उत्पत्ति 6:8 - परमेश्‍वरए ताँ तमु क्युइर

⁸ दिलेया नोआलाइ बिस्याँ याहवेहजी छ्याँब म्रोंइ।

उत्पत्ति 6:8 ပူးပေါင်းရင်းမြစ်များ

उत्पत्ति 19:19

क्हेमैंइ ङए फिर ल्हयो खसि ङए ज्यु जोगेमिंइ। दिलेया ङ कोंउँइँ भौदिल् आखाँ, आस्याँ चु क्ल्ह्‍यो नास लवामा ङै या सियाब्मुँ।

भजनमैं 145:20

खीए फिर म्हाँया लब्मैं ताँनलाइ याहवेहजी रक्षा लमिंम्, दिलेया दुष्‍टमैं बिस्याँ खीजी नास लवाब्मुँ।

भजनमैं 84:11

तलेबिस्याँ याहवेह परमेश्‍वर त्हिंयाँ नेरो ढाल ग; याहवेहजी दयाम्हाँया लमुँ धै मान इजेत पिंम्; ठिक घ्याँर प्रब्मैंलाइ खीजी ताँन् छ्याँबै सैमैं पिंब्मुँ।

हितोपदेश 12:2

स्वाबै म्हिलाइ याहवेहजी ल्हयो खम्, आछयाँबै के लबै म्हिलाइ खीजी दोषि ठर्दिब्मुँ।

हितोपदेश 3:4

छ लइबिस्याँ परमेश्‍वर नेरो म्हिमैंउँइँले क्हिइ थेबै मान योंब्मुँ।

हितोपदेश 8:35

तलेबिस्याँ खाबइ ङलाइ त्होमुँ, चइ छ्ह योंम् धै याहवेहजी चए फिर ल्हयो खम्।

मत्ती 24:37

स्‍योंम्‍बै नोआए पलोर था आसेल्‍ले नाँ बाढि युब् धोंले म्हिए च्ह या था आसेल्‍ले युब्‍मुँ।

लूका 1:30

धबै स्‍वर्गदूतइ मरियमने बिइ, “ओ मरियम, क्हि आङ्हिंन्! तलेबिस्याँ परमेश्‍वरजी क्‍हिए फिर ल्हयो खइमुँ।

लूका 17:26

“स्‍योंम्‍बै नोआए पलोर खै तल, म्हिए च्ह धबै युबै त्‍हेरै या छान् तब्‍मुँ।

चेला चिब्मैंए केमैं 7:46

दाऊद परमेश्‍वरजी खोबै म्हि मुँल, छतसि दाऊदइ परमेश्‍वरने, ‘ओ याकूबए पेरमेश्‍वर, ङइ क्हिए ल्हागिरि पक्कि टिबै क्ल्ह्‍यो घ्रि ङ बनेल् पिंन्,’ बिसि यो छ्युँ लइ।

रोमी 11:6

चमैंइ धर्म-कर्म लसि आङिं, परमेश्‍वरए दयाम्हाँयाइ लमा खीजी चमैंलाइ त्‍हाँब् ग, आस्याँ खीए दयाम्हाँया छलेन् पिंबै दयाम्हाँया आतमल।

रोमी 4:4

अर्को नमुना: के लब्‍मैंइ नों सै योंम्, के लसि योंबै नों सै दान आङिं, म्हिमैंइ के लसेरो नों सै योंलन् त्हुम्।

१ कोरिन्थी 15:10

दिलेया परमेश्‍वरए दयाम्हाँया योंसि ङ तिंजोरो कुल्मिंबै चेला चिब तइ। झाइले परमेश्‍वरजी ङए फिर लबै दयाम्हाँया फाक्‍कर्बै आतइमुँ, बरु ङइ अरू कुल्मिंबै चेला चिब्मैंइ भन्दा ल्हें के लइमुँ। दिलेया चु छाबै के ङ ह्रोंसैन लब आङिं, ङने मुँबै परमेश्‍वरए दयाम्हाँयाजी लब् ग।

गलाती 1:15

दिलेया परमेश्‍वरजी ह्रोंसए दयाम्हाँयाउँइँले ङ फिब् भन्दा ओंसोंन् खीए म्‍हि तबर ङलाइ त्‍हाँल् खाँल।

२ तिमोथी 1:18

प्रभुइ निसाफ लबै त्हिंइर चइ प्रभुउँइँले आशिक योंरिगे। ङ एफिससर मुँमै या चइ ङ बेल्‍ले ल्होमल बिसि क्‍हिज्यै सेइमुँ।

तीतस 2:11

तलेबिस्याँ ताँन् म्‍हिमैं जोगेमिंबै ल्हागिर परमेश्‍वरजी खीए दयाम्हाँया उँइँमिंइमुँ।

तीतस 3:7

छतसि खीए दयाम्हाँयाउँइँले ङ्योलाइ ठिक ठर्दिसि ङ्योइ खोंयोंइ आखाँबै छ्ह योंम् बिसि ह्रेइ टिबै हग मुँब्मैं तइमुँ।

हिब्रू 4:16

छतसि ङ्योलाइ खाँचो तबै त्हेर खीए साहयता नेरो परमेश्‍वरए दयाम्हाँया योंल् खाँरिगे बिसि सैं भोंब् लसि दयाम्हाँया मुँबै परमेश्‍वरए ङाँर ङ्यो ह्‍याले।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।

२ पत्रुस 2:5

छलेन ओंसोंबै पृथ्बीलाज्यै या परमेश्‍वरजी नास लवाइ, खीजी बिब् आङिंसि खैच्हिजी लप्रबै ताँन् म्हिमैंलाइ खीजी क्‍युइ म्‍यालवासि सैवाइ। दिलेया ठिक के लल् त्हुम् बिसि बिप्रबै म्हि नोआ मुँल। छतसि परमेश्‍वरजी नोआ नेरो अरू म्हि ङि जोगेमिंइ।