उत्पत्ति 49:8 - परमेश्‍वरए ताँ तमु क्युइर

⁸ “ओ यहूदा, क्हिए आघें-अलिमैंइ क्हिए मान लब्मुँ। क्हिए योइ क्हिए शत्तुरमैं ट्होसि चमैंए खरि क्हाब्मुँ। छतसि क्हिए आबाए च्हमैं क्हिए ओंसों कुरब्मुँ।

उत्पत्ति 49:8 ပူးပေါင်းရင်းမြစ်များ

उत्पत्ति 27:29

ह्रें-ह्रेंर्बै म्हिमैं क्हिए केब्छैंमैं तरिगे, चमैंइ क्हि फ्योरिगे। क्हिए आघेंमैं-अलिमैंए फिर क्हि क्ल्हे तरिगे, झाइले क्हिए आमाउँइँले योंबै सन्तानमैं क्हिए ओंसों कुररिगे। क्हिए फिर सराप झोंब्मैं ताँनइ सराप योंरिगे, झाइले क्हिए फिर आशिक पिंब्मैं ताँनइ आशिक योंरिगे।”

उत्पत्ति 29:35

च धबै प्हसे नोसि च्ह च्योंब फिइ। “चु लार ङ याहवेहए मिं क्वेब्मुँ बिइ।” छतसि चए मिं यहूदा थेंइ। च लिउँइँ चइ प्हसे आफि।

उत्पत्ति 42:6

च त्हेर योसेफ मिश्रर्बै क्रथे मुँल। ह्‍युलर्बै ताँन् म्हिमैंने म्‍ल्ह नारिमैं चुँब या चन् मुँल। छतसि योसेफए आघेंमैं खसि क्र कुरदै चलाइ फ्योइ।

उत्पत्ति 46:12

यहूदाए च्हमैं: एर, ओनान, शेलह, फारेस नेरो जेरह मुँल, दिलेया एर नेरो ओनान कनान ह्‍युलर्न सियाल। फारेसए च्हमैं हेस्रोन नेरो हामूल मुँल।

भजनमैं 76:1

यहूदा ह्‍युलर्बै म्हिमैंइ परमेश्‍वर ङो सेइमुँ; इस्राएलर खीए मिं बेल्‍ले थेब मुँ।

हिब्रू 10:13

झाइले परमेश्‍वरजी ख्रीष्‍टए शत्तुरमैं खीए प्‍हले न्‍होंर आलन् समा ख्रीष्‍टजी पैंरिम्।

हिब्रू 7:14

येशू यहूदाए कुलउँइँले फिब् ग बिसि ताँनइ सेइमुँ, धै यहूदाए कुलउँइँले ख्रो पिंबै खेगि त्हाँबै बारेर मोशाइ तोइ या आबिइमुँ।

दर्शन 11:15

झाइले धाँसे लिउँबै स्‍वर्गदूतइ थुतुरु ह्रामा स्‍वर्गउँइँले थेबै कैमैंइ “ङ्योए याहवेह परमेश्‍वर नेरो खीजी कुल्मिंबै म्रुँ ख्रीष्‍टजी पृथ्‍बीर्बै ग्याल्स लबै हग योंइमुँ। खीजी खोंयोंन् बिलै ग्याल्स लरिब्‍मुँ,” बिरिल।

दर्शन 5:5

ङ छले क्रोमा ङ्हिस्युसे प्लि न्‍होंर्बै चिब घ्रिइ ङने बिइ, “आक्रोद्, ङ्ह्‍योद्! यहूदाए कुलर्बै सिंह, खी स्‍योंम्‍बै दाऊद म्रुँए खलगउँइँले फिब् ग। खीजी ट्होइमुँ। छतसि खीजीन् चु छाप ङि फोर्दिसि चु काउदए प्हैं प्ल्हल् खाँम्।”