उत्पत्ति 47:22 - परमेश्‍वरए ताँ तमु क्युइर

²² दिलेया खेगिमैंए क्ल्ह्‍यो बिस्याँ चइ आकिं, तलेबिस्याँ खेगिमैंए ल्हागिर फारोउँइँले म्‍ल्ह-नारिए भाउ स्यो लल। धै फारोइ पिंबै भागउँइँले चमैंइ चमल। छतसि चमैंइ खेंमैंए क्ल्ह्‍यो-न्हें चुँल् आत्हु।

उत्पत्ति 47:22 ပူးပေါင်းရင်းမြစ်များ

उत्पत्ति 14:18

च लिउँइँ शालेमर्बै मल्कीसेदेक म्रुँ या क्हें नेरो अँगुरए प्हा किंसि अब्राम ङाँर खइ। च ताँन् भन्दा थेबै परमेश्‍वरए खेगि मुँल।

उत्पत्ति 41:45

फारो म्रुँइ योसेफए मिं सापनत-पानेह थेंइ। धै चइ चलाइ ओन बिबै देवताए खेगि पोतिपेराए च्हमि आसनतने बालु ब्ह्‍या लमिंइ। च लिउँइँ योसेफ मिश्र ह्‍युलर खन्तोंदोंन् प्रबर होंइ।

उत्पत्ति 41:50

अँङ्गल तब् भन्दा ओंसोंन् ओन् बिबै देवताए खेगि पोतिपेराए च्हमि आसनत ङाँइले योसेफल च्हमैं ङ्हिं योंल् खाँल।

उत्पत्ति 47:21

मिश्रर्बै छेउ घ्रिइले अर्को छेउ समार्बै ताँन् म्हिमैं चइ केब्छैंमैं तइ।

उत्पत्ति 47:23

योसेफइ मिश्रीमैंने बिइ, “ङ्‍ह्‍योद्, तिंयाँ ङइ फारोए ल्हागिर क्हेमैं नेरो क्हेमैंए क्ल्ह्‍यो न्हेंमैं किंइमुँ। तारे क्हेमैंए ल्हागिर प्लु चुर मुँ म्रोंर प्लु प्लुद्।

उत्पत्ति 47:26

छतसि मिश्र ह्‍युलर्बै क्ल्ह्‍यो-न्हेंउँइँले खबै रोमैंए ङ्‍हबाँ फारोल तब्मुँ बिसि योसेफइ ठिम घ्रि बनेइ। च ठिम तिंयाँ समन् मुँ। खेगिमैंए क्ल्ह्‍यो मत्‍त्रे फारोल आत।

मत्ती 10:10

क्हेमैं ह्‍यामा झोला, फेर्दिबै क्‍वें, जुत्ता आबोद्, प्‍हरे या आछेद्, तलेबिस्याँ म्रोंमैंइ चब्-थुँब् योंल् त्हुम्।

१ कोरिन्थी 9:13

मन्दिरर के लबै म्‍हिइ मन्दिरर खबै सैमैंउँइँलेन् चल् योंम्, छलेन ख्रो पिंबै क्ल्ह्‍योर के लबै म्‍हिमैंइ ख्रो पिंबै सैउँइँलेन् ह्रोंसए भाग योंम्।

गलाती 6:6

प्रभुए ताँ लोब्मैं ताँनइ ह्रोंसने मुँबै ताँन् छ्याँबै सैमैं ह्रोंसलाइ ताँ लोमिंबै म्हिलाज्यै या पिंरिगे।

२ थेसलोनिकी 3:10

क्‍हेमैंने टिमा ङिइ “खाबइ के आल, चइ चबै या आचरिगे” बिल।

१ तिमोथी 5:17

बिश्‍वासीमैं छेनाले ल्होमिंबै एल्डरमैं, खासगरि परमेश्‍वरए ताँ बिमिंसि लोमिंबर भों लब्मैंइ दुःख सैदि डबल योंल् त्हुम्।