमु क्युइर

²⁷ परमेश्‍वरजी येपेतए क्ल्ह्‍यो-न्हें ल्हें लमिंरिगे! धै च शेमने क्ह्रिसि बालुन् टिरिगे! कनान बिस्याँ शेमए केब्छैं तरिगे।”

उत्पत्ति 9:27 ပူးပေါင်းရင်းမြစ်များ

उत्पत्ति 10:2

येपेतए च्हमैं: गोमेर, मागोग, मादे, यावान, तूबल, मेशेक नेरो तीरास मुँल।

उत्पत्ति 27:29

ह्रें-ह्रेंर्बै म्हिमैं क्हिए केब्छैंमैं तरिगे, चमैंइ क्हि फ्योरिगे। क्हिए आघेंमैं-अलिमैंए फिर क्हि क्ल्हे तरिगे, झाइले क्हिए आमाउँइँले योंबै सन्तानमैं क्हिए ओंसों कुररिगे। क्हिए फिर सराप झोंब्मैं ताँनइ सराप योंरिगे, झाइले क्हिए फिर आशिक पिंब्मैं ताँनइ आशिक योंरिगे।”

उत्पत्ति 9:28

नाँ बाडि तबै लिउँइँ नोआ सोंब्‍ब्रासे ङ्‍हच्यु बर्ष समा सोइ।

चेला चिब्मैंए केमैं 17:14

च तोंदोंन् बेरियार्बै प्रभुए फिर बिश्‍वास लबै अलि-अङाँमैंइ पावल मा ङ्युँइए रेजरे कुल्मिंइ। सिलास नेरो तिमोथी बिस्याँ चर्न टिइ।

रोमी 11:12

यहूदीमैंइ पाप लमा ह्‍युलर्बै ताँन् म्‍हिमैंइ थेबै आशिक योंइ, धै यहूदीमैंए नोक्सनउँइँले अरू ह्रेंमैंइ थेबै आशिक योंइ। छतसि ताँन् यहूदीमैंइ बिश्‍वास लस्‍याँ ह्‍युलर्बै ताँन् म्‍हिमैंइ झन् थेबै आशिक योंब्‍मुँ।

रोमी 15:12

झाइले यशैया अगमबक्‍ताज्‍यै या येशू ख्रीष्‍ट युबै बारेर छ बिल, “दाऊद म्रुँए खलकउँइँले म्‍हि घ्रि युब्‍मुँ, खीजी अरू ह्रेंर्बै म्‍हिमैंए फिर ग्याल्स लब्‍मुँ, खीए फिर अरू ह्रेंर्बै म्‍हिमैंइ आशा थेंब्‍मुँ।”

एफिसी 2:19

छतसि क्‍हेमैं अरू ह्रेंमैं तारे बिदेशि अथवा स्‍याँमैं आङिं, परमेश्‍वरए म्‍हिमैंइ योंब् धों तबै हग अथवा नागरिकता क्हेमैंज्यै या योंइमुँ। धै क्‍हेमैं या खीए परवार्बै म्हिमैं तइमुँ।

एफिसी 3:13

छतसि ङ क्‍हेमैंने यो छ्युँ लमुँ, क्हेमैंए ल्हागिर ङइ दुःख नोब् म्रोंसि क्‍हेमैं सैं च्योंब् आलद्, तलेबिस्याँ ङइ दुःख नोबइले क्‍हेमैंल फायदा तइमुँ।

एफिसी 3:6

खीए सैंर्बै लोथेंबै चाँजो तो जा बिस्‍याँ चुन् ग: अरू ह्रेंमैंइ यहूदीमैंइ धोंलेन् सैं तोंबै ताँ क्‍वेंस्‍याँ चमैंज्यै या परमेश्‍वरउँइँले आशिक योंब्‍मुँ। अरू ह्रेंर्बै म्हि या ज्यु घ्रिर्बै भागमैं ग। परमेश्‍वरजी येशू ख्रीष्‍टउँइँले पिंम् बिसि फैबै बाछाए आशिक अरू ह्रेंमैंज्यै या योंइमुँ।