उत्पत्ति 5:22 - परमेश्‍वरए ताँ तमु क्युइर

²² मतूशेलह फिबै लिउँइँ हनोक सोंब्ब्रा बर्ष समा परमेश्‍वरने बा-बालुन् प्ररिइ। धै अरू च्‍ह-च्‍हमिमैं योंइ।

उत्पत्ति 5:22 ပူးပေါင်းရင်းမြစ်များ

उत्पत्ति 17:1

अब्राम कुच्युसे कुदिं तमा याहवेह अब्राम ङाँर युसि चने बिइ, “तोन्दोंरि सै लल् खाँबै परमेश्‍वर ङ ग। छतसि छ्याँबै केमैं लसि ङए उँइँर प्रद्।

उत्पत्ति 24:40

चइ ङने बिइ, ‘ङ याहवेहए सेवा लबै म्हि ग। छतसि खीजीन् ह्रोंसए स्वर्गदूत क्हिने बालु कुलब्मुँ, छले कुलमा क्हिए के छ्याँब तब्मुँ। धै ङए ङेंमैं नेरो ङए आबाए धिंउँइँले ङए च्हए ल्हागिरि क्हिइ प्ह्रेंस्यो घ्रि पखब्मुँ।

उत्पत्ति 48:15

झाइले चइ योसेफने छले आशिक पिंसि बिइ, “ङए बाज्यु अब्राहाम नेरो आबा इसहाक खेंमैंइ म्हाँदिबै परमेश्‍वरए उँइँर प्रमल। च परमेश्‍वरजीन् ङए छ्ह तिगोंन् तिंयाँ समा ङ डोरेइमुँ,

उत्पत्ति 5:21

हनोक टुच्‍युसे ङ्‍हदिं तमा चइ मतूशेलह बिबै च्ह योंइ।

उत्पत्ति 5:23

च त्हेर हनोक सोंब्ब्रासे टुच्‍युसे ङ्‍हदिंर्बै मुँल।

उत्पत्ति 5:24

हनोक परमेश्‍वरने बा-बालुन् प्रमल। छले प्रना-प्रन् चलाइ खाबज्यै आम्रों, तलेबिस्याँ परमेश्‍वरजी चलाइ क्‍वे बोवाल।

उत्पत्ति 6:9

नोआए ताँमैं चुन् ग। चए पलोर नोआ मत्‍त्रे छ्याँबै के लबै म्हि मुँल। च परमेश्‍वरने बा-बालुन् प्रमल।

भजनमैं 116:9

छतसि ङ सोगोंमैंए ह्‍युलर मुँन् समा याहवेहए घ्याँर प्रब् टिब् लल् खाँम्।

भजनमैं 128:1

याहवेहलाइ मान लब्मैं नेरो खीए घ्याँर प्रब्मैं ताँनइ आशिक योंम्!

भजनमैं 16:8

ङइ याहवेह खोंयोंइन ङए ओंसों थेंइमुँ। ङए क्योलोउँइँ खी मुँ, छतसि ङ छाइ छुइ तरिब् आरे।

भजनमैं 26:11

दिलेया ङइमि छ्याब् आखबै छ्ह थोइमुँ; छतसि ङलाइ जोगेमिंन्, ङए फिर दयाम्हाँया लमिंन्।

भजनमैं 56:13

तलेबिस्याँ छ्ह योंब्मैंए फिर परमेश्‍वरए ह्‍वे चारब् धोंले ङए फिरै या क्हिए ह्‍वे चारमिंन्; ङ क्हिए उँइँर छेनाले प्ररिगे बिसि क्हिजी ङए प्हले थुरसि क्हुरल् आपिं, धै कालए सुँउँइँले या क्हिजी ङ फ्रेपखइ।

भजनमैं 86:11

ओ याहवेह, क्हिए घ्याँर प्रबर ङलाइ लोमिंन्, धै क्हिए क्ह्रोसेंन्बै घ्याँर ङ प्रब्मुँ; क्हिए मिंलाइ ङइ मान लल् खाँरिगे बिसि ङए सैं खोंयोंन् बिलै क्हि ङाँइन तल् पिंन्।

प्रस्थान 16:4

छबिमा याहवेहजी मोशाने बिइ, “क्हेमैंए ल्हागिर ङइ स्वर्गउँइँले क्हें कुल्मिंब्मुँ। म्हिमैं त्हिंइ ह्रोंसे बैरु ह्‍यासि तिगैंर्बै छो योल्‍ले मत्‍त्रे खुरिगे। ङइ बिबै ताँ चमैंइ ङिमना उ आङिंमना बिसि ङइ जाँच लब्मुँ।

