उत्पत्ति 9:25 - परमेश्‍वरए ताँ तमु क्युइर

²⁵ झाइले चइ बिइ, “कनानइ सराप योंरिगे। च ह्रोंसए आघेंमैंए केब्छैंमैंए केब्छैं तब्मुँ।”

उत्पत्ति 9:25 ပူးပေါင်းရင်းမြစ်များ

उत्पत्ति 3:14

झाइले याहवेह परमेश्‍वरजी प्‍हुरिने बिइ, “क्हिइ स्योर तेबइले क्हि धिंर न्‍हबै खेदोमैं नेरो ताँन् क्ह्‍योंर टिबै खेदोमैं न्होंरि क्हिइ ल्हें सराप योंब्‍मुँ। क्हि फोइ क्ल्याँसि प्रल् त्हुब्मुँ धै क्हिए छ्ह तिगोंन् स चब्‍मुँ।

उत्पत्ति 4:11

क्हिइ सराप योंइमुँ। तारे क्हिइ सर खेति लल् योंरिब आरे। क्हिइ अलि सैवामा सइ सुँ फैइ। क्हिए अलिए कोइ स प्हाँइमुँ।

उत्पत्ति 49:7

चमैंए ह्रिस फिर सराप खरिगे, तलेबिस्याँ चने दयाम्हाँया आरे। ङइ चमैंलाइ इस्राएल तिगोंन् प्हुँवाब्मुँ, धै चमैंलाइ सग्याँ प्हुग्याँ लवाब्मुँ।

उत्पत्ति 9:18

झाजउँइँले बैरु त्होंसि खबै नोआए च्हमैं शेम, हाम नेरो येपेत ग। हाम कनानए आबा मुँल।

उत्पत्ति 9:22

कनानए आबा हामइ ह्रोंसए आबा क्लुँनन् रोरिब् म्रोंइ। धै बैरु त्होंसि ह्रोंसए आघेंमैं ङ्हिंने था पिंइ।

उत्पत्ति 9:24

नोआ प्हाए न्हरुउँइँले छोरबै लिउँइँ चए च्ह च्योंबइ लबै के था योंइ।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

यूहन्‍ना 8:34

येशूजी चमैंने बिइ, “क्ह्रोंसेंन ङ क्हेमैंने बिमुँ, पाप लब्मैं ताँन् पापए केब्छैं ग।