उत्पत्ति 9:15 - परमेश्‍वरए ताँ तमु क्युइर

¹⁵ ङ नेरो क्हेमैं धै सो प्ह्‍याबै ताँन् सैमैंए म्हाँजोरि फैबै बाछा ङइ मैंब्मुँ। धै नाँ बाडिइ धबै सो प्ह्‍याबै सैमैं खोंयोंइ सैरिब् आरे।

उत्पत्ति 9:15 ပူးပေါင်းရင်းမြစ်များ

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

उत्पत्ति 9:10

छलेन क्यु झाजउँइँले क्हेमैंने बालु त्होंखबै ताँन् सो प्ह्‍याबै सैमैं नमेंमैं, न्हबै खेदोमैं, क्ह्‍योंर्बै खेदोमैं क्हेमैंने बालु मुँबै ह्‍युलर्बै सो प्ह्‍याबै ताँन् सैमैंने ङइ बाछा फैम्।

उत्पत्ति 9:11

तारे सो प्ह्‍याबै ताँन् सैमैं नाँ बाडिए क्युइ खोंयोंइ सिरिब् आरे, धै पृथ्बी नास लबर नाँ बाडि खोंयोंइ तरिब् आरे बिसि ङइ क्हेमैंने बाछा फैम्।”

उत्पत्ति 9:14

ङइ पृथ्‍बीर न्हाँम्स्यो कुलमा न्हाँम्स्योर ह्‍यार्गों म्रोंब्मुँ,

भजनमैं 106:45

खीजी चमैंए ल्हागिर ह्रोंसइ फैबै बाछा मैंइ, धै चमैंए फिर खोंयोंइ आनुबै म्हाँया लबइले खीए सैं एइ।

प्रस्थान 28:12

इस्राएलए च्हमैं मैंबै ल्हागिर च युँमा ङ्हिं एपोदए प्हैंदर च्योमिंन्। झाइले याहवेहजी खोंयोंन् बिलै मैंरिगे बिसि चमैंए मिं हारूनइ ह्रोंसए प्हैंदर नोरिगे।

लूका 1:72

खीजी ङ्योए खेमैंने फैबै पबित्र बाछा मैंसि ङ्योए फिर ल्हयो खमिंइमुँ।