उत्पत्ति 42:34 - परमेश्‍वरए ताँ तमु क्युइर

³⁴ धै क्हेमैंए च्योंबै अलि चुर ङ ङाँर पखो। छ लस्याँ क्हेमैं छैं लबर खब्मैं आङिंन, सोजो म्हिमैं मुँन बिसि ङइ सेब्मुँ। धै ङइ क्हेमैंए अलि क्हेमैंए योर पिंस्यो। झाइले क्हेमैं चु ह्‍युलर छों लल् योंब्मुँ।’”

उत्पत्ति 42:34 ပူးပေါင်းရင်းမြစ်များ

उत्पत्ति 20:15

झाइले अबीमेलेकइ बिइ, “ङ्‍ह्‍योद्, ङए ह्‍युल क्हिए ओंसोंन् मुँ। क्हि खनिर टिदा ङ्हाँइमुँ चर्न टिद्।”

उत्पत्ति 34:10

क्हेमैं ङिने बालुन् टिद्। चु क्ल्ह्‍यो क्हेमैंए ल्हागिर खुला मुँ। चुर्न टिसि छों लदु धै सै न्होर तोद्।”

उत्पत्ति 34:21

“चु म्हिमैं ङ्योने क्ह्रिल् खाँब्मैं मुँन। छतसि चुमैं टिबै ल्हागिर क्ल्ह्‍यो या ल्हें मुँ। चुमैं चु ह्‍युलर्न टिसि छों लरिगे।

उत्पत्ति 42:15

तारे ङइ क्हेमैंए जाँच छले लब्मुँ। फारो म्रुँए मिंर कसम चसि ङ बिमुँ, क्हेमैंए च्योंब अलि आखन् समा चु क्ल्ह्‍योउँइँले क्हेमैं ह्‍याल् योंरिब् आरे।

उत्पत्ति 42:20

धै क्हेमैंए च्योंबै अलि ङ ङाँर पइ खो। छ लस्याँ मत्‍त्रे ङइ क्हेमैंए ताँ क्ह्रोंसेंन्बै मुँन बिसि सेब्मुँ। धै क्हेमैं सिरिब् आरे। छबिमा चमैंइ छान् लइ।”