लूका 1:6

चमैं ङ्हिंइ परमेश्‍वरए उँइँर ठिक के लमल धै परमेश्‍वरए ताँमैं ङिंसि ठिमर बिब् धोंले छेनाले प्रमल।

चेला चिब्मैंए केमैं 9:31

छले यहूदीया, गालील नेरो सामरियार्बै चर्चर शान्ति तइ धै चर्च भोंब् तइ। चमैंइ प्रभुलाइ म्हाँदिदै प्रमा पबित्र प्ल्हजी चमैंए सैंर भों पिंइ। छतमा प्रभुए फिर बिश्‍वास लब्मैं ल्हें ततै ह्‍याइ।

रोमी 8:1

छतसि ख्रीष्‍ट येशूए फिर बिश्‍वास लब्‍मैंए ल्हागिर दण्ड आरे।

१ कोरिन्थी 7:17

परमेश्‍वरजीन् ङ्यो ताँनलाइ त्हाँब् ग, बरदानै या खीजीन् पिंब् ग। छतसि ह्रोंसइ योंबै बरदान अनुसार्बै केमैं लसि छ्ह थोल् त्हुम्। ताँन् क्‍ल्‍ह्‍योर्बै बिश्‍वासीमैंने ङइ चु ताँन् बिइमुँ।

२ कोरिन्थी 6:16

ङ्यो परमेश्‍वर टिबै क्‍ल्‍ह्‍यो तबइले ङ्योइ कु म्हाँदिल् खाँम्मा? आखाँ! तलेबिस्याँ ङ्योए ज्यु क्ह्रोंसेंन खोंयोंइ तरिबै परमेश्‍वर टिबै क्‍ल्‍ह्‍यो ग। परमेश्‍वरजी ङ्योए बारेर छ बिइमुँ: “ङए म्‍हिमैंने ङ टिब्‍मुँ, झाइले चमैंने प्रब्मुँ। ङ चमैंए परमेश्‍वर तब्‍मुँ, झाइले चमैं ङए म्हिमैं तब्‍मुँ।”

एफिसी 5:15

छतसि खैले छ्ह थोरिइमुँ सैंर मैंन्, आह्र-आसेबै म्हि धोंब आतद्, बुद्धि मुँबै म्हि धोंलेन् छ्ह थोद्।

कलस्सी 1:10

च क्होस्याँ क्‍हेमैंइ प्रभुए सैं तोंन् लसि खीजी खोबै छ्ह थोब्मुँ, धै क्‍हेमैंइ ताँन् खालर्बै छ्याँबै के लमा क्‍हेमैं छ्याँबै रो रोबै धुँ धों ततै परमेश्‍वरए ज्ञानर बडिदै ह्‍याब्मुँ।

कलस्सी 4:5

येशू ख्रीष्‍टए फिर बिश्‍वास आलब्मैंने न्ह क्रों मि क्रोंले प्रद्। धै क्‍हेमैंइ मौका योंमा प्रभुए सैं तोंन् लबै केमैं लद्।

१ थेसलोनिकी 2:12

परमेश्‍वरजी खोबै छ्ह क्हेमैंइ थोरिगे बिसि ङिज्यै या क्‍हेमैंलाइ लोदा सैंदा लसि भों पिंइ बिसि क्हेमैंइ सेइमुँ। तलेबिस्याँ खीए मिं थेब् लबर परमेश्‍वरजी क्हेमैंलाइ खीए ग्याल्सर हुइब् ग।

१ थेसलोनिकी 4:1

ओ अलि-अङाँमैं, आखिरि ताँ तो मुँ बिस्‍याँ, क्हेमैंइ छ्ह खैले थोल् त्हुमुँ धै परमेश्‍वरए सैं खैले तोंन् लल् त्हुम् बिबै ताँ क्हेमैंइ ङिउँइँले लोइमुँ। छतसि ओंसोंन् लोब् धोंले क्हेमैंइ लसिन् मुँ, अझै छलेन् छ्ह थोदै ह्‍याद् बिसि ङि प्रभु येशूए मिंर क्हेमैंने यो छ्युँ लसि अर्थिमैं पिंम्।

१ यूहन्‍ना 1:7

दिलेया येशू धोंले ङ्यो परमेश्‍वरए चारबै ह्‍वेर प्रइबिस्‍याँ ङ्योए सैं क्ह्रिसि ङ्योइ घ्रिइ-घ्रिने म्हाँया लमुँ, धै परमेश्‍वरए च्‍ह येशूए कोजी ङ्योए पाप ताँन् ख्रुमिंम्।