उत्पत्ति 43:5 - परमेश्‍वरए ताँ तमु क्युइर

⁵ चलाइ आकुलस्याँ ङि या आह्‍या। तलेबिस्याँ ‘क्हेमैंए अलि क्हेमैंने बालु आपखस्याँ क्हेमैं ङए ङाँर खल् योंरिब् आरे,’ बिसि च म्हिइ बिइमुँ।”

उत्पत्ति 43:5 ပူးပေါင်းရင်းမြစ်များ

उत्पत्ति 42:15

तारे ङइ क्हेमैंए जाँच छले लब्मुँ। फारो म्रुँए मिंर कसम चसि ङ बिमुँ, क्हेमैंए च्योंब अलि आखन् समा चु क्ल्ह्‍योउँइँले क्हेमैं ह्‍याल् योंरिब् आरे।

उत्पत्ति 42:20

धै क्हेमैंए च्योंबै अलि ङ ङाँर पइ खो। छ लस्याँ मत्‍त्रे ङइ क्हेमैंए ताँ क्ह्रोंसेंन्बै मुँन बिसि सेब्मुँ। धै क्हेमैं सिरिब् आरे। छबिमा चमैंइ छान् लइ।”

उत्पत्ति 42:38

दिलेया याकूबइ बिइ, “ङए च्ह क्हेमैंने ह्‍यारिब् आरे! तलेबिस्याँ चए आघें सियाइ तारे चु घ्रि चैमुँ। छतसि क्हेमैंइ बोम् बिबै क्ल्ह्‍योर चए फिर तोइ आछ्याँब तखइ बिस्याँ ङ खेब् तसि क्र सारयाबै त्हेर शोकने बालु क्रोंर सथेंनेब्मुँ।”

उत्पत्ति 43:3

आबाइ छबिमा योसेफए आघें यहूदाइ चने बिइ, “‘क्हेमैंए अलि क्हेमैंने बालु आपखस्याँ ङए उँइँर खल् योंरिब् आरे!’ बिसि च म्हिइ ङिने बिइमुँ।

उत्पत्ति 43:4

छतसि ङिए अलि ङिने बालु क्हिइ कुलस्याँ ङि ह्‍यासि क्हिए ल्हागिर म्‍ल्ह-नारिमैं किंसि पखब्मुँ।

उत्पत्ति 43:6

छबिमा याकूबइ (इस्राएलइ) बिइ, “क्हेमैंल अर्को अलि या मुँ बिसि च म्हिने बिइरि ङए फिर क्हेमैंइ तले छाबै न्हुँ तल् पिंल?”

उत्पत्ति 44:23

दिलेया क्हिइ ङिने बिइ, ‘क्हेमैंए च्योंबै अलि क्हेमैंने बालु आपखस्याँ क्हेमैं धबै ङए ओंसों राल् योंरिब् आरे।’

उत्पत्ति 44:25

छबिमा ङिए आबाइ बिइ, ‘धबै ह्‍यासि च्युगुदे म्‍ल्ह-नारिमैं किंइ पखो।’

उत्पत्ति 44:26

छबिमा ‘ङि ह्‍याल् आखाँ। ङिए च्योंबै अलि ङिने बालु कुलस्याँ ङि ह्‍याब्मुँ। ङिए च्योंबै अलि ङिने बालु आकुलस्याँ ङि च म्हिए उँइँर ह्‍याल् योंरिब् आरे,’ बिसि ङिइ चने बिल।

प्रस्थान 20:12

“ह्रोंसए आबा-आमाए मान लद्, छलस्याँ ङइ पिंबै ह्‍युलर क्हेमैं ह्रिंग्यो छ्ह योंब्मुँ।