उत्पत्ति 47:6 - परमेश्‍वरए ताँ तमु क्युइर

⁶ मिश्र ह्‍युल क्हिए योर्न मुँ। चु ह्‍युलर्बै ताँन् भन्दा छ्याँबै क्ल्ह्‍योर क्हिए आबा नेरो आघें-अलिमैं टिल् पिंन्। चमैं गोशेन ह्‍युलर्न टिल् पिंन्। धै चमैं न्होंर सिपालु म्हिमैं मुँस्याँ चमैंए जिम्मार ङए खेदोमैं या कुल्मिंन्।”

उत्पत्ति 47:6 ပူးပေါင်းရင်းမြစ်များ

उत्पत्ति 13:10

लोतइ खन्तोंदोंन् ङ्ह्‍योमा क्यु ल्हें मुँबै यर्दन स्योंए ब्याँसि सोअर समा फेनब् म्रोंइ। च क्ल्ह्‍योर याहवेहजी बनेबै अदनए बगैंचा धोंन् तब नेरो मिश्र ह्‍युलर धोंले क्यु ल्हें मुँल। (चु ताँ याहवेहजी सदोम नेरो गमोरा बिबै सहर नास लब् भन्दा ओंसोंबै ताँ ग।)

उत्पत्ति 13:9

ङ्यो फ्रेयाल् त्हुम्। ङ्‍ह्‍योद्, ताँन् ह्‍युल क्हिए ओंसों मुँ। क्हि त्हर्ग्योउँइँ ह्‍यास्याँ ङ क्योलोउँइँ ह्‍यामुँ क्हि क्योलोउँइँ ह्‍यास्याँ ङ त्हर्ग्योउँइँ ह्‍याम्।”

उत्पत्ति 20:15

झाइले अबीमेलेकइ बिइ, “ङ्‍ह्‍योद्, ङए ह्‍युल क्हिए ओंसोंन् मुँ। क्हि खनिर टिदा ङ्हाँइमुँ चर्न टिद्।”

उत्पत्ति 34:10

क्हेमैं ङिने बालुन् टिद्। चु क्ल्ह्‍यो क्हेमैंए ल्हागिर खुला मुँ। चुर्न टिसि छों लदु धै सै न्होर तोद्।”

उत्पत्ति 45:10

क्हि गोशेन ह्‍युलर टिब्मुँ। क्हि नेरो क्हिए प्हसेमैं, क्हिए क्वें-क्वेंमिमैं, क्हिए खेदोमैं नेरो क्हिने मुँबै तोन्दोंरि सै ङए ङाँर्न तब्मुँ।

उत्पत्ति 46:34

छले ङ्योएमा ‘क्हिए केब्छैंमैं ङि आबा-च्हमैं ताँन् कोलोउँइँले तोगो समा खेदोमैं न्हब्मैं ग,’ बिद्। छ बिस्याँ क्हेमैं गोशेनर टिल् योंब्मुँ। तलेबिस्याँ मिश्रीमैं ताँनइ प्ह्रोंछैंमैंलाइ हेल् लम्।”

उत्पत्ति 47:11

झाइले फारोइ बिब् धोंलेन् योसेफइ ह्रोंसए आबा नेरो आघें-अलिमैंलाइ मिश्रर्बै ताँन् भन्दा छ्याँब रामसेस बिबै ह्‍युलर चमैं क्ल्हे तबर क्ल्ह्‍योमैं पिंइ।

उत्पत्ति 47:16

योसेफइ चमैंने बिइ, “क्हेमैंए मुइ खाँयास्याँ खेदोमैं पखो। क्हेमैंए खेदोमैंए साटोर ङइ म्‍ल्ह-नारिमैं पिंस्यो।”

उत्पत्ति 47:4

कनान ह्‍युलर बेल्‍ले थेबै अँङ्गल् तबइले क्हिए केब्छैंमैंइ र-क्यु छबै क्ल्ह्‍यो आयों। छतसि ङि चु ह्‍युलर्न टिबर खइमुँ। यो छ्युँ लमुँ ङि क्हिए केब्छैंमैंइ गोशेन ह्‍युलर टिल् योंरिगे।”

उत्पत्ति 47:5

झाइले फारोइ योसेफने बिइ, “क्हिए आबा नेरो आघें-अलिमैं क्हि ङाँर खना।

प्रस्थान 18:21

दिलेया म्हिमैंए न्होंउँइँले ह्रब्-सेबै म्हिमैं त्हाँन्। चमैं परमेश्‍वरने ङ्हिंब्मैं, बिश्‍वास योग्यर्बै म्हिमैं, आछ्याँबै केमैं आलब छ्याँबै के लबै म्हिमैं तल् त्हुम्। चमैं हजार-हजार, प्र-प्र, ङ्‍हच्यु-ङ्‍हच्यु नेरो च्यु-च्युए फिर चिब तबर त्हाँन्।

प्रस्थान 18:25

मोशाइ ताँन् इस्राएलीमैं न्होंर ह्रब्-सेबै म्हिमैं त्हाँसि हजार-हजार, प्र-प्र, ङ्‍हच्यु-ङ्‍हच्यु, च्यु-च्युए फिर्बै चिब्मैं तल् पिंइ।

प्रस्थान 9:10

छबिमा चमैं कोदार्बै मेब्रो किंसि फारोए ओंसों रासि मोशाइ च मेब्रो मुउँइँ टाँमिंइ, धै म्हिमैं नेरो खेदोमैंए ज्युर पोरमैं त्होंखइ।

प्रस्थान 9:21

दिलेया याहवेहजी बिबै ताँने आङ्हिंब्मैंइ ह्रों-ह्रोंसए केब्छैंमैं नेरो खेदोमैं बैरुन् टिल् पिंइ।

हितोपदेश 21:1

म्रुँए सैं याहवेहए योर मुँ, स्योंर्बै क्यु धोंले चलाइ खनि बोदा ङ्‍हाँमुँ छाइन खीजी लल् खाँम्।

हितोपदेश 22:29

सैं झोंसि ह्रोंसए केमैं लबै म्हि क्हिइ म्रोंइमुँ वा? छाबै म्हि म्रुँए उँइँर रासि के लब्मुँ; तोन् तोर्बै म्हिमैंए उँइँर राल् त्हुरिब् आरे।

यूहन्‍ना 17:2

खीने पिंबै ताँन् म्हिमैंलाइ खीजी खोंयोंइ आखाँबै छ्ह पिंरिगे बिसि क्‍हिजी खीलाइ ताँन् म्हिमैंए फिर हग पिंइँमुँ।