उत्पत्ति 41:52 - परमेश्‍वरए ताँ तमु क्युइर

⁵² “ङइ दुःख योंबै ह्‍युलरै या परमेश्‍वरजी ङलाइ च्हमैं पिंइमुँ,” बिसि चइ च्ह च्योंबए मिं एफ्राइम थेंइ।

उत्पत्ति 41:52 ပူးပေါင်းရင်းမြစ်များ

उत्पत्ति 17:6

ङइ क्हिलाइ ल्हें सन्तानमैं पिंब्मुँ धै क्हिउँइँलेन् ल्हें ह्रेंमैं तब्मुँ। क्हिउँइँलेन् म्रुँमैं त्होंब्मुँ।”

उत्पत्ति 28:3

तोन्दोंरि सै लल् खाँबै परमेश्‍वरजी क्हिए फिर आशिक पिंरिगे, धै क्हिइ प्हसेमैं ल्हें योंसि क्हिए सन्तान बेल्‍ले ल्हें तरिगे। धै क्हि ल्हें ह्रेंमैंए खे तरिगे।

उत्पत्ति 41:51

“परमेश्‍वरजी ङए ताँन् दुःख नेरो ङए आबाए धिंर्बै ताँमैं ङलाइ म्‍लेल् पिंइमुँ,” बिसि योसेफइ च्ह थेबए मिं मनश्शे थेंइ।

उत्पत्ति 41:53

मिश्र ह्‍युलर ङिदिंबै सागलए त्हे नुयाइ।

उत्पत्ति 48:1

दे त्हे लिउँइँ आबा नइमुँ बिसि योसेफइ म्हिमैंउँइँले था योंइ। छतसि मनश्शे नेरो एफ्राइम बिबै च्हमैं किंसि योसेफ याकूब ङाँर ह्‍याइ।

उत्पत्ति 48:14

दिलेया मनश्शे ठागु मुँलेया याकूबइ क्योलो यो स्योंसि च्योंब एफ्राइमए क्रर थेंइ, धै त्हेब्रे यो ठागु मनश्शेए क्रर थेंइ।

उत्पत्ति 48:5

याकूबइ धबै बिइ, “ङ मिश्रर खब् भन्दा ओंसों मिश्रर फिबै क्हिए च्हमैं ङ्हिं ङलन् ग। रूबेन नेरो शिमियोन धोंले एफ्राइम नेरो मनश्शे या ङलन् ग।

उत्पत्ति 49:22

“योसेफ बेल्‍ले रो-रोबै झ्याल् घ्रि ग, क्यु मुल ङाँर्बै रो रोबै झ्याल् ग। चए हाँगमैं गाराए फिफि ख्ल्याँब्मुँ।

उत्पत्ति 50:23

एफ्राइमए क्वें-क्वेंमिंमैं या म्रोंइ। मनश्शेए च्ह माकिरए प्हसेमैं या योसेफए प्हलेर थेंमिंइ।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।