उत्पत्ति 45:7 - परमेश्‍वरए ताँ तमु क्युइर

⁷ दिलेया क्हेमैंए ल्हागिर भाग घ्रि पृथ्‍बीर जोगेसि थेंबर नेरो क्हेमैंए न्होंर्बै ल्हें म्हि जोगेमिंरिगे बिसि परमेश्‍वरजी क्हेमैं भन्दा ओंसों ङलाइ चुर कुलब् ग।

उत्पत्ति 45:7 ပူးပေါင်းရင်းမြစ်များ

उत्पत्ति 45:5

क्हेमैंइ ङलाइ चुँवाबै ताँर क्हेमैं न्हुँ आलद्। ह्रोंसए फिरै या ह्रिस आलद्। तलेबिस्याँ म्हिमैं जोगेमिंबै ल्हागिर परमेश्‍वरजी क्हेमैं भन्दा ङ ओंसों चुर कुलब् ग।

उत्पत्ति 47:12

योसेफइ ह्रोंसए आबा आघें-अलिमैं नेरो ह्रोंसए आबाए परवा ताँनलाइ चमैंए प्हसेमैं कति मुँ च ङ्‍ह्‍योसि चबै सैमैं या पिंइ।

उत्पत्ति 50:20

ङए फिर क्हेमैंइ न्होह्रों लबै सैं लल दिलेया परमेश्‍वरजी च केउँइँले छ्याँब लमिंबै सैं मैंइ। च के तिंयाँ ङ्यो ताँनए फिर तरिइमुँ छतमा ल्हें म्हि सोरिइमुँ।

भजनमैं 18:50

खीजी ह्रोंसए म्रुँलाइ ट्होगों लमिंम्, धै खीजी त्हाँबै म्रुँ दाऊद नेरो चए सन्तानए फिर खोंयोंइ आनुबै म्हाँया लरिम्।

भजनमैं 44:4

क्हिन ङए म्रुँ नेरो ङए परमेश्‍वर ग; क्हिजी याकूबलाइ ट्होगों लमिंम्!

चेला चिब्मैंए केमैं 7:35

“चु मोशाने इस्रालिमैंइ ‘क्हि ङिए फिर्बै चिब तसि निसाफ लबर खाबइ कुलल?’ बिमा चमैंइ खीजी बिबै ताँ आङिंल। दिलेया परमेश्‍वरए स्वर्गदूत मोशाने झ्याडिर म्रोंयुल। झाइले च स्वर्गदूतजी ल्होमिंबइले चमैंए फिर्बै चिब नेरो चमैं जोगेमिंबै म्हि लसि परमेश्‍वरजी मोशा कुल्मिंइ।