उत्पत्ति 50:2 - परमेश्‍वरए ताँ तमु क्युइर

² झाइले योसेफइ ह्रोंसए के लबै बैद्यमैंने ह्रोंसए आबाए सिनुर लिंबै थाँ खबै मसला फोबर ल्हैदिमा च बैद्यमैंइ याकूबए सिनुर लिंबै थाँ खबै मसला फोमिंइ।

उत्पत्ति 50:2 ပူးပေါင်းရင်းမြစ်များ

उत्पत्ति 27:41

आबाइ याकूबलाइ आशिक पिंबइले एसाव ह्रोंसए अलि याकूबने ख्रे लबर होंइ। छतमा “ङए आबा सिबै त्हे तखइ। च सिबै लिउँइँ ङइ याकूब सैवाब्मुँ” बिसि एसावइ सैं न्हों-न्हों मैंइ।

उत्पत्ति 50:1

छतमा योसेफ ह्रोंसए आबाए फिर पद्खु तसि क्रोदै चलाइ म्वें लइ।

उत्पत्ति 50:26

छले योसेफ प्रसे च्युदिं तसि सिइ। धै चमैंइ याकूबए सिनुर बेल्‍ले लिंबै थाँ खबै मसला नेरो आक्राँन् लबै मैं फोसि बकासर झोंसि मिश्र ह्‍युलर्न थेंइ।

मत्ती 26:12

चइ चु अत्तर ङए ज्युर युमिंसि ङ पाबै ल्हागिर तयार लमिंब् ग।

मर्कूस 14:8

चु च्हमिरिइ तो लल् खाँमुँ चन् लइ। चइ अत्तर फोमिंसि ङए ज्यु पाबै ल्हागिर तयार लइमुँ।

मर्कूस 16:1

प्रिबै त्हिंइ लिउँइँ मग्‍दालाथेंस्‍यो मरियम, याकूबए आमा मरियम नेरो सलोमि बिबै च्हमिरिमैंइ येशूए सिनुर फोब् बिसि लिंबै थाँ खबै छ्युगु किंइ।

लूका 24:1

झाइले आइतबार न्‍हाँक्‍कर्न च्हमिरिमैं खेंमैंइ बनेबै लिंबै थाँ खबै छ्युगु बोसि येशू थेंबै उर ह्‍याइ।

यूहन्‍ना 12:7

दिलेया येशूजी बिइ, “लरिगे, चने तोइ आबिद्! ङ पाबै त्हिंइए ल्हागिर चइ लिंबै थाँ खबै अत्तर ओंसोंन् फोमिंब् ग।