उत्पत्ति 42:6 - परमेश्‍वरए ताँ तमु क्युइर

⁶ च त्हेर योसेफ मिश्रर्बै क्रथे मुँल। ह्‍युलर्बै ताँन् म्हिमैंने म्‍ल्ह नारिमैं चुँब या चन् मुँल। छतसि योसेफए आघेंमैं खसि क्र कुरदै चलाइ फ्योइ।

उत्पत्ति 42:6 ပူးပေါင်းရင်းမြစ်များ

उत्पत्ति 18:2

चइ ङ्‍ह्‍योमा ह्रोंसए ओंसों मुँयुँमैं सों रारिब् म्रोंइ। चमैं म्रोंसि चए तम्बुए म्राउँइँले त्होंसि न्हे‍ह्‍याइ धै पत्खु तसि चमैंलाइ फ्योइ।

उत्पत्ति 19:1

च स्वर्गदूतमैं ङ्हिं ङेसर सदोमर युइ। च त्हेर लोत सदोमए मुल म्रार क्हुँरिल। चमैं म्रोंसि लोत चमैंने त्होबर रेइ, धै कुरसि चमैंलाइ फ्योसि बिइ,

उत्पत्ति 33:3

याकूब ह्रोंसए आघें ङाँर आफेन् समा ङिखे समा सर फ्योदै ह्‍याइ।

उत्पत्ति 41:43

झाइले योसेफलाइ फारोइ ह्रोंसए न्होंर्बै चिब धोंले रथर क्रेसि स्युरइ। छतमा योसेफए ओंसों-ओंसों “च्हि तुँसि फ्योद्!” बिदै म्हिमैं ओरप्रइ। छले फारो म्रुँइ योसेफलाइ मिश्र ह्‍युल तिगोंन् क्ल्हे तल् पिंइ।

उत्पत्ति 41:54

झाइले योसेफइ बिब् धोंलेन् ङिदिंबै अँङ्गल खबर होंइ। ताँन् ह्‍युलर अँङ्गल् तइ। दिलेया मिश्र ह्‍युलर बिस्याँ रा-रोमैं ल्हें मुँल।

उत्पत्ति 41:57

पृथ्‍बी तिंगोंन् थेबै अँङ्गल् तल। छतसि ताँन् ह्‍युलर्बै म्हिमैं मिश्रर योसेफ ङाँर रा-रोमैं किंबर खइ।

उत्पत्ति 44:14

यहूदा नेरो चए आघें-अलिमैं योसेफए धिंर फेखमा च चर्न मुँल। धै चमैंइ चए ओंसों खसि फ्योइ।

उत्पत्ति 45:26

धै आबाने बिइ, “योसेफ तोगो समा सोगोंन् मुँन, मिश्र ह्‍युलर्बै थेबै म्हि या चन् मुँन।” च ताँ थेसि याकूब प्लेटोयासि चमैंए ताँ आक्वें।

उत्पत्ति 45:8

छतसि ङलाइ चुर कुलब क्हेमैंइ आङिं, परमेश्‍वरजीन् ग। खीजी फारोए क्ल्ह्‍योर ङ थेंमिंइमुँ धै चए परवार्बै चिब लमिंसि मिश्र ह्‍युलर्बै चिब लमिंइमुँ।

उत्पत्ति 48:12

झाइले योसेफइ याकूबए क्ह्‍वेंउँइँले प्हसेमैं स्योवाइ, धै कुरसि आबालाइ फ्योइ।

हितोपदेश 11:26

म्‍ल्ह-नारि भकारिर तिगोले मुँलेया आचुँन्ले थेंबै म्हिलाइ म्हिमैंइ सराप पिंम्, दिलेया म्हिमैंलाइ म्‍ल्ह-नारि चुँल् त्हुम् बिब् मैंसि चुँबै म्हिइ आशिक योंम्।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।

दर्शन 3:9

थेद्, को-कोइ दुष्‍टए न्होंर टिब्मैंइ ‘ङ यहूदी ग’ बिम् दिलेया चमैं क्ह्रोंसेंन्बै यहूदी आङिं। च स्‍योर्गुमैंलाइ ङइ क्‍हेमैंए प्‍हले फ्‍योबर ल्‍हैदिब्‍मुँ। झाइले ङइ क्‍हेमैंलाइ म्हाँया लरिमना बिब चमैं ताँनइ था सेब्‍मुँ।