उत्पत्ति 4:4 - परमेश्‍वरए ताँ तमु क्युइर

⁴ दिलेया हाबिलइ ह्रोंसए क्युए बगालउँइँले ओंसों फिबै छोबै क्यु भेटि पखइ। छतमा याहवेह हाबिल नेरो चए भेटि म्रोंसि सैं तोंइ।

उत्पत्ति 4:4 ပူးပေါင်းရင်းမြစ်များ

उत्पत्ति 15:17

त्हिंयाँ लियाबै लिउँइँ म्हुँइँस तमा मिखु त्होंबै मिए पु घ्रि नेरो लुँरिबै मिए प्हैं घ्रि सेए चौटामैंए म्हाँजोउँइँले त्होंयाइ।

उत्पत्ति 4:3

दे त्हे लिउँइँ कयिनइ म्रोंर रोबै सैमैंउँइँले च्हौदे भेटि याहवेहए ङाँर पखइ।

भजनमैं 20:3

क्हिइ पिंबै ताँन् भेटिमैं खीजी मैंरिगे, धै क्हिइ ख्रोंइ पिंबै ख्रोमैं म्रोंसि खी सैं तोंरिगे। तिस्याँदे मैंन्

प्रस्थान 13:12

क्हेमैं ताँनइ च्ह थेब याहवेहलाइ पिंन्। क्हेमैंए खेदोमैंइ ओंसों फिबै त्होबामैं या ताँन् याहवेहए ल्हागिर्न तब्मुँ।

हितोपदेश 3:9

क्हिए सै न्होर नेरो म्रोंउँइँले खबै रा-रोए फुइ याहवेहए मिंर थेंसि खीए मान लद्;

हिब्रू 11:4

बिश्‍वासउँइँलेन् कयिनइ भन्दा हाबिलइ बेल्‍ले छ्याँबै ख्रो परमेश्‍वरलाइ पिंइ। छाबै बिश्‍वासइ लमा हाबिल परमेश्‍वरए उँइँर ठिक ठर्दिइ, तलेबिस्याँ चइ पिंबै ख्रो म्रोंसि परमेश्‍वर सैं तोंइ। हाबिल सियालेया चइ लबै बिश्‍वासउँइँलेन् अझै च पोंसिन्मुँ।

हिब्रू 9:22

क्‍ह्रोंसेंन ठिमर बिब् धोंले कोइ ताँन् सै चोखो लम्। को आबगेन् समा पापए क्षमा तलन् आखाँ।

दर्शन 13:8

पृथ्‍बीर टिब्मैं ताँनइ च खेदोलाइ फ्‍योब्‍मुँ, दिलेया खाब् म्‍हिमैंए मिं सैवाबै क्‍यु च्हजए कितबर ह्‍युल बनेब् भन्दा ओंसोंन् प्ह्रिल, चमैंइ च खेदोलाइ आफ्यो। छ्ह योंब्‍मैंए मिं क्‍यु च्हजए कितबर प्‍ह्रिल् खाँइमुँ।