उत्पत्ति 41:42 - परमेश्‍वरए ताँ तमु क्युइर

⁴² छबिसि फारो म्रुँइ छाप मुँबै ह्रोंसए च्या योउँइँले प्लिसि योसेफए योर खिमिंइ। धै छ्याँबै मलमलाए क्वेंइ पैरेमिंसि चए खरिर माराए सिग्रि खिमिंइ।

उत्पत्ति 41:42 ပူးပေါင်းရင်းမြစ်များ

उत्पत्ति 38:18

यहूदाइ बिइ, “ङइ तो सै थेंलेदि?” चइ बिइ, “क्हिए छाप नेरो चए छो धै क्हिए योर्बै चु प्हरे थेंस्याँ तम्।” छबिमा यहूदाइ चने च सैमैं पिंसि चने बालु तइ। च लिउँइँ चउँइँले चइ प्हसे नोइ।

उत्पत्ति 41:43

झाइले योसेफलाइ फारोइ ह्रोंसए न्होंर्बै चिब धोंले रथर क्रेसि स्युरइ। छतमा योसेफए ओंसों-ओंसों “च्हि तुँसि फ्योद्!” बिदै म्हिमैं ओरप्रइ। छले फारो म्रुँइ योसेफलाइ मिश्र ह्‍युल तिगोंन् क्ल्हे तल् पिंइ।

एस्तर 10:3

यहूदी मोर्दकै म्रुँ अहासूरस भन्दा न्होंर्बै ताँन् भन्दा चिब मुँल। च यहूदीमैंए थेबै म्हि मुँल। धै चइ ह्रोंसए यहूदी म्हिमैंए ल्हागिर बेल्‍ले छ्याँबै के लसि खातोनोइ खोबै म्हि तइ। मोर्दकैइ ह्रोंसए ह्रेंर्बै म्हिमैंए ताँन् सन्तानमैंए ल्हागिर शन्तिए ताँमैं मत्‍त्रे लइ।

एस्तर 3:10

छबिमा म्रुँइ ह्रोंसए छाप मुँबै च्या चए योउँइँले प्लिसि यहूदीमैंए शत्तुर अगागी ह्रेंर्बै हम्मदाताए च्ह हामानलाइ पिंइ।

एस्तर 3:12

झाइले ओंसोंबै म्हैंनए च्युसे सों त्हिंइर म्रुँइ बिबै ताँमैं प्ह्रिबर म्हिमैं हुइइ, धै हामानइ बिब् धोंलेन् म्रुँए के लबै चिब्मैं, ताँन् क्ल्ह्‍योर्बै चिबनाँब्मैं नेरो ताँन् क्ल्ह्‍योर्बै ताँन ह्रेंमैंए चिब्मैंलाइ, चमैंए क्युइर्न प्ह्रिछ्या प्ह्रिसि कुलइ। म्रुँ अहासूरसए मिंउँइँलेन् च प्ह्रिछ्या प्ह्रिल, धै च प्ह्रिछ्यार म्रुँए छाप मुँबै च्याए छापै या झोंल।

एस्तर 8:10

च प्ह्रिछ्या मोर्दकैइ म्रुँ अहासूरसए मिंर प्ह्रिसि म्रुँए च्याए छाप ल्हैदिइ। धै प्ह्रिछ्या बोबै ल्हागिर बेल्‍ले न्हेल् खाँबै घोडामैंर म्हिमैं क्रेमिंसि क्ल्ह्‍यो-क्ल्ह्‍योर कुलइ।

एस्तर 8:15

च लिउँइँ म्रुँमैंइ खिबै तार्ग्या नेरो मु रङर्बै क्वें खिसि मोर्दकै कलाँजी रङर्बै सुतिए पछ्यौर पोइ, धै माराइ बनेबै मुकुट कुसि मोर्दकै म्रुँए दरबाराउँइँले त्होंइ। छले शूशन सहरर मुँबै ताँन् म्हिमैं बेल्‍ले सैं तोंदै उफर्दिइ,

एस्तर 8:2

झाइले म्रुँइ ह्रोंसए योर्बै च्या प्लिसि मोर्दकैलाइ पिंइ। च च्या म्रुँइ ओंसों हामान पिंल, धबै लिउँइँ चइन प्हेंवाइ। धै एस्तरज्यै या हामानए धिं-नाँए जिम्मा मोर्दकैलाइ पिंइ।

एस्तर 8:8

दिलेया म्रुँए मिंर प्ह्रिसि चइ च्याए छाप ल्हैदिबै प्ह्रिछ्या खाबज्यै थोल् आखाँ। छतसि तारे क्हेमैंइ क्हेमैंए ल्हागिर खैले छ्याँब तम् ङ्हाँमुँ, छलेन ङए मिंर अर्को प्ह्रिछ्या घ्रि प्ह्रिद्, धै ङए च्याए छाप ल्हैदिद्।”

भजनमैं 73:6

सिक्रि खिल् योंमा सैं तोंब् धोंले थेब् प्हैंमा चमैं सैं तोंम्; धै क्वें खिब् धोंले चमैंइ प्होंगि कैगि लम्।

हितोपदेश 1:9

तलेबिस्याँ च ताँमैं क्हिए क्रर ङ्‍हेंबै क्रेगि नेरो मान लइरि कुर खिमिंबै माला धों तब् ग।

हितोपदेश 31:22

ह्रोंसए ल्हागिर चइ पोब् तिबै सै बनेम्; धै ङ्याँ-ङ्याँ ह्‍याबै कलाँजी रङर्बै क्वेंमैं चइ खिम्।

हितोपदेश 31:24

चइ सुतिए क्वेंमैं टुसि चुँम् धै छों लब्मैंने फगिमैं चुँम्।

लूका 15:22

“दिलेया आबाइ के लबै म्हिमैं हुइसि बिइ, ‘युन्ले ताँन् भन्दा छ्याँबै क्‍वें नेरो च्या पखसि चु खिमिंन्, जुत्‍तै या खिमिंन्।