उत्पत्ति 40:15 - परमेश्‍वरए ताँ तमु क्युइर

¹⁵ तलेबिस्याँ क्ह्रोंसेंन म्हिमैंइ ङलाइ हिब्रूमैंए ह्‍युलउँइँले क्हासि पखब् ग। धै चुरै या झेलर टिल् त्हुबै के ङइ तोइ आलल।”

उत्पत्ति 40:15 ပူးပေါင်းရင်းမြစ်များ

उत्पत्ति 14:13

दिलेया भौदिह्‍याबै म्हि घ्रिइ हिब्रू ह्रेंर्बै अब्रामने चु ताँ बिइ। अब्राम एश्कोल नेरो आनेरए अलि एमोरी मम्रेए ङ्‍ह् सिं धुँए खागु टिमल। चुमैं अब्रामने क्ह्रिब्मैं मुँल।

उत्पत्ति 39:20

झाइले चइ योसेफलाइ म्रुँए कैदिमैं च्युथेंबै झेलर च्युवाइ। छले योसेफ झेलर टिइ।

उत्पत्ति 40:16

च म्होंडए अर्थ छ्याँब तब् म्रोंसि चबै सैमैं ह्‍योमिंबै चिबज्यै या योसेफने बिइ, “ङज्यै या छाबै म्होंड घ्रि म्होंइ। ङए क्रर क्हेंए ट्हलो सों मुँल।

उत्पत्ति 41:12

च झेल न्होंर कप्‍तान पोतीफरए हिब्रू केब्छैं फ्रेंसि घ्रि ङिने बालु मुँल। चने ङिए म्होंडमैं सेमा चइ ङि ङ्हिंए म्होंडए अर्थ ङिने बिमिंइ।

भजनमैं 105:18

म्हिमैंइ चए प्हलेर कडि फैसि दुःख पिंइ, धै चए खरिर पैए सँउँलि खिमिंइ।

भजनमैं 109:2

तलेबिस्याँ आछ्याँबै के लब्मैं नेरो स्योलिबै ताँ पोंब्मैं ङए बिरोधर पोंइमुँ, धै चमैंइ स्योर तेबै लेइ ङए बिरोधर पोंइमुँ।

प्रस्थान 21:16

“खाबइ म्हिमैं क्हासि चुँमुँ अथवा आचुँले थेंमुँ, छाबै म्हिलाज्यै या सैवालन् त्हुम्।

यूहन्‍ना 10:32

येशूजी चमैंने बिइ, “ङइ क्हेमैंने ङए आबाउँइँले ल्‍हें छ्याँबै केमैं उँइँमिंइ। च केमैं न्‍होंरि खाब् केए ल्हागिरि क्हेमैंइ ङ युँमाइ प्रिंल् म्‍हैल?”

यूहन्‍ना 15:25

दिलेया छ्वेर प्ह्रिथेंबै चु ताँ पूरा तबर छ तब् ग, ‘चमैंइ तोनतोर्न ङलाइ हेल लइ बिसि चर प्ह्रिथेंइमुँ।’

१ तिमोथी 1:10

नेरो छमिं न्हब्मैं, फ्रें क्ल्योंब्मैं, मुँयुँमैंइ मुँयुँमैं म्हैब्मैं, रिंमैंइ रिंमैं म्हैब्मैं, म्हि क्हाइ बोब्मैं, ह्‍योमैं, स्योर्गुमैं, स्योर तेसि ग्वाइ पिंब्‍मैं नेरो ठिक ताँमैंए बिरोधर पोंब्मैंए ल्हागिर पिंइ।