उत्पत्ति 45:5 - परमेश्‍वरए ताँ तमु क्युइर

⁵ क्हेमैंइ ङलाइ चुँवाबै ताँर क्हेमैं न्हुँ आलद्। ह्रोंसए फिरै या ह्रिस आलद्। तलेबिस्याँ म्हिमैं जोगेमिंबै ल्हागिर परमेश्‍वरजी क्हेमैं भन्दा ङ ओंसों चुर कुलब् ग।

उत्पत्ति 45:5 ပူးပေါင်းရင်းမြစ်များ

उत्पत्ति 37:28

लिउँइँ छों लबै मिद्यानिथेंमैं च घ्याँउँइँले खमा योसेफए आघेंमैंइ चलाइ होंल्दोंउँइँले चैंपसि इश्माएलीमैंए योर चाँदिए मुइ ङ्हिस्युर चुँवाइ। छले चमैंइ योसेफ मिश्र बिबै ह्‍युलर बोइ।

उत्पत्ति 47:25

चमैंइ बिइ, “ङिए सो क्हिइ जोगेमिंइमुँ। छलेन क्हिए म्हाँया ङि फिर तरिगे। ङि फारोए केब्छैंमैं तब्मुँ।”

उत्पत्ति 50:19

दिलेया योसेफइ चमैंने बिइ, “आङ्हिंन्! ङ परमेश्‍वरए क्ल्ह्‍योर मुँ रो वा?

उत्पत्ति 50:20

ङए फिर क्हेमैंइ न्होह्रों लबै सैं लल दिलेया परमेश्‍वरजी च केउँइँले छ्याँब लमिंबै सैं मैंइ। च के तिंयाँ ङ्यो ताँनए फिर तरिइमुँ छतमा ल्हें म्हि सोरिइमुँ।

उत्पत्ति 50:21

छतसि आङ्हिंन्! क्हेमैं नेरो क्हेमैंए प्हसेमैं या ङइ न्हब्मुँ।” छले चइ चमैंए सैं भोंब् लमिंसि चमैंए सैं क्होमिंइ।

एस्तर 4:14

छाबै त्हेर क्हि आपोंल्‍ले टिइ बिस्याँ यहूदीमैं जोगेमिंबर अरूमैंन् त्होंब्मुँ, दिलेया क्हि नेरो क्हिए आबाए सन्तानमैं ताँन् सिब्मुँ। ह्रोंसए ह्रेंमैंलाइ जोगेबै ल्हागिर्न क्हि चु त्हेर्न म्रुँस्यो तसि म्रुँए दरबारर टिल् योंइ उ?”

लूका 23:34

च्हमा येशूजी बिइ, “ओ आबा, चुमैं क्षमा लमिंन्, तलेबिस्याँ चुमैंइ तो लरिइमुँ बिब था आसे।” दिलेया सिपाइमैंइ येशूए क्वें चिट्ठा झोंसि खेंमैंए न्‍होंरि चुइ।

२ कोरिन्थी 2:11

ङ्योए फिर दुष्‍टइ तोइ लल् आखाँरिगे बिसि च पाप लबै म्हिलाइ क्षमा पिंल् त्‍हुम्, तलेबिस्याँ दुष्‍टइ खैले पापर च्होवाम् बिब ङ्योइ सेइमुँ।

२ कोरिन्थी 2:7

तारे क्‍हेमैंइ च म्हिलाइ क्षमा पिंसि भों या पिंल् त्‍हुम्। छ आलस्‍याँ च म्‍हि झन् न्हुँ लसि सैं च्योंब तम्।

फिलेमोन 1:15

च खोंयोंन् बिलै क्हिनेन् टिरिगे बिसि च दे त्हे क्हिउँइँले फ्रेयालै।