उत्पत्ति 4:8 - परमेश्‍वरए ताँ तमु क्युइर

⁸ कयिनइ ह्रोंसए अलि हाबिलने “खो, ङ्यो बैरु म्रोंर ह्‍याले,” बिइ। झाइले चमैं म्रोंर ह्‍यामा कयिनइ ह्रोंसए अलि हाबिल सैवाइ।

उत्पत्ति 4:8 ပူးပေါင်းရင်းမြစ်များ

उत्पत्ति 4:25

धबै आदम ह्रोंसए प्ह्रेंस्योने बालु तसि चए प्ह्रेंस्योइ च्‍ह फिइ। “कयिनइ सैवाबै हाबिलए साटोरि परमेश्‍वरजी ङलाइ कोलो घ्रि पिंइमुँ।” बिसि हब्बाइ चए मिं शेत थेंइ।

भजनमैं 139:19

ओ परमेश्‍वर, क्हिजी दुष्‍टमैं नास लवास्याँ कति छ्याँब तमल! ओ म्हि सैमैं, ङ ङाँइँले ह्रेंगो त‍याद्!

भजनमैं 36:3

चए सुँइ स्योलिबै ताँमैं नेरो आछ्याँबै ताँमैं पोंमुँ; छ्याँबै केमैं लब नेरो केर फेबै ताँमैं पोंब चइ पिवाइमुँ।

भजनमैं 55:21

चइ सुँइ लिरिक्‍क लमल, दिलेया चए सैं आछ्याँब मुँल; चइ ङ्याँ ह्‍याल्‍ले आथेलै थेथे ङ्हाँन्ले ताँ पोंमल, छले स्युट्‍टले पोंसि सेलाँइ धोंले चइ न्होह्रों लमल।

मत्ती 23:35

ओंसों ओंनोंबै छ्याब् आरेबै म्‍हिमैं सैवाबै सजैं क्‍हेमैंए फिर्न तरिगे बिसि ङए ताँ बिमिंब्मैं कुल्मिंब्‍मुँ। तोइ छ्याब् आरेबै हाबिल नेरो बेरेक्याहए च्‍ह जकरिया सैवाबै पापए सजैं क्‍हेमैंए फिर्न खब्मुँ। मन्दिर नेरो होम् पिंबै क्‍ल्‍ह्‍योए म्‍हाँजोर क्‍हेमैंइ जकरिया सैवाइ।

लूका 11:51

ओं, ङ क्हेमैंने बिमुँ, हाबिल सैवाबै त्हे ओंनोंबै पबित्र मन्दिर नेरो ख्रो पिंबै क्ल्ह्‍योए म्हाँजोर जखरिया सैवाबै त्हे समार्बै ताँन् सजैं तिंजोरोबै म्‍हिमैंइ बेहोर्दिल् त्‍हुम्।

लूका 22:48

येशूजी चने बिइ, “ओ यहूदा, ‘क्हिइ’ म्हिए च्हलाइ म्वें लब् धों लसि खीए फिर धोका पिंदा ङ्हाँइमुँ वा?”

हिब्रू 11:4

बिश्‍वासउँइँलेन् कयिनइ भन्दा हाबिलइ बेल्‍ले छ्याँबै ख्रो परमेश्‍वरलाइ पिंइ। छाबै बिश्‍वासइ लमा हाबिल परमेश्‍वरए उँइँर ठिक ठर्दिइ, तलेबिस्याँ चइ पिंबै ख्रो म्रोंसि परमेश्‍वर सैं तोंइ। हाबिल सियालेया चइ लबै बिश्‍वासउँइँलेन् अझै च पोंसिन्मुँ।

हिब्रू 12:24

छलेन क्हेमैं नेरो परमेश्‍वरए म्हाँजोर छारा बाछा फैमिंबै येशू ङाँर नेरो खीए पबित्र लमिंबै कोए ङाँर खइमुँ। येशूए कोजी हाबिलए कोइ भन्दा अझै छ्याँबै ताँ पोंम्।

यहूदाइ प्‍ह्रिबै प्ह्रिछ्या 1:11

धिक्‍कार मुँ चमैंलाइ। तलेबिस्याँ स्‍योंम्‍बै कयिनइ लब् धोंबै के चमैंइ लम्। ह्रोंसए फायदए ल्हागिर बालम बिबै म्हिइ लब् धोंबै गल्‍ति चमैंइ लम्। छतसि मोशाए बिरोधर राबै स्‍योंम्‍बै कोरह बिबै म्‍हि धोंले चमैंइ ठिक अधिकारए बिरोध लबइले नास तयाम्।