उत्पत्ति 42:9 - परमेश्‍वरए ताँ तमु क्युइर

⁹ छतमा चमैंए बारेर ओंसोंन् चइ म्रोंबै म्होंड मैंसि योसेफइ चमैंने बिइ, “क्हेमैं छैं लबर खब्मैं ग। चु ह्‍युलर तो-तो मुँगे बिसि क्होबर क्हेमैं खब् ग।”

उत्पत्ति 42:9 ပူးပေါင်းရင်းမြစ်များ

उत्पत्ति 37:11

छतमा चए आघेंमैंइ चने ह्रिस लबर होंइ। दिलेया आबाइ बिस्याँ च ताँ सैं न्होंर्न थेंइ।

उत्पत्ति 42:16

छतसि क्हेमैंए न्होंर घ्रि क्हेमैंए अलि किंबर कुलद्। च आखन् समा क्हेमैं झेलर टिल् त्हुम्। छले क्हेमैंए ताँ क्ह्रोंसेंन्बै ङिंब उ आङिं बिसि ङइ ङ्ह्‍योब्मुँ। क्ह्रोंसेंन्बै आङिंस्याँ फारो म्रुँए मिंर कसम चसि ङ बिमुँ क्हेमैं छैं लब्मैंन् ग।”

उत्पत्ति 42:34

धै क्हेमैंए च्योंबै अलि चुर ङ ङाँर पखो। छ लस्याँ क्हेमैं छैं लबर खब्मैं आङिंन, सोजो म्हिमैं मुँन बिसि ङइ सेब्मुँ। धै ङइ क्हेमैंए अलि क्हेमैंए योर पिंस्यो। झाइले क्हेमैं चु ह्‍युलर छों लल् योंब्मुँ।’”

प्रस्थान 32:35

झाइले हारूनइ बनेबै माराए क्ल्या भारा चमैंइ फ्योबइले याहवेहजी रूढि कुलसि म्हिमैं सैवाइ।

लूका 20:20

येशूजी बिबै ताँमैंउँइँले खीलाइ फसेदिसि रोमी क्रथेए योर पिंवाबै दाउ चमैंइ ङ्‍ह्‍योरिल। छतसि छ्याँबै के लब्मैं धों ब्योंबै म्‍हिमैं छैं लबर चमैंइ येशू ङाँर कुलइ।

हिब्रू 11:31

परमेश्‍वरजी बिबै ताँ आङिंबै यरिहो सहरर्बै म्हिमैंलाइ खीजी नास लमा बिश्‍वासउँइँलेन् फ्यालुस्यो राहाब नास आत, तलेबिस्याँ छैं लबर ह्‍याबै इस्राएलीमैंलाइ मान लसि चइ टिल् पिंल।