उत्पत्ति 41:15 - परमेश्‍वरए ताँ तमु क्युइर

¹⁵ फारो म्रुँइ योसेफने बिइ, “ङइ म्होंड घ्रि म्रोंइ। दिलेया च म्होंडए अर्थ चुर खाबज्यै या बिल् आखाँ। क्हिइ म्होंडए ताँमैं थेबै लिउँइँ अर्थमैं बिल् खाँम् रो बिब ङइ थेइ।”

उत्पत्ति 41:15 ပူးပေါင်းရင်းမြစ်များ

उत्पत्ति 40:8

चमैंइ चने बिइ, “ङिइ म्होंड म्होंइ। दिलेया म्होंडए अर्थ बिमिंबै म्हि चुर खाबै आयों।” योसेफइ चमैंने बिइ, “म्होंडए अर्थ परमेश्‍वरजी मत्‍त्रे सेल् खाँम्। क्हेमैंए म्होंडमैं ङने सेद्।”

उत्पत्ति 41:8

न्हाँगर चए सैंर बेल्‍ले न्हुँ तसि चइ मिश्र ह्‍युलर्बै ताँन् जादु लब्मैं नेरो ह्रब-सेब्मैं हुइसि चमैंने चइ म्रोंबै म्होंडमैं सेइ। दिलेया फारोए म्होंडए अर्थ बिमिंब चर खाबै आत्हों।

भजनमैं 25:14

याहवेहलाइ मान लब्मैंने बालु खी बेल्‍ले क्ह्रिबै थु तम्, धै खीजी फैबै बाछाए ताँमैं चमैंलाइ सेल् पिंम्।