उत्पत्ति 41:32 - परमेश्‍वरए ताँ तमु क्युइर

³² क्हिइ ङ्हिखे समा क्हेसि म्रोंबै म्होंडए अर्थ चुन् ग, चु क्ह्रोंसेंन लब् बिसि परमेश्‍वरजी मैंल् खाँइमुँ, धै परमेश्‍वरजी युनन् चु के लब्मुँ।

उत्पत्ति 41:32 ပူးပေါင်းရင်းမြစ်များ

उत्पत्ति 37:7

ङ्यो ताँन् म्रोंर गउँए प्हैं फैरिल। ङए प्हैं राइ, धै क्हेमैंए प्हैंमैंइ कारग्युले ङए प्हैं फ्योइ।”

उत्पत्ति 37:9

च लिउँइँ चइ धबै म्होंड म्रोंसि आघेंमैंने बिइ, “ङइ धबै म्होंड म्रोंइ। त्हिंयाँ, लयाँ नेरो च्युसे घ्रि मुसारमैंइ ङलाइ फ्योरिल।”

उत्पत्ति 41:25

लिउँइँ योसेफइ फारोने बिइ, “क्हिए म्होंडमैं ङ्हिंना-ङ्हिंनए अर्थ घ्रिन् ग। परमेश्‍वरजी तो लल् म्हैइमुँ च क्हिने उँइँमिंइमुँ।

उत्पत्ति 41:28

परमेश्‍वरजी खीजी लल् म्हैबै के क्हिलाइ उँइमिंब् ग। चु ङइ क्हिने बिब् धोंलेन् तब्मुँ।

उत्पत्ति 41:31

च लिउँइँ खबै अंङ्गलइ लमा ह्‍युलर तबै सागल मैंरिब् आरे। तलेबिस्याँ च अँङ्गल् बेल्‍ले ङ्हिंन् ङ्हाँब् तब्मुँ।

मत्ती 24:35

स्वर्ग नेरो पृथ्‍बी म्‍हयाब्‍मुँ, दिलेया ङइ बिबै ताँ खोंयोंइ या म्‍हरिब आरे।”

मत्ती 25:34

झाइले म्रुँजी ह्रोंसए क्‍योलो हारबै म्‍हिमैंने ‘खो, ङए आबाउँइँले आशिक योंबै म्‍हिमैं, ह्‍युल बनेब् ओंनोंन् क्‍हेमैंए ल्हागिर बनेथेंबै ग्याल्सर क्ल्हे लबर खो,’ बिब्मुँ।

मत्ती 25:41

“च लिउँइँ खीजी ह्रोंसए त्हेब्रे हारइ टिब्‍मैंने ‘ओ सराप योंबै म्हिमैं! ङ ङाँइँले ह्रेंगो तयाद्। दियाबलस नेरो चए दूतमैंए ल्हागिर बनेथेंबै खोंयोंइ आसिबै मिर ह्‍याद्,’ बिब्मुँ।

मर्कूस 10:40

दिलेया ङए क्‍योलोउँइँ नेरो त्हेब्रेउँइँ खाब् टिल् योंम्, च ङइ बिसि आत, परमेश्‍वरजी खाबए ल्हागिर तयार लथेंइमुँ चमैंन योंम्।”

१ कोरिन्थी 2:9

चु ताँए बारेर परमेश्‍वरए छ्वेर छले प्ह्रिइमुँ, “म्‍हिमैंइ खोंयोंइ आम्रोंब, खोंयोंइ आथेब, म्हिमैंए सैंरै आमैंबै ताँमैं, परमेश्‍वरजी खीलाइ म्हाँया लब्‍मैंए ल्हागिर तयार लथेंइमुँ।”

२ कोरिन्थी 13:1

तारे ङ सोंखेबै लार क्‍हेमैं ङाँर खसिन् मुँ। खाब् मुँलै म्हिए फिर तोइ दोष ल्हैदिस्याँ परमेश्‍वरए छ्वेर प्‍ह्रिब् धोंले, “म्‍हि ङ्हिं सोंइ बिबै ताँ क्ह्रिस्याँ मत्‍त्रे च ताँ पक्‍का तम्।”

दर्शन 9:15

धै म्‍हिमैं सोंबाँर तिबाँलाइ सैबर च स्वर्गदूत प्लि पिवाइ। परमेश्‍वरजी चमैंलाइ चु बर्ष, चु म्हैंन, चु त्हिंइ नेरो चु त्हेए ल्हागिर्न ओंसों ओंनोंन् तयार लथेंल।