उत्पत्ति 8:21 - परमेश्‍वरए ताँ तमु क्युइर

²¹ याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

उत्पत्ति 8:21 ပူးပေါင်းရင်းမြစ်များ

उत्पत्ति 3:17

च लिउँइँ खीजी आदमने बिइ, “क्हिइ प्ह्रेंस्योए ताँ थेसि ङइ आचद् बिबै सिंधुँर्बै रो चबइले क्हिइ लमा सइ सराप योंइमुँ। क्हिए छ्ह तिगोंन् दुःखले के लसि चल् त्हुब्मुँ।

उत्पत्ति 4:12

तारेसेरो क्हिइ सर खेति लमा सइ क्हिए ल्हागिर रोमैं तोइ पिंरिब आरे। क्हि पृथ्‍बीर खोंयोंन् बिलै छिं ङ्हाँन् आयोंन्ले स्‍युररिल् त्हुब्मुँ।”

उत्पत्ति 5:29

चइ ह्रोंसए च्हए मिं नोआ थेंसि बिइ, “याहवेहजी सलाइ सराप पिंल। दिलेया च सउँइँलेन् ङ्योइ लबै केउँइँले चु कोलोइ भों न्हल् पिंब्मुँ।”

उत्पत्ति 6:13

छतसि परमेश्‍वरजी नोआने बिइ, “ङइ ताँन् म्हिमैं नास लवाबै सैं लल् खाँइमुँ। तलेबिस्याँ चमैंइ लबै आछ्याँबै केमैंइ पृथ्बी प्‍लिंइमुँ। छतसि ङइ चमैंलाइ पृथ्‍बीउँइँले नास लवाम्।

उत्पत्ति 6:17

“मु न्‍होंर्बै ताँन् सो प्ह्‍याबै सैमैं नास लवाबर ङइ पृथ्‍बीर नाँ बाडि कुलब्मुँ, धै पृथ्‍बीर मुँबै ताँन् सो प्ह्‍याबै सैमैं सियाब्मुँ।

उत्पत्ति 6:5

पृथ्बीरि म्हिमैंइ ल्हें आछ्याँबै केमैं लब्रें लइ। धै खोंयोंन् बिलै चमैंइ आछ्याँबै ताँमैं मत्‍त्रे मैंरिब याहवेहजी म्रोंइ।

उत्पत्ति 6:7

छतसि याहवेहजी बिइ, “ङइ बनेबै म्हिमैं, सर क्ल्याँसि प्रबै प्हँलाँ-प्हुँलुमैं, क्ह्‍योंर टिबै खेदोमैं नेरो मुर्बै नमेमैं ताँन् पृथ्‍बीउँइँले नास लवाब्मुँ। तलेबिस्याँ चुमैं बनेबइले ङए सैं नइमुँ।”

भजनमैं 51:5

क्ह्रोंसेंन फिबै त्हे ओंनोंन् ङ पापि मुँल, ङए आमाए फो न्होंर मुँब् ओंनोंन् ङ पापि मुँल।

भजनमैं 58:3

आमाए फो न्होंउँइँलेन् दुष्‍ट म्हिमैंइ आछ्याँबै ताँ मैंम्; फिबै तोदोंन् चमैं आछ्याँबै घ्याँउँइँ प्रसि स्योलिबै ताँमैं पोंम्।

भजनमैं 58:4

चमैंए ताँ प्हुरिए म्येकैं धोंन् तम्। न्ह आथेबै साँबे प्हुरिइ धोंले चमैंइ खेंमैंए न्ह म्रुम्।

प्रस्थान 29:18

च सक्लोन् क्यु साँड् ख्रो पिंबै क्ल्ह्‍योर ख्रोंन्। चए छ्याँब थाँइ ङ सैं तोंन् लम्।

प्रस्थान 29:25

झाइले याहवेहजी खोबै थाँ तरिगे बिसि ङइ खोबै भेटिमैं चमैंए योइ मिइ ख्रोंबै ख्रोने बालु ख्रो पिंबै क्ल्ह्‍योर ख्रोंवान्। चु याहवेहए ल्हागिर मिउँइँले चडेबै ख्रो ग।

हितोपदेश 20:9

“ङए सैं छ्याँब मुँ; ङइ आछ्याँबै केमैं आलइमुँ, ङने पाप आरे,” बिसि खाबइ बिल् खाँमुँ?

मत्ती 15:19

तलेबिस्याँ म्‍हिए सैंउँइँलेन् आछ्याँब सैं मैंम्। चु आछ्याँब सैंइ लमा चइ म्‍हि सैब, आगुए प्ह्रेंस्यो प्रब, ब्यभिचार लब, आगुए सै न्होर ह्‍योब, स्‍योर तेब, धै फ्रम्दा क्योम्दा लब छाबै पापमैं लम्।

यूहन्‍ना 3:6

ज्युउँइँले फिब ज्युन् ग, धै पबित्र प्ल्हउँइँले फिब प्ल्हन् ग।

रोमी 1:21

चमैंइ परमेश्‍वरलाइ ङो सेनाबिलेया परमेश्‍वरलाइ लल् त्‍हुबै मान आल। धै चमैंइ खोंयोंइ परमेश्‍वरलाइ धन्‍यबाद आपिं, उल्‍टो चमैं ह्रोंसए सैंर तो मैंमुँ चन् लसि केर आफेब् तयाइ, छतमा चमैंए बुद्धि आरेबै खोक्रो सैं मिछु तयाइ।

रोमी 3:23

तलेबिस्याँ ताँन् म्‍हिइ पाप लइमुँ, छतसि खी ङाँर फेनेल् आखाँइमुँ।

२ कोरिन्थी 2:15

तलेबिस्याँ मुक्‍ति योंब्मैं नेरो नास तबि छेब्मैंए म्‍हाँजोरै या ङ्यो परमेश्‍वरए ल्हागिर ख्रीष्‍टए छ्याँबै थाँ खबै धुप धों तइमुँ।

एफिसी 5:2

ख्रीष्‍टजी ङ्योए फिर म्हाँया लसि ङ्योए पाप ख्रुबर परमेश्‍वरए ल्हागिर लिंबै थाँ खबै धुप धों तसि ह्रोंसन् ख्रो तसि ङ्योए ल्हागिर सिमिंइ। छतसि क्‍हेमैंज्यै या ताँनए फिर म्हाँया लसि परमेश्‍वरए सैं तोंन् लबै केमैं लसि छ्ह थोल् त्हुम्।

फिलिप्पी 4:18

ङलाइ चैदिब् भन्दा ल्हें ङइ योंइमुँ। क्‍हेमैंइ इपाफ्रोडिटसने पिमिंबै बेल्‍ले लिंबै थाँ खबै परमेश्‍वरजी खोबै ख्रो धों तबै भेटि योंसि ङ बेल्‍ले सैं तोंइमुँ।

१ यूहन्‍ना 5:19

ङ्योइ चु ताँ या सेइमुँ: चु ह्‍युलर्बै म्‍हिमैं दुष्‍टए न्होंर मुँ, ङ्यो बिस्याँ परमेश्‍वरए म्हिमैं ग।