उत्पत्ति 48:21 - परमेश्‍वरए ताँ तमु क्युइर

²¹ झाइले याकूबइ योसेफने बिइ, “तारे ङ सिबै त्हे तइमुँ, दिलेया परमेश्‍वर क्हेमैंने बालु तरिब्मुँ, धै क्हेमैंए खेमैं-मामैंए ह्‍युलर धबै क्हेमैंलाइ एबोब्मुँ।

उत्पत्ति 48:21 ပူးပေါင်းရင်းမြစ်များ

उत्पत्ति 12:5

अब्राम ह्रोंसए प्ह्रेंस्यो साराई, ह्रोंसए अलिए च्ह लोत नेरो खेंमैंइ हरानर खागु लबै सै न्होर नेरो केब्-केब्स्योमैं किंसि कनान ह्‍युलउँइँ ह्‍याइ धै चमैं कनानर फेनेइ।

उत्पत्ति 15:14

दिलेया क्हिए प्हसेमैं खाब् ह्रेंमैंए केब्छैं तब्मुँ, च ह्रेंर्बै म्हिमैंलैया ङइ निसाफ लब्मुँ। लिउँइँ चमैं त्होंखमा ल्हें मारा-मुइ किंसि खब्मुँ।

उत्पत्ति 15:16

पुस्ता प्लि लिउँइँ क्हिए प्हसेमैं चुर्न एखब्मुँ, तलेबिस्याँ एमोरीमैंए आछ्याँबै के तोगो समा आखाँइमुँ।”

उत्पत्ति 26:3

ङ क्हिने बालु तब्मुँ, धै क्हिए फिर आशिक पिंब्मुँ। चु ताँन् ह्‍युल क्हि नेरो क्हिए सन्तानमैं पिंब्मुँ। क्हिए आबा अब्राहामने बालु फैबै बाछा ङइ पूरा लब्मुँ।

उत्पत्ति 28:15

ङ क्हिने बालु तब्मुँ। क्हि खनिर ह्‍यालेया ङइ जोगेमिंब्मुँ। धै क्हिलाइ चु ह्‍युलर एपखब्मुँ। ङइ क्हिने बिबै बाछा पूरा आलन् समा ङइ क्हि पिरिब् आरे।”

उत्पत्ति 37:1

याकूब ह्रोंसए आबा टिबै कनान ह्‍युलर टिमल।

उत्पत्ति 46:4

क्हिने बालु ङ मिश्रर ह्‍याब्मुँ, धै क्हिलाइ खैले बिलेन ङइ धबै एसि पखब्मुँ। धै क्हि सिमा योसेफए योइ क्हिए मि हुमिंब्मुँ। धै ह्रोंसए यो क्हिए मिर थेंब्मुँ।”

उत्पत्ति 47:29

याकूब सिबै त्हे तमा चइ ह्रोंसए च्ह योसेफ हुइसि बिइ, “क्ह्रोंसेंन ङइ बिबै ताँ ङिंम् बिस्याँ क्हिए यो ङए प्हाँ न्होंर थेंसि ङलाइ मिश्रर पारिब् आरे बिसि ङने कसम चद्।

उत्पत्ति 50:24

झाइले योसेफइ ह्रोंसए आघें-अलिमैंने बिइ, “ङ सिबै त्हे तइ। परमेश्‍वरजी क्ह्रोंसेंन्लेन् क्हेमैंलाइ वास्ता लब्मुँ। खीजी अब्राहाम, इसहाक नेरो याकूबने बाछा फैसि पिंम् बिबै ह्‍युलर चु ह्‍युलउँइँले क्हेमैं बोमिंब्मुँ।”

उत्पत्ति 50:6

फारोइ बिइ, “क्हिने चइ कसम चबर ल्हैदिब् धोंलेन् ह्‍यासि क्हिए आबालाइ पाद्।”

भजनमैं 18:46

याहवेह सोगों मुँ! ङ लोबै पाराए मिं थेब तरिगे! ङ जोगेमिंबै परमेश्‍वरए मिं बेल्‍ले थेब तरिगे।

लूका 2:29

“ओ प्रभु, तोगो क्‍हिजी ङने बिबै ताँ पूरा लमिंइमुँ, तारे ङ छेनाले सि‍याल् खाँम्।

चेला चिब्मैंए केमैं 13:36

चु ताँ दाऊदइ ह्रोंसए बारेर बिब आङिं, तलेबिस्‍याँ दाऊदइ ह्रोंसए पलोर परमेश्‍वरजी बिब् धोंलेन् के लसि सिइ। धै चए खेमैंने बालु पावाइ, धै चए ज्यु क्राँयाइ।

२ तिमोथी 4:6

तलेबिस्याँ खैले म्हिमैंइ ख्रो पिंबर क्यु सैमुँ, छलेन ङलाज्यै या सैबै त्हे खइमुँ, तारे ङ क्हिने फ्रेइ ह्‍याबै त्हे खइमुँ।

हिब्रू 7:3

च मल्‍किसेदेकल आबा, आमा नेरो खेमैंए बारेर तोइ था आरे। छलेन फिब नेरो सिबए बारेरै या तोइ था आरे। दिलेया परमेश्‍वरए च्‍ह धोंलेन् च खोंयोंइ बिलै ख्रो पिंबै खेगि तरिम्।

हिब्रू 7:8

छुइ सिल् त्हुबै म्हिमैंइ च्युबाँर्बै तिबाँ किंम्। छाइ मल्किदेसकजी च्युबाँर्बै तिबाँ किंइ, धै खीए बारेर “खोंयोंन् बिलै सोरिम्” बिबै ताँ मुँ।

२ पत्रुस 1:14

तलेबिस्याँ ङ सिबै त्हे चेंदो तखइमुँ बिसि ङ्योए प्रभु येशू ख्रीष्‍टजी ङलाइ उँइँमिंइमुँ।