उत्पत्ति 7:9 - परमेश्‍वरए ताँ तमु क्युइर

⁹ भाले नेरो योंम तिजोर-तिजोर नोआने बालु क्यु झाजर होंइ।

उत्पत्ति 7:9 ပူးပေါင်းရင်းမြစ်များ

उत्पत्ति 2:19

याहवेह परमेश्‍वरजी सउँइँले क्ह्‍योंर्बै ताँन् खेदो नेरो मुर प्हुरर्बै ताँन् नमेमैं बनेसि म्हिइ चमैंए मिं तोतो थेंमन बिसि था सेबर च ङाँर पखइ। धै म्हिइ सो प्ह्‍याबै सैमैंल तो तो मिं पिंइ चमैंए मिं चन् तइ।

उत्पत्ति 6:22

परमेश्‍वरजी बिब् धोंले नोआइ ताँन् लइ।

उत्पत्ति 7:10

झाइले ङिरो लिउँइँ पृथ्‍बीर नाँ बाडि तबर होंइ।

उत्पत्ति 7:15

परमेश्‍वरजी नोआने बिब् धोंले सो प्ह्‍याबै ताँन् खालर्बै भाले नेरो योंम नोआने बालु क्यु झाज न्होंर होंइ।

उत्पत्ति 7:16

च लिउँइँ याहवेहजी झाजए म्रा तोरमिंइ।

उत्पत्ति 7:8

परमेश्‍वरजी बिब् धोंले चल् तब नेरो चल् आतबै खेदोमैं, नमेंमैं नेरो सर क्‍ल्याँसि प्रबै ताँन् सो प्ह्‍याबै सैमैं

गलाती 3:28

छतसि ङ्यो न्होंर खाबै या तोइ सैरैया फरक आरे - यहूदीमैं मुँलेया, अरू ह्रेंमैं मुँलेया, केब्छैं ङिंलेया केब्छैं आङिंलेया, मुँयुँ मुँलेया च्हमिरि मुँलेया, तोइ फरक आरे। तलेबिस्याँ क्‍हेमैं ख्रीष्‍ट येशूने घ्रिन् तसि ताँन् घ्रिन् तइमुँ।

कलस्सी 3:11

छतसि ताँन् म्‍हिमैं घ्रिन् तइमुँ। यहूदीमैं मुँलेया, अरू ह्रेंमैं मुँलेया, ज्युर चिनु ललेया आललेया, आखेब्‍मैं, तोइ आह्रब्मैं मुँलेया, केब्छैंमैं ङिंलेया आङिंलेया, तो मुँलेया, च ताँन् परमेश्‍वरए उँइँर तोइ फरक आरे। ङ्योलाइ चैदिबै सै ख्रीष्‍ट मत्‍त्रे ग, धै ताँन् म्‍हिए सैं न्‍होंर ख्रीष्‍ट टिम्।