उत्पत्ति 49:6 - परमेश्‍वरए ताँ तमु क्युइर

⁶ ओ ङए सो, चमैंए म्हि च्होंर आखो, चमैंने प्रब टिब आलद्, तलेबिस्याँ चमैं ह्रिस खसि म्हिमैं सैवाइमुँ, चमैंइ तो लदा ङ्हाँमुँ चन् लसि क्ल्यामैंए मुल च थोवाइमुँ।

उत्पत्ति 49:6 ပူးပေါင်းရင်းမြစ်များ

उत्पत्ति 34:30

झाइले याकूबइ शिमियोन नेरो लेबीने बिइ, “कनानी नेरो परिज्जीथेंमैंए उँइँर क्हेमैंइ ङ खाबज्यै आखोब नेरो आक्वेंब लमिंसि दुःख योंल् लमिंइ। ङए म्हिमैं च्युगुदे मुँ। खनिज्यै चुर्बै म्हिमैं ताँन् त्हुँसि ङने नेखस्याँ ङ नेरो ङए परवामैं ताँन् सैवाब्मुँ।”

भजनमैं 1:1

दुष्‍टमैंए सल्‍लार आप्रब, नेरो पापिमैंइ लब् धोंले आलब, धै परमेश्‍वर स्यारब्मैंने बालु आटिबै म्हिइ आशिक योंम्।

भजनमैं 103:1

ओ ङए सो, याहवेहए मिं क्वेद्; ओ ङए खों, खीए पबित्र मिं थेब लद्!

भजनमैं 139:19

ओ परमेश्‍वर, क्हिजी दुष्‍टमैं नास लवास्याँ कति छ्याँब तमल! ओ म्हि सैमैं, ङ ङाँइँले ह्रेंगो त‍याद्!

भजनमैं 16:9

छतसि ङए सैं तोंइमुँ, ङए ज्यु या ढुक्‍क मुँ,

भजनमैं 26:9

पापिमैंने बालुन् ङलाइ नास आलद्, धै म्हि सैमैंने ङलाइ बालु आलमिंन्।

भजनमैं 28:3

दुष्‍ट म्हिमैं नेरो आछ्याँबै के लब्मैंने बालु ङलाइ दण्ड आपिंन्! चमैंइ ह्रोंसए ङ्‍हेब्मैंने बालु छ्याँबै ताँ लम्, दिलेया चमैंए खोंर बिस्याँ आछ्याँबै ताँ मैंम्।

भजनमैं 30:12

छतसि ङ तोइ आबिल्‍ले टिरिब् आरे, ङ क्हिलाइन थेब् लबै क्वेमैं प्रिंमुँ। ओ ङए याहवेह पारमेश्‍वर, ङ खोंयोंन् बिलै क्हिलाइन धन्यबाद पिंरिब्मुँ।

भजनमैं 42:11

ओ ङए सो, क्हि तले आतोंल? धै ङए खों न्होंर क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 42:5

ओ ङए सो, क्हि तले आतोंल? धै ङए खों न्होंर क्हि तले च्हतर्लै आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइन थेब् लब्मुँ।

भजनमैं 43:5

ओ ङए सैं, क्हि तले आतोंल? ओ ङए खों, क्हि तले च्हतर्ले आदेल? क्हिए आशा परमेश्‍वरने थेंन्; तलेबिस्याँ खी ङलाइ मुक्‍ति पिंबै परमेश्‍वर ग। छतसि ङ अझै खीलाइना थेब् लब्मुँ।

भजनमैं 5:10

ओ परमेश्‍वर, चमैंए दोष उँइँमिंन्; ह्रोंसइ चुबै ङोर चमैं खेंमैंन् फेरिगे; चमैंइ ल्हें अपराधमैं लइमुँ, छतसि चमैं पिवाद्, तलेबिस्याँ चमैं क्हिए बिरोधर राइमुँ।

भजनमैं 57:8

ओ ङए ज्यु, छोरद्! ओ बीणा नेरो सारङ्गी, क्ह्‍युरल्‍ले कै तेद्! तलेबिस्याँ नाँ न्होंन बिब सेरिगे!

भजनमैं 64:2

ङए बिरोधर ङइ आसेल्‍ले दुष्‍टमैंइ लबै चाँजोमैं नेरो आछ्याँबै के लब्मैंइ ङए बिरोधर रोबै जालउँइँले ङलाइ लोथेंन्।

हितोपदेश 1:11

“खो, म्हि सैबर ङिने बालु लोइरि टिले; सोजो म्हि लुडिबर च्ह्‍यासि टिले;

हितोपदेश 12:5

ठिक के लबै म्हिइ ठिक चाँजोमैं लम्, दिलेया दुष्‍टमैंए सल्‍ला बिस्याँ छलु म्हिलुबै तम्।

लूका 12:19

झाइले ङइ ह्रोंसनेन् क्हिए ल्हागिर ल्‍हें बर्ष समा योबै रा-रोमैं मुँ। तारे पिरु चदु, थुँनु, धै मोज-मज्‍जा लसि सुखले टिद्,’ बिब्मुँ।

२ कोरिन्थी 6:14

येशू ख्रीष्‍टए फिर बिश्‍वास आलब्‍मैंने घ्रि तसि आप्रद्। धर्मि नेरो अधर्मि खैले क्‍ह्रिमुँ? चारबै ह्‍वे नेरो मिछु खैब खैले बालु तल् खाँमुँ?