उत्पत्ति 50:1 - परमेश्‍वरए ताँ तमु क्युइर

¹ छतमा योसेफ ह्रोंसए आबाए फिर पद्खु तसि क्रोदै चलाइ म्वें लइ।

उत्पत्ति 50:1 ပူးပေါင်းရင်းမြစ်များ

उत्पत्ति 23:2

सारा कनान ह्‍युलर्बै किर्यत-अर्बा अथवा हेब्रोन बिबै सहरर सिइ। सारा सियाबइले अब्राहाम बेल्‍ले शोक तसि सिनु थेंबै क्ल्ह्‍योर ह्‍याइ।

उत्पत्ति 46:4

क्हिने बालु ङ मिश्रर ह्‍याब्मुँ, धै क्हिलाइ खैले बिलेन ङइ धबै एसि पखब्मुँ। धै क्हि सिमा योसेफए योइ क्हिए मि हुमिंब्मुँ। धै ह्रोंसए यो क्हिए मिर थेंब्मुँ।”

उत्पत्ति 49:33

च्हमैंने चु ताँ बिल् खाँबै लिउँइँ याकूबइ ह्रोंसए प्हले क्ल्ह्‍योर स्योंसि सो पिंइ, धै ह्रोंसए खेमैंने त्होनेइ।

उत्पत्ति 50:2

झाइले योसेफइ ह्रोंसए के लबै बैद्यमैंने ह्रोंसए आबाए सिनुर लिंबै थाँ खबै मसला फोबर ल्हैदिमा च बैद्यमैंइ याकूबए सिनुर लिंबै थाँ खबै मसला फोमिंइ।

चेला चिब्मैंए केमैं 8:2

परमेश्‍वर म्हाँदिब्मैं को-कोइ बेल्‍ले क्रोदै स्तिफनसए सिनु बोसि छगोंर पाथेंइ।

एफिसी 6:4

ओ आबामैं, क्‍हेमैंइ ह्रोंसए प्हसेमैंलाइ छोरों ङ्हाँन्ले कच कच लसि ह्रिस खल् आलद्। बरु प्रभुलाइ म्हाँदिबै छ्याँबै बानि लोमिंसि ठिक तार झोंन्।

१ थेसलोनिकी 4:13

ओ अलि-अङाँमैं, न्‍हरु च्‍हुइरिब्‍मैंए बारेर क्‍हेमैंइ था सेरिगे झाइले प्रभु येशूए फिर आशा आलब्‍मैंइ धोंले न्हुँ आलरिगे बिब ङिए सैं मुँ।