उत्पत्ति 41:44 - परमेश्‍वरए ताँ तमु क्युइर

⁴⁴ फारो म्रुँइ धबै योसेफने बिइ, “ङ फारो म्रुँ ग, दिलेया क्हिजी तम् तम् लद् आबिन् समा चु मिश्र ह्‍युलर खाबज्यै या तोइ लल् योंरिब् आरे।”

उत्पत्ति 41:44 ပူးပေါင်းရင်းမြစ်များ

उत्पत्ति 41:43

झाइले योसेफलाइ फारोइ ह्रोंसए न्होंर्बै चिब धोंले रथर क्रेसि स्युरइ। छतमा योसेफए ओंसों-ओंसों “च्हि तुँसि फ्योद्!” बिदै म्हिमैं ओरप्रइ। छले फारो म्रुँइ योसेफलाइ मिश्र ह्‍युल तिगोंन् क्ल्हे तल् पिंइ।

एस्तर 10:3

यहूदी मोर्दकै म्रुँ अहासूरस भन्दा न्होंर्बै ताँन् भन्दा चिब मुँल। च यहूदीमैंए थेबै म्हि मुँल। धै चइ ह्रोंसए यहूदी म्हिमैंए ल्हागिर बेल्‍ले छ्याँबै के लसि खातोनोइ खोबै म्हि तइ। मोर्दकैइ ह्रोंसए ह्रेंर्बै म्हिमैंए ताँन् सन्तानमैंए ल्हागिर शन्तिए ताँमैं मत्‍त्रे लइ।

भजनमैं 105:22

म्रुँए के लबै क्रथे मिंथेमैंलाइ योसेफइ छेनाले लोमिंरिगे धै म्रुँलाइ ताँ लोमिंब्मैंलाज्यै या ज्ञान-बुद्धि पिंरिगे बिसि छान् लइ।

प्रस्थान 11:7

छान् तलेया खेदोमैंए बिरोधर मुँले म्हिमैंए बिरोधर मुँले इस्राएलीमैंए म्हाँजोर नगि घ्रि या छुरिब् आरे। छतमा याहवेहजी मिश्रीमैं नेरो इस्राएलीमैंए म्हाँजोर फेलमन बिसि क्हेमैंइ सेब्मुँ।’”