उत्पत्ति 41:25 - परमेश्‍वरए ताँ तमु क्युइर

²⁵ लिउँइँ योसेफइ फारोने बिइ, “क्हिए म्होंडमैं ङ्हिंना-ङ्हिंनए अर्थ घ्रिन् ग। परमेश्‍वरजी तो लल् म्हैइमुँ च क्हिने उँइँमिंइमुँ।

उत्पत्ति 41:25 ပူးပေါင်းရင်းမြစ်များ

उत्पत्ति 40:8

चमैंइ चने बिइ, “ङिइ म्होंड म्होंइ। दिलेया म्होंडए अर्थ बिमिंबै म्हि चुर खाबै आयों।” योसेफइ चमैंने बिइ, “म्होंडए अर्थ परमेश्‍वरजी मत्‍त्रे सेल् खाँम्। क्हेमैंए म्होंडमैं ङने सेद्।”

उत्पत्ति 41:16

योसेफइ फारोने बिइ, “छाबै ह्रबम् ङ आरे। दिलेया परमेश्‍वरजी क्हिए म्होंडए अर्थ बिमिंब्मुँ।”

उत्पत्ति 41:26

च ख्युँइँ-ख्युँइँ ब्योंबै छो-छोबै म्येमैं ङिउँलो ङिदिं ग, धै च छ्याँबै नाँ ङिउँलो या ङिदिंन् ग। म्होंड घ्रिन् ग।

उत्पत्ति 41:28

परमेश्‍वरजी खीजी लल् म्हैबै के क्हिलाइ उँइमिंब् ग। चु ङइ क्हिने बिब् धोंलेन् तब्मुँ।

उत्पत्ति 41:32

क्हिइ ङ्हिखे समा क्हेसि म्रोंबै म्होंडए अर्थ चुन् ग, चु क्ह्रोंसेंन लब् बिसि परमेश्‍वरजी मैंल् खाँइमुँ, धै परमेश्‍वरजी युनन् चु के लब्मुँ।

भजनमैं 98:2

खीए त्हाँबै म्हिमैं जोगेमिंब याहवेहजी उँइँमिंइमुँ; धै खीजी ह्रोंसए ठिक केमैं ह्रें-ह्रेंमैंए ओंसों उँइँमिंइमुँ।

प्रस्थान 9:14

‘ह्‍याल् आपिंस्याँ चु लार ङइ क्हिए फिर, के लब्मैंए फिर नेरो म्हिमैंए फिर बेल्‍ले थेबै दुःखमैं कुलब्मुँ। छले पृथ्‍बीर ङ धोंबै परमेश्‍वर खाबै आरे बिसि क्हिइ सेब्मुँ।

मत्ती 24:40

च त्हेर म्रों घ्रिर्न के लरिबै म्‍हि ङ्हिंरि घ्रि बोब्‍मुँ, अर्को चर्न वाथेंब्‍मुँ।

मर्कूस 13:23

छतसि क्‍हेमैं न्हक्रों मिक्रोंले टिद्। प्‍हँना लिउँइँ तबै तोन्दोंरि ताँमैं ङइ ओंसोंन् क्‍हेमैंने बिमिंइमुँ।

एफिसी 1:17

ङ्योए प्रभु येशू ख्रीष्‍टए आबा थेबै मान मुँबै परमेश्‍वरजी खीए बारेर अझै क्‍हेमैंइ छेनाले क्होबै ल्हागिर खीए ज्ञान बुद्धि नेरो पबित्र प्ल्ह पिंरिगे बिसे या ङइ क्हेमैंए ल्हागिर प्राथना लइन मुँ।

दर्शन 4:1

च लिउँइँ ङइ धबै दर्शनर स्‍वर्गर्बै म्रा थोंथेंब् म्रोंइ। धै ङइ ओंसों थेबै कैइ “छुइ कैंडो खो, ङइ क्हिलाइ तारे लिउँइँ तबै ताँमैं उँइँमिंस्‍यो” बिबै बिगुलए कै ङइ थेइ।