उत्पत्ति 45:10 - परमेश्‍वरए ताँ तमु क्युइर

¹⁰ क्हि गोशेन ह्‍युलर टिब्मुँ। क्हि नेरो क्हिए प्हसेमैं, क्हिए क्वें-क्वेंमिमैं, क्हिए खेदोमैं नेरो क्हिने मुँबै तोन्दोंरि सै ङए ङाँर्न तब्मुँ।

उत्पत्ति 45:10 ပူးပေါင်းရင်းမြစ်များ

उत्पत्ति 46:34

छले ङ्योएमा ‘क्हिए केब्छैंमैं ङि आबा-च्हमैं ताँन् कोलोउँइँले तोगो समा खेदोमैं न्हब्मैं ग,’ बिद्। छ बिस्याँ क्हेमैं गोशेनर टिल् योंब्मुँ। तलेबिस्याँ मिश्रीमैं ताँनइ प्ह्रोंछैंमैंलाइ हेल् लम्।”

उत्पत्ति 47:1

झाइले योसेफ फारो ङाँर ह्‍यासि बिइ, “ङए आबा नेरो आघें-अलिमैं चमैंए र-क्युमैं, म्येमैं नेरो चमैंए तोन्दोंरि सै किंसि कनान ह्‍युलउँइँले खइमुँ। चमैं तोगो गोशेन ह्‍युलर मुँ।”

उत्पत्ति 47:12

योसेफइ ह्रोंसए आबा आघें-अलिमैं नेरो ह्रोंसए आबाए परवा ताँनलाइ चमैंए प्हसेमैं कति मुँ च ङ्‍ह्‍योसि चबै सैमैं या पिंइ।

उत्पत्ति 47:4

कनान ह्‍युलर बेल्‍ले थेबै अँङ्गल् तबइले क्हिए केब्छैंमैंइ र-क्यु छबै क्ल्ह्‍यो आयों। छतसि ङि चु ह्‍युलर्न टिबर खइमुँ। यो छ्युँ लमुँ ङि क्हिए केब्छैंमैंइ गोशेन ह्‍युलर टिल् योंरिगे।”

उत्पत्ति 47:6

मिश्र ह्‍युल क्हिए योर्न मुँ। चु ह्‍युलर्बै ताँन् भन्दा छ्याँबै क्ल्ह्‍योर क्हिए आबा नेरो आघें-अलिमैं टिल् पिंन्। चमैं गोशेन ह्‍युलर्न टिल् पिंन्। धै चमैं न्होंर सिपालु म्हिमैं मुँस्याँ चमैंए जिम्मार ङए खेदोमैं या कुल्मिंन्।”

एस्तर 10:3

यहूदी मोर्दकै म्रुँ अहासूरस भन्दा न्होंर्बै ताँन् भन्दा चिब मुँल। च यहूदीमैंए थेबै म्हि मुँल। धै चइ ह्रोंसए यहूदी म्हिमैंए ल्हागिर बेल्‍ले छ्याँबै के लसि खातोनोइ खोबै म्हि तइ। मोर्दकैइ ह्रोंसए ह्रेंर्बै म्हिमैंए ताँन् सन्तानमैंए ल्हागिर शन्तिए ताँमैं मत्‍त्रे लइ।

प्रस्थान 8:22

दिलेया च त्हिंइर याहवेह चु ह्‍युलर मुँ बिब् क्हिइ सेरिगे बिसि ङए म्हिमैं टिबै गोशेन ह्‍युललाइ बिस्याँ ङइ जोगेमिंब्मुँ, चर च्युमिं तरिब् आरे।

प्रस्थान 9:26

दिलेया इस्राएलीमैं मत्‍त्रे टिबै गोशेन ह्‍युलर तिस्यु आयु।

यूहन्‍ना 17:24

“ओ आबा, चु ह्‍युल बनेब् भन्दा ओंसों ओंनोंन् क्हिजी ङलाइ म्हाँया लसि थेबै मान पिंइ। क्हिजी ङने पिंबै म्हिमैं ङए थेबै मान म्रोंबर चमैं ङ टिबै क्ल्ह्‍योरि ङने बालुन् तरिगे बिब ङए सैं मुँ।

चेला चिब्मैंए केमैं 7:14

च लिउँइँ योसेफइ ह्रोंसए आबा याकूब नेरो खीने टिबै ङिच्युसे ङ्‍ह (पचत्तर) परवामैं च ङाँर हुइ।