उत्पत्ति 48:16 - परमेश्‍वरए ताँ तमु क्युइर

¹⁶ ङलाइ ताँन् दुःखउँइँले फ्रेमिंबै स्वर्गदूतइ चुमैंए फिर आशिक पिंरिगे! चु कोलोमैंने ङए बाज्यु अब्राहाम, ङए आबा इसहाक नेरो ङए मिं आम्हरिगे। पृथ्‍बीर चुमैंल ल्हें-ल्हें सन्तानमैं तरिगे।”

उत्पत्ति 48:16 ပူးပေါင်းရင်းမြစ်များ

उत्पत्ति 22:11

दिलेया याहवेहए दूत घ्रिइ स्वर्गउँइँले चलाइ कै तेसि बिइ, “ओ अब्राहाम, अब्राहाम!” चइ बिइ, “होइ, ङ चुर्न मुँ।”

उत्पत्ति 22:15

याहवेहए दूतजी धबै स्वर्गउँइँले कै तेसि अब्राहामने बिइ,

उत्पत्ति 32:28

च स्वर्गदूतइ बिइ, “क्हिइ परमेश्‍वर नेरो म्हिमैंने नेसि ट्होल् खाँइ। छतसि तारे क्हिए मिं याकूब आङिं, इस्रायल तब्मुँ।”

उत्पत्ति 46:3

खीजी बिइ, “ङ परमेश्‍वर क्हिए आबाए परमेश्‍वर ग। मिश्र ह्‍याबर आङ्हिंन् चर ङइ क्हिउँइँले थेबै ह्रें घ्रि बनेब्मुँ।

उत्पत्ति 48:5

याकूबइ धबै बिइ, “ङ मिश्रर खब् भन्दा ओंसों मिश्रर फिबै क्हिए च्हमैं ङ्हिं ङलन् ग। रूबेन नेरो शिमियोन धोंले एफ्राइम नेरो मनश्शे या ङलन् ग।

उत्पत्ति 49:22

“योसेफ बेल्‍ले रो-रोबै झ्याल् घ्रि ग, क्यु मुल ङाँर्बै रो रोबै झ्याल् ग। चए हाँगमैं गाराए फिफि ख्ल्याँब्मुँ।

भजनमैं 121:7

क्हिलाइ न्होह्रों लबै तोन्दोंरि सैमैंउँइँले याहवेहजी जोगेमिंब्मुँ; खीजी क्हिए सोए रक्षा लमिंब्मुँ।

भजनमैं 34:2

ङए सोइ याहवेहर्न सैं तोंरिब्मुँ; दुःख योंब्मैं चु ताँ थेसि छिं ङ्हाँब्मुँ।

भजनमैं 34:22

याहवेहजी ह्रोंसए के लब्मैं जोगेमिंम्; खीए प्हलेर्न ग्वार योंब्मैं खाबै या दोषि ठर्दिरिब् आरे।

भजनमैं 34:7

याहवेहलाइ मान लब्मैं ताँनए कारग्युले खीजी खीए स्वर्गदूत रुँबर ल्हैदिम्, धै चमैं जोगेमिंम्।

भजनमैं 34:8

याहवेहजी कति ल्हें ल्हयो खमुँ बिसि ह्रोंसैन म्हैसि क्होद्। खीए प्हलेर्न ग्वार योंबै म्हिइ आशिक योंमुँ!

प्रस्थान 1:7

दिलेया इस्राएलए सन्तानमैं बिस्याँ बेल्‍ले ल्हें ततै ह्‍यासि मिश्र ह्‍युल तिगोंन् चमैंइ प्लिंयाइ।

मत्ती 6:13

ङिलाइ पापर च्होल् आपिंनु, दुष्‍टउँइँले जोगेमिंनु। [तलेबिस्याँ ग्याल्स, शक्‍ति नेरो थेबै मान खोंयोंइ बिले क्हिलन् ग। आमेन।]

यूहन्‍ना 17:15

क्हिजी चमैं चु ह्‍युलउँइँले बोमिंन् बिसि ङ यो छ्युँ आल। दिलेया दुष्‍टउँइँले जोगेमिंन् बिसि ङ यो छ्युँ लम्।

चेला चिब्मैंए केमैं 15:17

छलमा ङए म्हिमैं तबर हुइबै ताँन् चैबै अरू ह्रेंमैंइ, याहवेह म्हैल् खाँब्मुँ,

रोमी 8:23

सृष्‍टि मत्‍त्रे आङिं, ङ्योज्‍यै या दुःखए सो सेंसिन् परमेश्‍वरए घ्‍याँ ङ्‌ह्‍योरिइमुँ। परमेश्‍वरजी लिउँइँ पिंबै ताँन् आशिकए फुइ तोगोइन खीए पबित्र प्ल्ह ङ्योए ल्हागिर पिंइमुँ। छतमा खीजी ङ्योलाइ खीए च्‍ह-च्हमिमैं लमिंसि जोगेमिंब्मुँ बिसि ङ्योइ घ्‍याँ ङ्‌ह्‍योरिइमुँ।

१ कोरिन्थी 10:4

झाइले चमैं ताँनइ पबित्र प्ल्हउँइँले योंबै क्यु पाराउँइँले थुँइ। चमैंने बालु प्रबै पारा ख्रीष्‍टन् मुँल।

१ कोरिन्थी 10:9

झाइले चमैं न्‍होंरि को-कोइ प्रभुए जाँच लब् धोंले ङ्योइ प्रभुए जाँच लल् आत। प्रभुए जाँच लबइले चमैंलाइ प्‍हुरिइ नास लवाइ।

२ तिमोथी 4:18

प्रभुजी ङलाइ ताँन् आछ्याँबै सैमैंउँइँले जोगेमिंब्मुँ। झाइले खीए स्‍वर्गर मुँबै ग्याल्सर बोब्मुँ। खीलाइ म्हिमैंइ खोंयोंइन् बिलै या थेबै मान लरिगे। आमेन, छान् तरिगे!

तीतस 2:14

येशू ख्रीष्‍टजी ङ्योइ लबै ताँन् पापउँइँले जोगेमिंबर सै फोसि खामिंइ। छ्याँबै के लबै ह्रोंसए चोखो म्हिमैं तरिगे बिसि ह्रोंसन् ङ्योए ल्हागिरि सिमिंइ।

हिब्रू 11:21

बिश्‍वासउँइँलेन् याकूबइ सिबै त्हेर चए च्ह योसेफए च्‍हमैं ङ्हिंलाइ आशिक पिंइ। झाइले चइ छेबै प्हरेए च्होर पत्खु तसि परमेश्‍वरए मिं क्वेइ।