उत्पत्ति 6:7 - परमेश्‍वरए ताँ तमु क्युइर

⁷ छतसि याहवेहजी बिइ, “ङइ बनेबै म्हिमैं, सर क्ल्याँसि प्रबै प्हँलाँ-प्हुँलुमैं, क्ह्‍योंर टिबै खेदोमैं नेरो मुर्बै नमेमैं ताँन् पृथ्‍बीउँइँले नास लवाब्मुँ। तलेबिस्याँ चुमैं बनेबइले ङए सैं नइमुँ।”

उत्पत्ति 6:7 ပူးပေါင်းရင်းမြစ်များ

उत्पत्ति 6:6

छतमा “ङइ तले म्हिमैं बनेसि पृथ्बीर थेंगे?” बिसि याहवेहजी पछुत लसि बेल्‍ले सैं नइ।

उत्पत्ति 7:21

पृथ्‍बीर प्रब् टिब् लबै ताँन् सो प्ह्‍याबै सैमैं नमेंमैं, न्हबै खेदोमैं, क्ह्‍योंर्बै खेदोमैं, सर क्ल्याँसि प्रबै प्हँलाँ-प्हुँलुँमैं, म्हिमैं ताँन् सियाइ।

उत्पत्ति 7:4

तारेबै ङिरोर ङइ पृथ्‍बीर प्लिच्यु त्हिंइ प्लिच्यु म्‍हुँइस नाँ कुलब्मुँ। धै ङइ बनेबै सो प्ह्‍याबै सैमैं ताँनन् पृथ्‍बीउँइँले नास लवाब्मुँ।”

उत्पत्ति 8:21

याहवेहजी ख्रोए लिंबै थाँ किंबै लिउँइँ ह्रोंसए सैंर बिइ, “म्हिए सैंर्बै ताँमैं कोलो ओंनोंन् आछ्याँब तलेया म्हिइ लबै केउँइँले तारे ङइ खोंयोंइ पृथ्बीलाइ सराप पिंरिब् आरे। तोगो ङइ नास लब् धोंले सो प्ह्‍याबै ताँन् सैमैं धबै ङ नास लरिब् आरे।”

भजनमैं 37:20

दिलेया दुष्‍ट म्हिमैं बिस्याँ नास तयाब्मुँ; याहवेहए शत्तुरमैं चउरर्बै छि धोंन् तम्; चमैं युनन् नास तयाब्मुँ, मिखु धोंलेन् चमैं म्हयाब्मुँ।

हितोपदेश 10:27

याहवेहजी बिबै ताँ ङिंमा ह्रिंबै छ्ह योंम्, दिलेया दुष्‍ट म्हिमैंए छ्ह बिस्याँ घटिदिवाब्मुँ।

हितोपदेश 16:4

याहवेहजी तोन्दोंरि सैमैं खीए सैंर मैंब् धोंले बनेइमुँ, खीजी दुष्‍ट म्हिमैं या नास तबै त्हिंइए ल्हागिर साँथेंइमुँ।