उत्पत्ति 43:8 - परमेश्‍वरए ताँ तमु क्युइर

⁸ झाइले यहूदाइ आबाने बिइ, “बेन्यामीन ङने बालु कुलमिंन् क्हिइ च ङिने बालु कुलस्याँ ङि ह्‍याब्मुँ। धै ङ्यो नेरो ङ्योए प्हसेमैं चल् आयोंसि सिल् त्हुरिब् आरे।

उत्पत्ति 43:8 ပူးပေါင်းရင်းမြစ်များ

उत्पत्ति 42:2

मिश्रर म्ल्ह-नारिमैं मुँ रो बिब ङइ थेइमुँ। ङ्यो सोब् गो बिस्याँ चर ह्‍यासि ङ्योए ल्हागिर म्‍ल्ह-नारिमैं किंइ पखो।”

उत्पत्ति 42:38

दिलेया याकूबइ बिइ, “ङए च्ह क्हेमैंने ह्‍यारिब् आरे! तलेबिस्याँ चए आघें सियाइ तारे चु घ्रि चैमुँ। छतसि क्हेमैंइ बोम् बिबै क्ल्ह्‍योर चए फिर तोइ आछ्याँब तखइ बिस्याँ ङ खेब् तसि क्र सारयाबै त्हेर शोकने बालु क्रोंर सथेंनेब्मुँ।”

उत्पत्ति 44:20

छतसि ङिइ क्हिने बिइ, ‘ङिए आबा खेब् तयाइमुँ। च खेब् तयाबै त्हेर्बै कोलो ङिल अलि च्योंब घ्रि मुँ। चए आघें सियाल् खाँइ। चए आमाउँइँले फिब तारे च घ्रि मत्‍त्रे मुँ। छतसि आबाइ चलाइ बेल्‍ले खोम्।’

उत्पत्ति 44:26

छबिमा ‘ङि ह्‍याल् आखाँ। ङिए च्योंबै अलि ङिने बालु कुलस्याँ ङि ह्‍याब्मुँ। ङिए च्योंबै अलि ङिने बालु आकुलस्याँ ङि च म्हिए उँइँर ह्‍याल् योंरिब् आरे,’ बिसि ङिइ चने बिल।

उत्पत्ति 45:19

क्हेमैंए म्रिं-प्हसेमैंए ल्हागिरि मिश्रउँइँले गाडामैं बोयाद्। धै क्हेमैंए आबा किंसि खो!’ बिसेया चमैंने बिद्।

उत्पत्ति 50:21

छतसि आङ्हिंन्! क्हेमैं नेरो क्हेमैंए प्हसेमैं या ङइ न्हब्मुँ।” छले चइ चमैंए सैं भोंब् लमिंसि चमैंए सैं क्होमिंइ।

उत्पत्ति 50:8

छलेन योसेफए परवार्बै ताँन् म्हिमैं, चए आघें-अलिमैं नेरो चए आबाए परवार्बै ताँन् म्हिमैं चने ह्‍याइ। दिलेया खेंमैंए प्हसेमैं नेरो खेदोमैंए बगालमैं गोशेन ह्‍युलर्न वाथेंइ।

भजनमैं 118:17

ङ सिरिब् आरे, सोगोंन् तरिब्मुँ, धै याहवेहजी लबै केमैं ङ बिप्रब्मुँ।

प्रस्थान 20:12

“ह्रोंसए आबा-आमाए मान लद्, छलस्याँ ङइ पिंबै ह्‍युलर क्हेमैं ह्रिंग्यो छ्ह योंब्मुँ।