उत्पत्ति 45:6 - परमेश्‍वरए ताँ तमु क्युइर

⁶ ह्‍युलर अँङ्गल् तब तोगो ङ्हिदिं तइ। अझै ङ्‍हदिं समा खनिरै ताब-क्ह्‍योब् तरिब् आरे, म्‍ल्ह-नारिमैं या खुरिब् आरे।

उत्पत्ति 45:6 ပူးပေါင်းရင်းမြစ်များ

उत्पत्ति 37:2

चए सन्तानए ताँ चुन् ग। चए च्ह योसेफ च्युसे ङिदिं तमा चए आघेंमैंने बालु र-क्युमैंए बगाल छमल। चमैं याकूबए केब्स्योमैं बिल्हा नेरो जिल्पाए च्हमैं मुँल। तिंगें योसेफइ ह्रोंसए आघेंमैंइ लबै आछ्याँबै केमैं आबा ङाँर बिखइ।

उत्पत्ति 41:35

चमैंइ तारे खबै सागलए बर्षर्बै ताँन् म्ल्ह-नारिमैं खुरिगे। नाँस-नाँसर चबै ल्हागिर म्ल्ह-नारिमैं फारोए धनसारमैंर साँथेंरिगे, छतसि रुँबै म्हिमैं या त्हाँन्।

उत्पत्ति 41:46

मिश्रर्बै फारो म्रुँए के लबै त्हेर योसेफ सोंच्यु बर्षर्बै मुँल। च त्हेसेरो योसेफ फारो ङाँइले त्होंसि मिश्र ह्‍युल तिगोंन् प्रबर होंइ।

उत्पत्ति 41:53

मिश्र ह्‍युलर ङिदिंबै सागलए त्हे नुयाइ।

उत्पत्ति 41:54

झाइले योसेफइ बिब् धोंलेन् ङिदिंबै अँङ्गल खबर होंइ। ताँन् ह्‍युलर अँङ्गल् तइ। दिलेया मिश्र ह्‍युलर बिस्याँ रा-रोमैं ल्हें मुँल।

उत्पत्ति 41:56

मिश्र ह्‍युल तिंगोंन् अँङ्गल तइ, झाइले योसेफइ ताँन् धनसारमैं थोंसि मिश्रीमैंने रा-रोमैं चुँबर होंइ। तलेबिस्याँ मिश्र ह्‍युल तिंगोंन् बेल्‍ले थेबै अँङ्गल् तल।

उत्पत्ति 47:18

च बर्ष खाँसि क्हुरिंम्बै सालरै या धबै चमैं खसि योसेफने बिइ, “ङिए मुइ ताँन् खाँयाबै ताँ क्हिइ सेइमुँ। खेदोमैंए बगालमैं या ताँन् क्हिलन् तल् खाँइमुँ। तारे क्हिलाइ पिंबर ङिए ज्यु नेरो क्ल्ह्‍यो बाहेक ङिने बालु तोइ आरे।

उत्पत्ति 47:23

योसेफइ मिश्रीमैंने बिइ, “ङ्‍ह्‍योद्, तिंयाँ ङइ फारोए ल्हागिर क्हेमैं नेरो क्हेमैंए क्ल्ह्‍यो न्हेंमैं किंइमुँ। तारे क्हेमैंए ल्हागिर प्लु चुर मुँ म्रोंर प्लु प्लुद्।

प्रस्थान 34:21

“टुगैं समा ह्रोंसए के ति लद्, ङिगैंर बिस्याँ भों न्हद्। क्ल्या क्योब नेरो रो खुबै त्हेरै या ङिगैंर भों न्हद्।