उत्पत्ति 47:23 - परमेश्‍वरए ताँ तमु क्युइर

²³ योसेफइ मिश्रीमैंने बिइ, “ङ्‍ह्‍योद्, तिंयाँ ङइ फारोए ल्हागिर क्हेमैं नेरो क्हेमैंए क्ल्ह्‍यो न्हेंमैं किंइमुँ। तारे क्हेमैंए ल्हागिर प्लु चुर मुँ म्रोंर प्लु प्लुद्।

उत्पत्ति 47:23 ပူးပေါင်းရင်းမြစ်များ

उत्पत्ति 41:27

चमैंए लिउँइँ खबै ह्रुइब् नेरो ट्हुबि मत्‍त्रे मुँबै प्ल्याँडु म्येमैं ङिदिंन् ग। धै च खैंइ पोंवाबै आम्रेबै रोए नाँ ङिउँलो या अँङ्गल् ङिदिं समन् तम् बिब् ग।

उत्पत्ति 45:6

ह्‍युलर अँङ्गल् तब तोगो ङ्हिदिं तइ। अझै ङ्‍हदिं समा खनिरै ताब-क्ह्‍योब् तरिब् आरे, म्‍ल्ह-नारिमैं या खुरिब् आरे।

उत्पत्ति 47:22

दिलेया खेगिमैंए क्ल्ह्‍यो बिस्याँ चइ आकिं, तलेबिस्याँ खेगिमैंए ल्हागिर फारोउँइँले म्‍ल्ह-नारिए भाउ स्यो लल। धै फारोइ पिंबै भागउँइँले चमैंइ चमल। छतसि चमैंइ खेंमैंए क्ल्ह्‍यो-न्हें चुँल् आत्हु।

उत्पत्ति 47:24

दिलेया रोमैं मिंबै त्हेर चए ङ्‍हबाँ क्हेमैंइ फारो म्रुँलाइ पिंल् त्हुम्। धै प्लिबाँ बिस्याँ प्लुए ल्हागिर नेरो क्हेमैंए परवा, प्हसेमैं चबर क्हेमैंल तब्मुँ।”

भजनमैं 112:5

सैं प्ल्हसि छे पिंब नेरो भर म्हाँदिल् खाँबै के लरिबै म्हिल बिब् धों मैंब् धों तम्।

भजनमैं 41:1

आयों आख्युब्मैंए खाँचो टार्दिमिंबै म्हिइ आशिक योंम्! छाबै म्हिए फिर दुःख तमा याहवेहजी चलाइ दुःखउँइँले फ्रेमिंम्।

हितोपदेश 11:26

म्‍ल्ह-नारि भकारिर तिगोले मुँलेया आचुँन्ले थेंबै म्हिलाइ म्हिमैंइ सराप पिंम्, दिलेया म्हिमैंलाइ म्‍ल्ह-नारि चुँल् त्हुम् बिब् मैंसि चुँबै म्हिइ आशिक योंम्।

हितोपदेश 12:11

ह्रोंसए म्रों ताब् क्ल्योब लसि रा-रोमैं रुँइँब्मैंने चबै सै ल्हें तम्, दिलेया केर आफेबै म्हिमैंए लिलि प्रब्मैं बुद्धि आरेब्मैं ग।

हितोपदेश 13:23

ङ्‍हाँदुमैंइ दु:ख लसि ल्हें रा-रोमैं खुमुँ, दिलेया अनिया लबै म्हिइ च प्हेंसि बोवाम्।

मत्ती 24:45

“भर लल् खाँब नेरो बुद्धि मुँबै केब्छैं खैबै तम्? च केब्छैंने क्ल्हेइ ‘धिंर्बै केब्‍छैंमैं चब-थुँब ठिक त्हेर पिंन्’ बिसि चए जिम्‍मार वाथेंम्।

२ कोरिन्थी 9:10

परमेश्‍वरजी प्‍लु प्‍लुबै म्हिलाइ प्‍लु पिंम्, धै म्‍हिमैंलाइ चबै सै पिंम्। च धोंले परमेश्‍वरजी क्‍हेमैंलाइ चैदिबै प्‍लु पिंसि चलाइ बडिमिंब्‍मुँ, झाइले क्‍हेमैंइ लबै छ्याँबै केल ल्हें रोमैं तब्‍मुँ।