उत्पत्ति 48:14 - परमेश्‍वरए ताँ तमु क्युइर

¹⁴ दिलेया मनश्शे ठागु मुँलेया याकूबइ क्योलो यो स्योंसि च्योंब एफ्राइमए क्रर थेंइ, धै त्हेब्रे यो ठागु मनश्शेए क्रर थेंइ।

उत्पत्ति 48:14 ပူးပေါင်းရင်းမြစ်များ

उत्पत्ति 41:51

“परमेश्‍वरजी ङए ताँन् दुःख नेरो ङए आबाए धिंर्बै ताँमैं ङलाइ म्‍लेल् पिंइमुँ,” बिसि योसेफइ च्ह थेबए मिं मनश्शे थेंइ।

उत्पत्ति 41:52

“ङइ दुःख योंबै ह्‍युलरै या परमेश्‍वरजी ङलाइ च्हमैं पिंइमुँ,” बिसि चइ च्ह च्योंबए मिं एफ्राइम थेंइ।

उत्पत्ति 46:20

योसेफए च्हमैं मनश्शे नेरो एफ्राइम ओनए खेगि पोतिपेराए च्हमि आसनतउँइँले मिश्रर फिल।

उत्पत्ति 48:13

योसेफइ च्हमैं ङ्हिं किंसि एफ्राइमलाइ याकूबए क्योलोउँइँ थेंइ धै मनश्शेलाइ याकूबए त्हेब्रेउँइँ थेंमिंइ। छले ह्रोंसए त्हेब्रेउँइँ नेरो याकूबए (इस्राएलए) क्योलोउँइँ लसि ह्रोंसए प्हसेमैं एस्राएलए चेंदो बोइ।

उत्पत्ति 48:17

छले आबाइ ह्रोंसए क्योलो यो एफ्राइमए क्रर थेंब् म्रोंसि योसेफए सैं आक्हो, छतसि आबाए यो एफ्राइमए क्रउँइँले स्योसि मनश्शेए क्रर थेंमिंबै ल्हागिर आबाए यो क्हासि।

उत्पत्ति 48:18

योसेफइ आबाने बिइ, “छले आङिं आबा, चु ठागु ग। चुए क्रर क्हिए क्योलो यो थेंमिंन्।”

भजनमैं 110:1

“ङइ क्हिए शत्तुरमैं क्हिए प्हले न्होंर आप्लेन् समा क्हि ङए क्योलोउँइँ टिद्,” बिसि याहवेहजी ङए प्रभुने बिइमुँ।

भजनमैं 118:16

“याहवेहए क्योलो यो कैंडो क्वेइमुँ, याहवेहए क्योलो योजी शक्‍तिए के लइमुँ!”

प्रस्थान 15:6

“ओ याहवेह, क्हिए क्योलो यो बेल्‍ले भोंब् मुँल। ओ याहवेह, क्हिए क्योलो योइ शत्तुरमैं त्हुला भुँ लवाइ।

मत्ती 16:18

छतसि ङइ क्‍हिलाइ पत्रुस बिम्। ङए चर्च ङ च पाराए फिर बनेब्‍मुँ, धै नर्गर्बै म्रामैंइ च चर्चए फिर ट्होल् खाँरिब् आरे।

मत्ती 19:13

येशूजी कोलोमैं फिर यो थेंसि प्राथना लमिंरिगे बिसि म्हिमैंइ कोलोमैं खी ङाँर पखल। दिलेया खीए चेलामैंइ च म्‍हिमैं हौदिइ।

मत्ती 19:15

झाइले खीजी कोलोमैं फिर यो थेंसि आशिक पिंबै लिउँइँ खी छाइले ह्‍याइ।

मत्ती 6:5

“झाइले क्हेमैंइ प्राथना लमा फिब्लो पार्दिब्मैंइ धोंले सुँइ स्यो सैंइ स्योले आलद्। चमैंइ अरू म्‍हिमैंइ म्रोंरिगे बिसि च्हों धिंजरे नेरो घ्याँए रेजरे रासि प्राथना लम्। ङ क्ह्रोंसेंन क्हेमैंने बिमुँ, चमैंइ योंल् त्हुबै इनाम योंल् खाँइमुँ।

लूका 13:13

च्हौ बिसि येशूजी ह्रोंसए यो चए फिर थेंबै तोदोंन् च च्हमिरि ठाड् तइ धै परमेश्‍वरए मिं क्वेबर होंइ।

लूका 4:40

त्‍हिंयाँ लिबि छेमा च जरेबै ल्हें खालर्बै नब्‍मैं म्हिमैंइ येशू ङाँर पखइ। धै खीजी घ्रि-घ्रिए फिर ह्रोंसए यो थेंसि चमैं ताँन् सल् लमिंइ।

चेला चिब्मैंए केमैं 13:3

चमैं बर्त टिसि प्राथना लइ, धै चमैंए फिरि यो थेंसि चमैं कुल्मिंइ।

चेला चिब्मैंए केमैं 6:6

चमैंइ च त्हाँबै म्हिमैं कुल्मिंबै चेला चिब्मैंए उँइँर पखइ धै कुल्मिंबै चेला चिब्मैंइ चमैंए फिर यो थेंसि प्राथना लमिंइ।

१ तिमोथी 4:14

अगमबक्‍तामैंइ पोंब् धोंले चजर्बै एल्डरमैंइ क्हिए क्रर यो थेंसि प्राथना लमा परमेश्‍वरउँइँले क्हिइ योंबै बरदानए हेल आलद्।

१ तिमोथी 5:22

अरूमैंइ लबै आछ्याँबै केमैंर क्हि सामेल् आतद्। छ्याब आयोंरिगे बिसि प्रभुए के लबै ल्हागिर म्हिमैं त्हाँल् त्हुमा आतुर आतद्। ह्रोंसलाइ पबित्र थेंन्।