उत्पत्ति 41:43 - परमेश्‍वरए ताँ तमु क्युइर

⁴³ झाइले योसेफलाइ फारोइ ह्रोंसए न्होंर्बै चिब धोंले रथर क्रेसि स्युरइ। छतमा योसेफए ओंसों-ओंसों “च्हि तुँसि फ्योद्!” बिदै म्हिमैं ओरप्रइ। छले फारो म्रुँइ योसेफलाइ मिश्र ह्‍युल तिगोंन् क्ल्हे तल् पिंइ।

उत्पत्ति 41:43 ပူးပေါင်းရင်းမြစ်များ

उत्पत्ति 41:42

छबिसि फारो म्रुँइ छाप मुँबै ह्रोंसए च्या योउँइँले प्लिसि योसेफए योर खिमिंइ। धै छ्याँबै मलमलाए क्वेंइ पैरेमिंसि चए खरिर माराए सिग्रि खिमिंइ।

उत्पत्ति 41:44

फारो म्रुँइ धबै योसेफने बिइ, “ङ फारो म्रुँ ग, दिलेया क्हिजी तम् तम् लद् आबिन् समा चु मिश्र ह्‍युलर खाबज्यै या तोइ लल् योंरिब् आरे।”

उत्पत्ति 42:30

“च ह्‍युलर्बै क्ल्हेइ ङिने थेबै कैले पोंइ। चइ ङिने च ह्‍युलर्बै छैं लबर खब्मैं बिइ।

उत्पत्ति 42:33

“छबिमा च ह्‍युलर्बै क्ल्हेइ ङिने बिइ, ‘चु ताँउँइँले क्हेमैं सोजो म्हिमैं मुँन बिसि ङइ सेब्मुँ। क्हेमैंए आघें-अलिमैं न्होंर घ्रि चुर ङने वाथेंन्। अरू अंङ्गलर क्हेमैंए परवा फोदें आतरिगे बिसि म्‍ल्ह-नारिमैं किंसि ह्‍याद्।

उत्पत्ति 42:6

च त्हेर योसेफ मिश्रर्बै क्रथे मुँल। ह्‍युलर्बै ताँन् म्हिमैंने म्‍ल्ह नारिमैं चुँब या चन् मुँल। छतसि योसेफए आघेंमैं खसि क्र कुरदै चलाइ फ्योइ।

उत्पत्ति 45:26

धै आबाने बिइ, “योसेफ तोगो समा सोगोंन् मुँन, मिश्र ह्‍युलर्बै थेबै म्हि या चन् मुँन।” च ताँ थेसि याकूब प्लेटोयासि चमैंए ताँ आक्वें।

उत्पत्ति 45:8

छतसि ङलाइ चुर कुलब क्हेमैंइ आङिं, परमेश्‍वरजीन् ग। खीजी फारोए क्ल्ह्‍योर ङ थेंमिंइमुँ धै चए परवार्बै चिब लमिंसि मिश्र ह्‍युलर्बै चिब लमिंइमुँ।

उत्पत्ति 50:18

चए आघेंमैं या खसि चए ओंसों पद्खु तसि “थेद्, ङि क्हिए केब्छैंमैं ग,” बिइ।

उत्पत्ति 50:9

चमैंने बालु रथर क्रेब्मैं नेरो घोडाए फिर क्रेब्मैं या ह्‍याइ। छतमा म्हलामिमैं ल्हें मुँल।

एस्तर 10:3

यहूदी मोर्दकै म्रुँ अहासूरस भन्दा न्होंर्बै ताँन् भन्दा चिब मुँल। च यहूदीमैंए थेबै म्हि मुँल। धै चइ ह्रोंसए यहूदी म्हिमैंए ल्हागिर बेल्‍ले छ्याँबै के लसि खातोनोइ खोबै म्हि तइ। मोर्दकैइ ह्रोंसए ह्रेंर्बै म्हिमैंए ताँन् सन्तानमैंए ल्हागिर शन्तिए ताँमैं मत्‍त्रे लइ।

एस्तर 3:2

झाइले म्रुँइ बिब् धोंलेन् म्रुँए दरबारर्बै मुल म्रार राब्मैं ताँनइ हामानलाइ च्हि तुँसि फ्योमल। दिलेया मोर्दकैइ बिस्याँ छ आलमल।

चेला चिब्मैंए केमैं 7:10

परमेश्‍वरजी चए ताँन् दुःखउँइँले फ्रेमिंसि मिश्र ह्‍युलर्बै फारो म्रुँए उँइँरि चलाइ बुद्धि पिंमा फारोइ चलाइ मिश्र ह्‍युल नेरो ह्रोंसए धिंर्बै ताँन् सैमैंए फिरि क्ल्हे तल् पिंइ।

फिलिप्पी 2:10

छतसि स्वर्गरि, पृथ्‍बी फिर नेरो पृथ्‍बी न्होंरि मुँबै ताँन् सो प्ह्‍याबै सैमैंइ येशूए मिंर च्हि तुँल् त्हुब्मुँ।