उत्पत्ति 8:20 - परमेश्‍वरए ताँ तमु क्युइर

²⁰ झाइले नोआइ याहवेहए ल्हागिर ख्रो पिंबै क्ल्ह्‍यो घ्रि बनेसि चल् तबै खेदोमैं नेरो नमेंमैं घ्रि-घ्रि किंसि परमेश्‍वरए मिंर ख्रो पिंइ।

उत्पत्ति 8:20 ပူးပေါင်းရင်းမြစ်များ

उत्पत्ति 13:18

झाइले अब्रामइ ह्रोंसए तम्बु सार्दिसि हेब्रोनर मुँबै मम्रेए फलाँटए सिंधुमैं ङाँर खसि चर्न टिइ। चइ चर याहवेहए ल्हागिर ख्रो पिंबै क्ल्ह्‍यो घ्रि बनेइ।

उत्पत्ति 13:4

चइ चर ओंसों ख्रो पिंबै क्ल्ह्‍यो बनेसि याहवेहए मिं किंल।

उत्पत्ति 22:2

झाइले परमेश्‍वरजी बिइ, “क्हिइ बेल्‍ले खोबै क्हिए घ्रिदे मुँबै च्ह इसहाक किंसि ङइ तेंबै क्ल्ह्‍यो मोरियाह ह्‍युलर्बै कोंर ह्‍यासि च कोलो ख्रो पिंन्।”

उत्पत्ति 22:9

धै परमेश्‍वरजी चने तेंबै क्ल्ह्‍योर फेबै लिउँइँ अब्राहामइ चर ख्रो पिंबै क्ल्ह्‍यो घ्रि बनेसि सिं थेंइ। धै ह्रोंसए च्ह इसहाक फैसि सिंए फिर थेंइ।

उत्पत्ति 26:25

झाइले इसहाकइ चर ख्रो पिंबै क्ल्ह्‍यो घ्रि बनेसि याहवेहए मिं क्वेइ। धै ह्रोंसए तम्बु चर्न टौंदिइ। चरै या चए केब्छैंमैंइ अर्को क्यु खादु घ्रि ताइ।

उत्पत्ति 33:20

चर चइ ख्रो पिंबै क्ल्ह्‍यो घ्रि बनेसि चए मिं एल-एलोह-इस्राएल थेंइ।

उत्पत्ति 35:1

च लिउँइँ परमेश्‍वरजी याकूबने बिइ, “रेसि बेथेलर ह्‍यादु धै चर्न टिद्। क्हिए आघें एसावउँइँले क्हि भौदिरिबै त्हेर क्हि ङाँर म्रोंयुबै परमेश्‍वरए मिंर ख्रो पिंबै ल्हागिर ख्रो पिंबै क्ल्ह्‍यो घ्रि चर बनेद्।”

उत्पत्ति 35:7

झाइले चइ चर ख्रो पिंबै क्ल्ह्‍यो घ्रि बनेसि च क्ल्ह्‍योए मिं एल-बेथेल थेंइ, तलेबिस्याँ च ह्रोंसए आघें एसावउँइँले भौदिह्‍याबै त्हेर परमेश्‍वरजी च क्ल्ह्‍योर्न खी म्रोंल् पिंइ।

उत्पत्ति 4:4

दिलेया हाबिलइ ह्रोंसए क्युए बगालउँइँले ओंसों फिबै छोबै क्यु भेटि पखइ। छतमा याहवेह हाबिल नेरो चए भेटि म्रोंसि सैं तोंइ।

उत्पत्ति 7:2

झाइले ताँन् खालर्बै चल् तबै खेदोमैं न्होंर्बै त्होब नेरो मोंमा ङिजोर धै चल् आतबै खालर्बै खेदोमैं त्होब नेरो मोंमा तिजोर क्यु झाजर पखो।

उत्पत्ति 7:3

झाइले पृथ्‍बी तिगोंन् नमेमैंए प्लु आथुँयारिगे बिसि नमेमैं या भाले नेरो योंम लसि ङिजोर क्हिने बालुन् पखो।

उत्पत्ति 8:19

खेदोमैं ताँन्, क्ल्‍याँसि प्रबै प्हँलाँ-प्हुँलुँ, नमेंमैं पृथ्‍बीर प्रब् टिब् लबै सो प्ह्‍याबै सैमैं या चमैंए ह्रें-ह्रें पार्ले क्यु झाजउँइँले त्होंखइ।

प्रस्थान 10:25

छबिमा मोशाइ बिइ, “ङिए याहवेह परमेश्‍वरए ल्हागिर ख्रो पिंबर ङिए योर ख्रो पिंबै सैमैं नेरो मिइ ख्रोंबै ख्रोमैं हिइ बोल् पिंल् त्हुम्।

प्रस्थान 29:18

च सक्लोन् क्यु साँड् ख्रो पिंबै क्ल्ह्‍योर ख्रोंन्। चए छ्याँब थाँइ ङ सैं तोंन् लम्।

प्रस्थान 29:25

झाइले याहवेहजी खोबै थाँ तरिगे बिसि ङइ खोबै भेटिमैं चमैंए योइ मिइ ख्रोंबै ख्रोने बालु ख्रो पिंबै क्ल्ह्‍योर ख्रोंवान्। चु याहवेहए ल्हागिर मिउँइँले चडेबै ख्रो ग।

रोमी 12:1

छतसि ओ ङइ खोबै अलि-अङाँमैं, परमेश्‍वरजी ङ्योए फिर च्हौ थेबै ल्हयो लबइले ङ क्‍हेमैंने यो छ्युँ लमुँ: सोगों ख्रो धोंले ह्रों-ह्रोंसए ज्यु परमेश्‍वरलाइ पिंन्। छाबै ख्रो पबित्र नेरो परमेश्‍वरलाइ सैं तोंन् लबै क्‍ह्रोंसेंन्‍बै सेवा ग।

हिब्रू 13:10

ङ्योए ख्रो पिंबै क्‍ल्‍ह्‍यो घ्रि मुँ। चर ख्रो पिंबै सैमैं पबित्र क्ल्ह्‍योर के लबै खेगिमैंइ चबै हग आरे।

१ पत्रुस 2:5

छतसि क्हेमैं या येशू ख्रीष्‍टउँइँले परमेश्‍वरजी खोबै सैंर्बै ख्रो पिंबै ल्हागिर पबित्र खेगिमैं तसि खोंयोंइ तरिबै पारा धोंले पबित्र प्ल्ह टिबै धिं बनेदै ह्‍याद्।

१ पत्रुस 2:9

दिलेया क्‍हेमैं छ आत, तलेबिस्याँ क्‍हेमैं परमेश्‍वरजी त्‍हाँबै कुल ग, परमेश्‍वर म्रुँए ख्रो पिंबै खेगिमैं, पबित्र ह्रें नेरो परमेश्‍वरए म्हिमैं ग। तलेबिस्याँ क्‍हेमैंइ “परमेश्‍वरए शक्‍ति ताँन् भन्दा थेब मुँ” बिसि उँइँमिंरिगे बिसि खीजी क्‍हेमैंलाइ मिछु खैबउँइँले तेसि खीए थेबै ह्‍वेर पखइ।