उत्पत्ति 7:23 - परमेश्‍वरए ताँ तमु क्युइर

²³ पृथ्‍बीर मुँबै ताँन् सो प्ह्‍याबै सैमैं म्हि, खेदो, क्ल्याँइ प्रबै प्हँलाँ-प्हुँलुँ, नमेंमैं ताँन् पृथ्‍बीउँइँले याहवेहजी नास लवाइ। नोआने बालु झाजर मुँब्मैं मत्‍त्रे सोइ।

उत्पत्ति 7:23 ပူးပေါင်းရင်းမြစ်များ

उत्पत्ति 6:17

“मु न्‍होंर्बै ताँन् सो प्ह्‍याबै सैमैं नास लवाबर ङइ पृथ्‍बीर नाँ बाडि कुलब्मुँ, धै पृथ्‍बीर मुँबै ताँन् सो प्ह्‍याबै सैमैं सियाब्मुँ।

उत्पत्ति 8:18

झाइले नोआ, चए प्ह्रेंस्यो नेरो च्ह-चोंमैं झाजउँइँले त्होंइ।

भजनमैं 91:1

ताँन् भन्दा थेबै परमेश्‍वरने ग्वार ह्रिबै म्हि तोन्दोंरि लल् खाँबै परमेश्‍वरए छरि न्होंर टिरिब्मुँ।

भजनमैं 91:7

क्हिए रेर हजार घ्रि म्हि धै क्हिए क्योलो योउँइँ हजार च्यु म्हि क्हुरियाले या च सैइ क्हिलाइ स्यारिब् आरे।

हितोपदेश 11:4

परमेश्‍वरजी ल्हयो आखल्‍ले निसाफ लबै त्हिंइर सै न्होरइ तोइ लल् आखाँ। दिलेया ठिक के लस्याँ कालउँइँले फ्रेमिंम्।

मत्ती 25:46

“छतसि चुमैंइ खोंयोंइ आखाँबै दण्‍ड योंब्‍मुँ, दिलेया ठिक के लब्मैंइ बिस्याँ खोंयोंइ आखाँबै छ्ह योंब्‍मुँ।”

हिब्रू 11:7

बिश्‍वासउँइँलेन् नोआज्यै च त्हे समा आम्रोंबै केमैंए बारेर परमेश्‍वरउँइँले था सेइ। धै खीजी बिबै ताँ क्वेंसि ह्रोंसए परवा जोगेबर नोआइ क्‍यु झाज घ्रि बनेइ। धै “ह्‍युलर्बै म्‍हिमैंइ परमेश्‍वरजी बिबै ताँ आक्वेंइमुँ,” बिसि नोआइ चमैंलाइ छ्याब् मुँबन् ठर्दिइ, दिलेया ह्रोंसए बिश्‍वासउँइँले च ठिक ठर्दिइ।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

२ पत्रुस 2:5

छलेन ओंसोंबै पृथ्बीलाज्यै या परमेश्‍वरजी नास लवाइ, खीजी बिब् आङिंसि खैच्हिजी लप्रबै ताँन् म्हिमैंलाइ खीजी क्‍युइ म्‍यालवासि सैवाइ। दिलेया ठिक के लल् त्हुम् बिसि बिप्रबै म्हि नोआ मुँल। छतसि परमेश्‍वरजी नोआ नेरो अरू म्हि ङि जोगेमिंइ।

२ पत्रुस 2:9

छले खीजी बिबै ताँ ङिंब्मैंलाइ प्रभुजी दुःखउँइँले जोगेमिंल् खाँम्, धै दुष्‍टमैंलाइ दण्ड पिंबै ल्हागिर निसाफ लबै त्हिंइ समा खीजी फैथेंल् खाँम्।

२ पत्रुस 3:6

धै च त्हेर्बै ह्‍युल नाँ बाडिए क्युइ प्ल्हुँवासि नास तयाइ।