उत्पत्ति 6:14 - परमेश्‍वरए ताँ तमु क्युइर

¹⁴ छतसि क्हिइ गोपेर बिबै सिंए क्यु झाज घ्रि बनेद्। झाजर कोठा-कोठा लसि च न्‍होंर नेरो फिर अलकत्राइ स्‍यालद्।

उत्पत्ति 6:14 ပူးပေါင်းရင်းမြစ်များ

उत्पत्ति 6:13

छतसि परमेश्‍वरजी नोआने बिइ, “ङइ ताँन् म्हिमैं नास लवाबै सैं लल् खाँइमुँ। तलेबिस्याँ चमैंइ लबै आछ्याँबै केमैंइ पृथ्बी प्‍लिंइमुँ। छतसि ङइ चमैंलाइ पृथ्‍बीउँइँले नास लवाम्।

उत्पत्ति 6:15

क्हिइ च झाज छले बनेदु: झाज प्रसे प्लिच्‍यु मिटर ह्रिंब, ङ्हिस्युसे सों मिटर प्‍ल्‍हाब नेरो च्‍युसे ङ्हिं मिटर नुब लद्।

प्रस्थान 2:3

झाइले च कोलो अझै लोल् आखाँबइले च कोलोए ल्हागिर कूशए टोक्रि घ्रि पखसि चलाइ तारपिन नेरो अलकत्राइ स्यालइ। धै कोलो टोक्रि न्होंर थेंसि चइ नील स्योंए रेर काँसए घारिर थेंमिंइ।

मत्ती 24:38

नाँ बाढिइ नास लब् भन्दा ओंसों नोआ क्यु झाजर आहोंन् समा, म्‍हिमैं चब थुँब नेरो ब्ह्‍या लरिल।

लूका 17:27

नोआ क्‍यु झाजर आहोंन् समा च त्‍हेर्बै म्हिमैं चब, थुँब, ब्ह्‍या लब लसिन् मुँल, चमैं छले ढुक्‍कले ह्रों-ह्रोसए पार्लेन् प्ररिबै त्हेर्न थाइ आसेल्‍ले थेबै नाँ बाडिइ युसि म्हिमैं ताँन् सैवाइ।

१ पत्रुस 3:20

चमैं स्‍योंम्‍बै नोआ बिबै म्‍हिए पलोर्बै म्‍हिमैं मुँल। नोआइ क्यु झाज बनेरिमा परमेश्‍वरजी बिबै ताँ चमैंइ ङिंम् उ आङिं बिसि परमेश्‍वरजी पैंरिल। दिलेया क्यु झाजर क्रेबै म्हि प्रे मत्‍त्रे थेबै नाँ बाडिउँइँले जोगेमिंइ, अरू ताँन् सियाइ।